عند العايله برا دخلت ريما عليهم : قولوا هااييي
غاليه : يوه انتي من تصورين له ؟
احمد : هاييي عمهه
غاليه : يهلا ريما قفلي الكيمره وجدي لايشوف الجوال
ريما توجه الكيمره على انس : لا ماعليك ماراح يبان وجهك
احمد : حركات انوسي متكشخه لمين
انس : للرياجيل الي جو
احمد : اممم اكيد
انس : ريما ترى بذبحك
دخل عليهم محمد كان شعره مَتبعثر ووجهه احمر وكان يالله يمشي بدون سبب تعب ! معقوله زكام بدون مقدمات ؟
نوره : يوه شفيك يمحمد
محمد الي قرب عندها وانسدح على فخوذها : تعبان شوي
نوره : وش متعبك ؟
محمد : طلعت السطح وانا مغسل وجهي وصكني الهواء البارد اتعبني
الجده : اخذت حبوب يمحمد ؟
محمد : ايه ماقصروا معي شهوده ولمو جابوا لي اكل وشاهي وماء وحبوب يهتمون افضل من بعض الناس "خز ريما"
ريما : مالي دخل مادريت والله كنت احسبهم يلعبون
شهد : مانمت كثير لازم تنام عشان تقوم نشيط
اميره : بسم الله عليكم تفهمون افضل من بعض الناس
لمى : شكرًا
قعدوا ياكلون ويسولفون وكانت عيونه على ترف الي تتكلم بحماس ! وصل مرحلة الفضول يأس من حاله كل ماشافها تسوي حركه ولو بسيطه يدور ف باله الف سؤال ! وكان منتظر الساعه 2 عشان تروح ترف ل أُنِيس ويروح معاها
عند ترف وريما
ترف : شفت لانا اليوم مادري ايش فيها كئيبه ب زياده
ريما : احسن تستاهل وربي اكرهها كره
ترف : رغم اني اكرهه اني احن عليها ودي لو اعدل على شخصيتها على كثر ما استفزتني بحركاتها الا و اني احن عليها ودي اصير لها اخت بس هي تجبرني اني ابتعد عنها تكرهني بدون اي سبب !!
ريما تناضر وهي مصدومه : منجدك ؟
ترف : قلت لك الصدق ذي مشكلتي اني احن وغم الكره الي فيني للشخص
ريما بلعت ريقها : من تكرهين ؟
ترف : اءء ممكن لانا وغزلان وتبين الصدق سالم ونواف ما ابلعهم صح انه غلط علي ماسوو شي لكن القبول من الله ابدًا ماتقبلت هالاشخاص
ريما تنهدت ب ارتياح غمزت : اخواني واختي اكيد ماتكرهيننا
ترف ضحكت : اكره احمد اخذ اختي الي تسولف علي عمومًا الله يوفقهم ويسعدهم بحياتهم
ريما ابتسمت : امين
التفت ترف ماكان فيه الا نواف ومحمد وانس وشهد ولمى وهي وريما
كانت شهد تلعب بشعر محمد : متى بتروحون ؟
محمد : اول ماتخلص الاجازه
شهد : جبت سيارتك ؟
محمد : اكيييد
شهد : الله خلنا نطلع
محمد : الوقت متأخر 2 الليل ناموا ونقوم الصباح 10 اوديكم البقاله
شهد تركض : بنام قبلك لمو
لمى : بنام معاك بغرفتك
شهد سحبت يدها : امشي
راحو وكان يناظرهم محمد ويضحك وكان يناظر ترف الي وقفت : الوقت تأخر لازم انام
ريما : نوم العافيه
ترف : يعافيك
ريما قربت عند محمد وهمست : تراااككك مفضوح حاول تهدي بالنضرات !
محمد : اففف ريما ماحبها شفيك انتي ذا بس اعجاب بشخصيتها وكيف هي مميزه بس فتره وتعدي
ريما : وش لونها المفضل ؟
محمد : ازرق واسود
ريما : وش اكلتها المفضله ؟
محمد : مكرونه
ريما : ايش هوايتها المفضله ؟
محمد : الرسم
ريما : وش تسويي لما تتضايق ؟
محمد : تهرب عن العالم
ريما : كل ذا وتقول وتقول اعجاب فقط حمودي انت مهووس
محمد : كملي اسأله
ريما : من مغنينها المفضلين ؟
محمد بتفكير : اعتقد خالد عبدالرحمن وطلال مداح
ريما : مشروبها المفضل ؟
محمد : شاهي
ريما : اشياء مفضله لها !؟
محمد : الخيول و القمر والشاطئ والليل والرسم والمتاحف والميكب والبر والوحده والشاهي والاطفال والنار والشتاء والقراءه والكتابه والاماكن القديمه و القصايد والورد و
قاطعته ريما : خلاااصصص بعدين خير من وين جايب ذا كله
محمد تنهد : نصه استكشفته ونصه علموني شهد ولمى يتكلمون كثير عنها
ريما : والله لو انك ايش انا لو سألوني عن زوجي مستقبلًا بعرف انه ابو عيالي بس
محمد تنهد : تنهِيده تحتاج ألف رِئَه .
ريما : عندك دفتر شكله حلو عادي افتحه ؟
محمد بغضب : ذا حق الجامعه لاتقربين له تضيعين اغراضي
ريما : اوكي
محمد : يلا تاخرت بطلع
ريما : وانا بنام
محمد : تمام نوم العوافي تصبحين على خير
ريما : يعافيك وانت من اهله
طلع محمد بهدووء وراح للمكان الي هي فيه بعيدًا نوعًا ما لكن وصل على وصولها وتخبى فوق الجدار المحطم وفيه شوي لكن ماتقدر تشوفه ولا هو يقدر يشوفها لان أُنِيس داخل واساسًا المكان مال له باب بفتح على حوش معدوم مو نظيف كانت المكان مُبعثر تمَامًا !
ترف حاوطته بيدينها: أنِيس اشتقت لك ! اشتاق لك وانا بجنبك واحسد نفسي عليك ! كيف انت ماخذ قلبي كذا
طلعت شنطتها الي كان فيها شاهي وعلبة الوان وكراسه وسماعه وكشاف صغير وراديو قدييم ومكملات الرسم مثلًا لوح الرسم وخشبة الالوان وهالاشياء
ترف : أنِيس رسمة رسمه اليوم فالعشاء رسمت جدي وخوالي وعيالهم وكل العايله لما كنا متجمعين واخذت التقطات نزلتها انستا اهخخ حلو اليوم لكن ما اقيمه ميه بالميه حصلت لي مواقف سيئه ونواقص لهاليوم كثيره
عند محمد الي فتح جواله ووصل لمرحلة يدور حساب ترف ويكتب اسمها الكامل بالانستقرام معتقد بيلقى !!! فكر شوي وارسل لريما : ريما عطيني حسابك بالانستا
ريما : ليه
محمد : مادري احس اني بحذف الواتس هاتي انستا
ريما : طيب خذ """""
محمد : كفو عليك
سووا محمد حساب انستا وهمي وشاف وكان يستمع لصوت ترف وهي تغني وكان مروق على الاخر وفتح حساب ريما وراح عند الاضافات لقى مابين الحسابات (t) دخل كان الحساب منزل بوست واحد وكانت صور لخيل وصور لشهد من وراء دخل على الاستوري لقاها منزله عشوائيات للعشاء ومن ضمنها صورته هو والجد عند الذبيحه كان بيطير من الفرحه رغم انه مافيه شي يحمس ! لكن هدم مشاعره مقطع منزله فيه قصيده وكان فيه اكثر من ستوري وكل واحد فيه شخصيه كانت قصيدتها :
عطيتك محبه صادقه مابها تشويه
وجعلتك بقلبي منفرد فيه وحداني
وغيرك بغاني بالمحبه وانا مابيه
دام انت عندي وش ابي بواحدٍ ثاني
تراني ليا شفتك اسج الفكر وشقيه
واشوف القمر واقول عندي قمر ثاني
غلاتك بقلبي شي يطغى على التشبيه
كيف اوصفك والوصف يعجز عن لساني
🛑[كل القصائد في الروايه منقوله]
ارسل محمد لريما : الحين جدي مو ممنوع عنده انستا وهالحاجات ؟
ريما : الا ممنوع ولو يدري عني انا وترف ذبحنا واصلًا تراه مايدري ان عندنا جوالات جايبها لنا عمي سالم ونوزها عنه حتى سالم مانعه انتبه لايقفطك ويكسره
محمد : تمام ، جدي شديد انتبهوا
