RMLE / Book-2 (mm translation)

Chapter - 60(part.1)

/Uni/

လုချောင်ရဲ့မျက်နှာအမူအရာက ပြောင်းလဲသွားတယ်။သူ အားလုံးလုပ်ခဲ့သော်ငြားလည်း စုန့်ရွှမ်ဟယ်က ဒီကသိကအောက်ဖြစ်စေတဲ့ အခြေအနေကနေ သူ့ကို လမ်းကြောင်းတစ်ခုပေးဖို့ ငြင်းပယ်ဆဲဖြစ်လိမ့်မယ်လို့ သူ မမျှော်လင့်ထားခဲ့ဘူး။အတိတ်မှာတုန်းက စုန့်ရွှမ်ဟယ်က သူ့ကို ကောင်းမွန်တဲ့သူငယ်ချင်းတစ်ယောက်လို့ သဘောထားခဲ့တယ်။အခုတော့ သူက သူ့ရဲ့ချစ်သူလေးနဲ့ပတ်သက်ပြီး သူနဲ့သဘောထားကွဲလွဲသွားတယ်။၎င်းက သူတို့ရဲ့ အရင်တစ်ဦးနဲ့တစ်ဦး ခင်မင်ယုံကြည်ခြင်းက အတုအယောင်ဖြစ်ခဲ့မှန်း သိသာထင်ရှားတယ်။စုန့်ရွှမ်ဟယ်က ဖြစ်ချင်တော့ ပိုမိုကောင်းမွန်တဲ့မိသားစုမှာ မွေးဖွားလာရလောက်အောင် ကံကောင်းသူ ဖြစ်ခဲ့တယ်။သူ့ကိုအထင်အမြင်သေးဖို့နဲ့ သူ့ကို ဒီလိုမျိုး အရှက်ခွဲဖို့ သူ့မှာ ဘာအခွင့်အရေးရှိမှာလဲ?

စုန့်ရွှမ်ဟယ်ရဲ့ စိတ်မဝင်စားခြင်းနဲ့  ဥပေက္ခာပြုခြင်းက သူ့ကို လုံးလုံးလျားလျား အရှက်ရစေတယ်။လုံးဝကို အရှက်ကွဲသွားတဲ့ လုချောင်ရဲ့မျက်နှာပေါ်က မျက်နှာအမူအရာက မလိုမုန်းထားတာကို ပြောင်းသွားတယ်။သူ အဲ့ဒါကို ဖုံးဖိဖို့ ကြိုးစားခဲ့ပြီးပြီဖြစ်သော်လည်း မလိုတမာစိတ်အချို့ကို သူ့ရဲ့မျက်လုံးတွေမှ ယိုစိမ့်ခြင်းကနေ သူ မပိတ်ဆို့နိုင်ခဲ့ဘူး။

ရှောင်ယွမ်မုက ရန်လိုတဲ့အကြည့်ကို အလွယ်တကူ သတိပြုမိတယ်။သူ့ရဲ့ကိုယ်ပိုင်မျက်လုံးတွေက လုချောင်ရဲ့မျက်နှာပေါ်ကို အလိုအလျောက် ခဏရပ်တန့်သွားတယ်။ကြိုတင်ပြီးပြန်လည်မွေးဖွားလာတဲ့သူ့မှာ လုချောင်ရဲ့မှတ်ဉာဏ်တွေ ရှိသော်လည်းဘဲ ၎င်းက အကြီးမားဆုံး ထင်မြင်ချက်တွေ ချန်ထားခဲ့တဲ့ သူ့ရဲ့အရင်ဘဝက သူ့ရဲ့ကိုယ်ပိုင် မှတ်ဉာဏ်တွေ ဖြစ်တယ်။

သူ့ရဲ့ပြီးခဲ့တဲ့ဘဝမှာ ရှောင်မိသားစုကို ပြန်သွားပြီးနောက် ရှောင်မိသားစုက သူ့ရဲ့အထောက်အထားကို အသိပေးကြေညာဖို့ ဂုဏ်ပြုထမင်းစားပွဲတစ်ခုကို လျင်မြန်စွာ ကျင်းပခဲ့တယ်။တရုတ်ပြည်အနှံ့က အသိအကျွမ်းများဟာ ပါဝင်ဖို့ လာရောက်ကြတယ်။သူ့ရဲ့အထောက်အထားမှန်ကို လေ့လာတွေ့ရှိပြီးနောက် စုန့်မိသားစုကလည်း သူ့ရဲ့ရည်ရွယ်ချက်တွေကို တီးခေါက်ကြည့်ဖို့ တစ်စုံတစ်ယောက်ကို ပို့ခဲ့တယ်။ပင်ကိုအားဖြင့် ရှောင်ယွမ်မုက စုန့်ရွှမ်ဟယ်ကို လွှတ်လိုက်ဖို့ မလိုလားခဲ့ဘူး။ဒါကြောင့် စုန့်မိသားစုက သူ့ရဲ့ရန်သူလို့ သူ ပြောခဲ့တယ်။