RMLE / Book-2 (mm translation)

Chapter - 70

/Uni/

စုန့်ယန်စုန့်ရဲ့မွေးနေ့ဂုဏ်ပြုထမင်းစားပွဲက ကြီးကျယ်ခမ်းနားပြီး ဂုဏ်သတင်းကြီးတယ်။တက်ရောက်သူတွေအားလုံးဟာ ချမ်းသာကြွယ်ဝပြီး ဂုဏ်သိက္ခာရှိတဲ့ လူတွေဖြစ်ကြတယ်။အဲဒီညနေ ခြောက်နာရီမှာ ဟိုတယ်ရဲ့ဝင်လမ်းက တန်ဖိုးကြီးတဲ့ ကားများနဲ့ ပြည့်နေပြီဖြစ်တယ်။

စုန့်ရွှမ်ဟယ်နဲ့စုန့်ရွှမ်လင်းက ဧည့်သည်တွေကို ကြိုဆိုနှုတ်ဆက်ဖို့ ဝင်ပေါက်မှာ မတ်တတ်ရပ်နေတယ်။အစတုန်းက စုန့်ကောင်းချောင်လည်း ရှိနေခဲ့ပေမဲ့ ဖုန်းခေါ်ခြင်းတစ်ခု လက်ခံရရှိပြီးနောက် ထွက်ခွာသွားတယ်။စုန့်ရွှမ်လင်းက သူ့ရဲ့ပုံမှန်တည်ကြည်တဲ့ ဟန်ပန်နဲ့ ရောက်လာတဲ့လူတွေနဲ့အတူ စကားစမြည်ပြောနေမယ်။ပြီးနောက် သူ့ရဲ့အကြည့်ကို နောက်ရောက်လာသူပေါ်ကို မကြည့်ခင် ဧည့်သည်ကိုလိုက်ပို့ဖို့ အခြားတစ်ယောက်ယောက်ကို သူ တောင်းဆိုလိမ့်မယ်။သူ စုန့်ရွှမ်ဟယ်ကို ပြောလိုက်တယ် "မင်း ငြီးငွေ့တယ်ဆိုရင် ဝေ့ချန် ရောက်လာတဲ့အခါ မင်း သူနဲ့ဝင်သွားနိုင်တယ်"

"တကယ်လား?"စုန့်ရွှမ်ဟယ်က မျက်ခုံးတစ်ဖက် ပင့်လိုက်ပေမဲ့ စုန့်ရွှမ်လင်းကိုကြည့်ဖို့ သူ မလှည့်ခဲ့ဘူး။တစ်ဖက်လူကို အသံတိုးတိုးနဲ့မတုံ့ပြန်ခင် ဖြတ်သွားနေတဲ့လူတွေကို သူ ပြုံးပြလိုက်တယ် "စုန့်ကောင်းချောင်က ငါ့အတွက် ပြဿနာဖန်တီးဖို့လာရင် ငါ ဘာလုပ်သင့်လဲ?"

စုန့်ရွှမ်လင်းက ရိုးရှင်းပြီး ကျစ်လျစ်ပြည့်စုံ‌တဲ့ ဝါကျတစ်ကြောင်းနဲ့ တုံ့ပြန်လိုက်တယ် "ဝေ့ချန်က အနီးအနားမှာဆိုရင် သူ လုပ်မှာမဟုတ်ဘူး"

"ကောင်းပြီ" လူလတ်ပိုင်းအရွယ်စုံတွဲတစ်တွဲကို သူ ကြိုဆိုနှုတ်ဆက်ပြီး လက်ဆွဲနှုတ်ဆက်လိုက်သလို စုန့်ရွှမ်ဟယ်က ပြုံးပြလိုက်တယ်။"Mr.ယန်၊Mrs.ယန် ကျွန်တော်တို့နဲ့အတူ အဘိုးရဲ့မွေးနေ့ကို ပါဝင်ဆင်နွှဲဖို့ ရောက်လာတဲ့အတွက် အများကြီးကျေးဇူးတင်ပါတယ်"

ပြီးနောက် အခြား‌တစ်ယောက်ယောက်က သူတို့အား ဟိုတယ်ထဲကို ဦးဆောင်လမ်းမပြခင် စုန့်ရွှမ်လင်းက သူတို့ရဲ့လက်ဆောင်ကို လက်ခံဖို့ ရှေ့ကိုလာပြီး ယန်စုံတွဲနဲ့အတူ စကားစမြည်ပြောလိုက်တယ်။စုံတွဲက သွားခဲ့တဲ့အခိုက် ဝေ့ချန်က ပေါ်လာတယ်။