محمد : يلا خلينا نمشي
ترف : طيب عادي سؤال اول ؟
محمد : اي اسالي
ترف : بكل امانه شوضعك قبل شوي مع لانا؟
محمد : بس كنت اعطيها على جوها عشان توقف مياعه
ترف : لا يشيخ ؟؟؟
محمد :كنت بشوف غيرة وحده
ترف : مينن !
محمد بضحكه : ريما
ترف بشك: اها اوكيه
محمد : طيب ليه سالتي عنها؟
ترف بتصريفه : م احبها ولا احب المياعه وهالحركات
محمد بضحك : طيب ليه قلب وجهك يوم كنا فالسياره وتنرفزتي يوم لانا كانت تتقرب مني ؟
ترف بتوتر : ها لا ولاشي بس مو جوي هالحركات والسخافه وقلة الادب هاذي
ننتقل ل اميره الي عجزت تنام من كثر التفكير ف سعود وسعود نفس الشي
اميره : افف ي اميرهه وقفي تفكير فيهه شفيككك كل وقتك تطالعينه وتفكرين فيه خلاص كله موقف انسييي
سعود : ياربي ي اميره خليتي تفكيري كله فيك من موقف؟؟؟؟؟
نروح ل محمد وترف
ترف : محمد يلا نرجع ترا مابقى شي على الاذان جدي لايصحى يفهم غلط
محمد بزعل لانه وده يقضي الوقت كله معها : امم يلا يلا تمام
يوم وصلو عند الخيم
الجد محمد : من هناك؟
محمد بخوف : ا انا ياجدي
ترف بتوترر وخوف : انا ترف ياجدي
الجد محمد : محمد ترف !!!!!
الجد : ترفف شجابك هنا !
ترف وهي تحاول تتكلم: مادري
الجد بصراخ : كيف ماتدرين ومع محمد بعد !
ترف ببكاء : مادريت محمد موجود
الجد حن عليها : روحي صلي ونامي بعدين اتفاهم معك
ارتاح محمد ولكن صاح عليه جده: وانت شجايبك مع ترف !
محمد : ماجيت معاها صدفه
الجد : لا والله ماني باصغر عيالك تلعب علي علمني الصدق احسن ي محمد
محمد بتصريفه: ياجد ماكنت معاها ولا دريت بوجودها الا منك
الجد : انا انتبهت لكم الاثنين كيف انت ما انتبهت ؟؟؟
محمد : ي جد مانتبهت شفيك علي
الجد : ب اعلم ابوك يشوف شغله معك
محمد بخوف : ي جد ماتوصل ! بتفتح طرق مارحنا لها اساساً
الجد : اخر مره اشوفك عند ترف فاهم !!!!
محمد : ابشر طال عمرك
راحو يصلون ومحمد ارتاح بس خايف الجد يفتح الموضوع مع ترف مره ثانيه وهي حساسه
عند ترف تحاول تنام بس مو قادره تنام من التفكير وتكلم نفسها معقوله ي ترف ! لا مستحيل هذا مجرد احساس يجي ويروح
سلمان : سعود جاء العصر وانت للحين ماقمت
سعود : ابوي مانمت الا متاخر خلني 10 دقايق واقوم
سلمان بعصبيه: بقوم عليك بالعصاء الوقت راح ماصليت !
سعود : سم الحين قايم
فيصل : محمد!! وش اخرك كل هالنوم ؟؟؟؟
محمد : يبا قايم قايم
قام محمد وسعود صلو وراحو جلسو عند جدهم وعمانهم
ساره : ترف شفيك اليوم مو على بعضك
ترف : ها لا مافيني شي معليك
ساره : مدري مو عاجبتني اليوم
ترف بتعب : هههه
راحو ترف وساره يجلسون عند الجد
الجد محمد : انا ماعاد ابي اشوف احد يصحى بعد الساعه ١١ ياويل الي اشوفه صاحي!
يقول هالكلام وهو يخز ( يعطي نظرات ) ل ترف ومحمد
ترف : استأذنك انا
راحت ترف وهي منحرجه وخايفه من نظرات جدها
محمد بحزن : اذنك معك.
الجد محمد : من سمح لك ترد انت؟!
محمد سكت ماحب يقلل احترام للجد
الجده حصه : ترف قبل تروحين خلي البنات يجون وينادون اخوانهم من قديم ماجلسنا سوا
ترف بصوت خايف وقصير : طيب
ترف راحت تقول لهم الي قالته الجده وراحت على فراشها اخذت لها نومه قصيره
حصه : ريما قومي نادي ترف
الجد بصوت حاد : الي يبي يجي يجي مو يطاردونه الناس
حصه شكت بالموضوع ترف زعلانه والجد معصب :شفيك عليها ! قومي ياريما ناديها
ريما : ابشري يجده
راحت ريما لقت ترف نايمه وواضح نومة تعب ورجعت للجده : نايمه يجده
الجد : احد ينام هالوقت ؟؟
الجده : خلها تنام يمكن مصدعه
الجد بداخله تانيب ضمير نايمه وهي زعلانه منه مايحب يبين حنيته عشان ما يزودونها ، سولفو وراحو البنات
ساره : انا الي بسوي العشاء
هدى : لا والله ان شاءالله انا
ساره : تمام بس بساعدك
هدى : تمام
قامت ترف وتذكرت صوت جدها وهو يصيح عليها وعينها حمرت ودمعت بس ما انتبهت ان الجده موجوده
الجده : ترف فيك شي ؟
ترف : لا يجده مافيني شي
الجده تقدمت وحضنتها : علميني شفيك ولا بزعل عليك
ترف ببكاء: جدي زعلان مني امس اخر الليل سمع اصوات وجاء وشافني انا ومحمد بس ماكنت اكلمه كنت قاعده اكل وهو مادري عنه وزعلان علي للحين
الجده حضنتها : بعلمه واتفاهم معه يبنتي بس لا تبكين اي شي يضيق خاطرك انتي واخواتك يضيق خاطري
ترف تمسح دموعها : ابشري يجده
الجده راحت : احسن الظن يمحمد بترف قايمه من النوم وهي تبكي ؟ مخوفها انت ؟ ماصدقنا صارت تختلط مع بنات خوالها وخالتها
الجد : انا براضيها بطريقه مو مباشره بس ضروري اصير ببعض المواقف معاها حريص عشان تفهم ان مو كل شي تبكي عليه وتخاف منه
الجده : مو كذا طيب
الجد : خلاص قفلي الموضوع المهم وانتي رايحه ناديهم يجون يجلسون وخلي ترف تجي
الجده : طيب
تجمعو وجت ترف معاهم الي عيونها محمره جلسو وسولفو وفقرة ترف المفضله تستمع لسوالف جدها ايام عمله والايام القديم وكان يناضرها محمد الي باله مو معهم صفقه الجد : محمد انت معي ؟
محمد : ايوه يجد بس تذكرت شي
الجد : وش!؟
محمد : اشغال الجامعه وكذا
