عند ناصر وليلى
كان الصمت حكايه مافيه الا صوت الاغنيه وتوتر بينهم
ناصر وقف الصوت : بروح اجيب عشاء واجي
ليلى الي بسرعة البرق قامت تبدل لان ابداً مو مرتاحه
ناصر تقابل تحت ب محمد وعلمه الخبر
ناصر : ماشاءالله الله يتمم له على خير
محمد : امين يلا انا بروح وصل عشاي
ناصر : يلا مع السلامه
راحو وكملو يومهم مع بعض واكتمل شهر العسل مع بعض كان ناصر وليلى داخل المملكه عكس ترف ومحمد طلعوا وعاشوا ورجعو بعد مرور شهرين
محمد : ترف ترى بنروح لخوالي عندهم عشاء اليوم في استراحة جدي وبنام فيها ثلاث ايام اجهزي
ترف : تمام
كانت ترف تسوي شعرها ولبست فستان ناعم وماسك ابيض كان محمد مايشيل عينه وده لو قال لهاا اجلسي ماحنا رايحين لكن قطع تفكيره : محمد انا خلصت
محمد حاس بيتقطع : بتخلين شعرك مرفوع ؟
ترف : لا بس نصه ليه
محمد : كنت اسأل بسس
محمد للحين يحاول يجري ترف عليه لانها تستحي حيل منه ومايقدر يقول لها شي وسكت ووده يقول غيريه لان خوالها تعدو مرحلة البدو : يلا انا جهزت حبيبي
مشو وكانوا بيجون اهل الترف بعد عشاء كبيير حرفيًا وصلوا ومحمد متوتر من ترف ولبسها وخايف الجد يزرى "يستهزي" عليها :يلا وصلنا
ترف : خوالك وصلوا ؟
محمد : لا بس عمامي
ترف : يلا مشينا
دخلو وطلعت الترف عبايتها وكان شعرها مرفوع
محمد بهمس : اءء ماقلتي بتفكينه؟
ترف : لا احس كذا عاجبني اكثر
محمد عض شفايفه شاف البنات جو والجد معهم وبحركه سريعه لف وفك شعرها : ضبطي لبسك شوي
ترف توترت من حركاته واستحت من شافت البنات شافوها عرفت انهم فهموا بالذات ريما سلمت عليهم وجلسو جلست بجنبها ريما وجنبها الثاني محمد
ريما : ههههه تكفين يضحك ذا كيف يغار من شهرين بسس
ترف توترت : اءء اي مادري والله
محمد : احسني تعبت الحمدلله طلع جدو
ريما : تعبت من الغيره وانا اختك
محمد : شدخل
ريما : كمل ماحد شافك قبل شوي خلاص تروف حبيبي جدو راح ارفعي شعرك ولا عليك منه
محمد بحده : ريمااا
ريما : ياخي بين بنات عادي
محمد : اوكي نطي جيبي لنا قهوه قبل يجون خوالي
ريما : يلا
راحت وكان مافي المجلس الا ترف ومحمد
محمد : اءء معليش بس والله خفت جدي يقول شي لان ظهرك ولبسك من قدام مره ماراح يعجب جدي
ترف تحمر وجهها : لا لا عادي
محمد ابتسم ترف : احمد بيجي ؟
محمد : ما اعتقد زوجته حيل تعبانه الله يعينها
ترف : الله يعينها صراحه تحمست اشوفهم ههههههههههه
محمد ناظرها وابتسم: عقبالنا
ترف تقول بنفسها ياااو خلاص صدعت ي ريما تعاليي
ريما : هاااي اشتقتوا لي
ضحك محمد : لا
ترف : الا اشتقت لك اجلسي
ضحك محمد ب اعلى صوته : مو لهدرجه
ريما حست انها فهمت شوي واستحت : اءء سوالف عائليه
ترف : خلاص ايوه شخبارك وكيف البنات
كانت بترد لكن انصدمت من محمد الي من كثر الضحك شرق بالقهوه : هههييي شبلاك انت من تزوجت انهبلت
محمد : تلوميني ؟
ريما : لا والله دام عندك هالجمال ما الومك
محمد : اجل قلتيها عندي هالجمال
ترف فتحت جوالها : "الو " "امي " "متى بتجون" "يلا انتظر"
محمد يحاول يلهي نفسه عشان مايضحك زياده: فيه غرفه فاضيه صح ريما ؟
ريما : اي ليه
محمد : باخذها انا وترف
ترف انفعلت : وجع هيهي بنام عند البنوتات مالي دخل
محمد بحده : ايششش
ترف استوعبت : اء بنام عندهم لي شهرين انام عندك بس يوم واحد عندهم
طلع محمد وهو معصب منها
ريما : اوب اوب وش هالنفسيه ماعليك توتي امشي معي
ترف : يووه ذا زعل جد ولا
ريما : ترى محمد اذا زعل يقعد سنتين عشان يرضى
هزت راسها ووقفت راحت تعدل لبسها قدام المرايه وتعدل شعرها
ريما لحقتها : الحريم جوو تعالي نسلم
راحو يسلمون وسالوا عن محمد الي مقبل عليهم من بعيد : السلام عليكم
ام نوره تخز الترف : وعليكم السلام
محمد راح يسلم عليهم وعرف من نظاراتهم الزرى على الترف ولبسها رغم ريما عاارفه وضع خوالها عشان كذا عكس الترف
محمد سلم على خالته الكبيره وقالت له : سنع مرتك وش هاللبس الماصخ
محمد : مشيها ي خاله هالمره
تهزت ومشت وسلم على خالاته الصغار بعمر ١٤ الى ٢٠ الي كانت على ناظراتهم الاستغراب
نحا : محمد حرمتك تقرب لك ؟
محمد : اي
سوير : وش تقرب لك
محمد : بنت عمتي
نحا : يسبحان الفرق بينها وبين ريما تقل مايقربن لبعض
محمد بحده : خلاص ععاااد
سوير : يلا يلا مشينا نجلس مع البنات
محمد يحاول يهرب قبل تجي جدته : انا استأذن
طلع وجلسوا البنات مع الترف وقاموا يسولفون عن المواضيع وطبعًا مواضيع ماتنتهي مع ترف وريما اذا تجمعوا " الميكب والعنايه"
سوير بهمس : متزوج بزر ذا
نحا : اي والله بزر بس مالومه اهتزت الثقه فالنفس عندي من سوالفها
سوير: امحق والله ما وراها الا الجوع ليته متزوج له وحده سنعه تطبخ وتنفخ ذي تلقينها تطفر به وتسحبه يمين ويسار
نحا : الله يعينه بس من شفت لبسها وانا عارفه هالاشكال
سوير : الله يسامحنا بس
دخلت الجده وعادي متعوده على الترف وملابس البنات ذي وخلاص صاروا يجون الناس حبه حبه والترف ماعندها موضوع الا انها تراقب نحا وسوير ونظراتهم وتفكر كيف تقابل محمد وهل بيرضى ولا لا
نوير : ترف زوجتس بالمطبخ يبيتس
ترف : اي تمام
قامت وراحت للمطبخ وكان محمد موجود بس مانادا الترف بس هذي الافكار من نحا ونوير يبيون يشوفون هي بتشتغل معه ولا لا
في المطبخ
محمد : يبه يبه
فيصل : يمحمد انت علامك
محمد : مافيني شي بس ليه ماتطلع من المطبخ بنشتغل بدالك والله
فيصل : طيب طيب جيبوا المويه وانا بروح اساسًا
محمد : ابشر
طلع فيصل ودخلت الترف وصد محمد يكمل شغله
ترف : هلا بغيت شي ؟
محمد : لا
ترف : ليه مناديني طيب
محمد بحده : مانديتك ي بنت الحلال
ترف : انا بفهم ليه زعلان الحين!
محمد : مو زعلان ترف اطلعي برا ماني رايق لك
ترف : مو رايق لي ؟
محمد : ايه يلا اطلعي
طلعت الترف وهي مره النفسيه ضربت معاها واساسًا لو تشوف نوير هبدتها لين تطلع روحها
ريما : ترف شفيك
ترف : مافيني شي حبيبي امشي نتقهوى ونروق
ريما : يلا بس شرايك نطلع برا لانهم بيقومون يتعشون الحريم وانا ماتعشى اساسًا
ترف : حتى انا يلا خلينا ناخذ قهوه وحلا ونطلع
ريما : بنطلع وراء بالحوش
ترف : احس متكاسله اجيب عبايتي
ريما : مايحتاج يبنت الحلال وراء ماحد بجاينا
ترف : زين اجل يلا
طلعوا ياخذون قهوه وحلا ويطلعون برا
