دهاء ظبية وجسارة غيال

الفصل الرابع

دهاء ظبية وجسارة غيال

الفصل الرابع
الكاتبة Jawhara

****************
مساء الفل حبيباتي ، ليش تفاعل قليل علقو وصوتو ودوسو النجمه ⭐ دا تصعد احنا شنو اتفقنا لاتزعلوني منكم 😘

***************

رافل و رودينة ...

رافل وهو يمسح على لحيتو بعدما لبس سترة البدلة ورتب لفة الرباط ،، تعطر وطلع من الغرفه وهو يفكر بكلام ابن عمة المشكلة ما يكدر يكسر بخاطر ساهر حاول يصفي دماغه من الأفكار الي تنهش بي كل وقت دخل غرفه
جدته سلم عليها وباس رأسها وكعد بسدها عالسرير
عاينت عليه بكل فخر وهي تعدل نظارتها
_ متكشخ يولدي وين الهمة ( وين تريد ) واليوم جمعه والصلاة عالنبي
_ اللهم صل وسلم على محمد وال محمد
رددت جدته الصلوات وراه ودنجت عالسبحة بيدها
_ عندك طويرشة ( طلعه) بس كبل ما تروح عندي سويلفة صغيرة وياك اريدن اكلك على مريتك ما ترجعها عاد ،، بطنها مليان مصبحه مروحه حسبة ايام وتدخل بشهرها وليدك ينولد هان ابيتك وبنيتك تبجي تريدك كلما تخابر على سجود تبقى تبجي

غمضت عيني وانا اتذكر اخر مكالمه بيننا أنا ورودينة غضبها وغيرتها تخليني اتندم يوم حجيتلها ،،،فتحت عيني على جدتي ..
_ تامرين أمر طالع اجيبها هي و درة
_ لا تحجي وية وليد عمك
_ ما اكدر اكسر بخاطره يجدة
طلعت من البيت صعدت سيارتي وجهتي بيت عمي نزهان
اول ما وكفت بسيارتي عيني عالباب انفتحت عاينت على ساهر وبيده درة كايدها من شافتني نزلت من سيارتي عافت خالها واجت تركض وشعرها الاسود بظفيرة طويلة طايرة ورى ظهرها
دنجت حظنتها ورفعتها ابوسها بخدها الترف ودفنت رأسها بركبتي وهي تبوس بية
_ فديت رويحتي فديت بنيتي شلونج يبابا
_ اجيت تأخذنا كول اجيت تأخذنا
تحجي بلهفة وهي بعدها دافنه رأسها بركبتي
حظنتها أقوى وطمنتها ..
_ اي فديتج يلة انزلي خل اسلم على خالج
نزلتها وبقت حاضنة ايدي وسانده خدها تنهدت وانا اتقدم اسلم على ساهر الي باقي يعاين علينا ..
_ السلام عليكم شلونك يخوي
_ وعليكم السلام ورحمه الله هلة ابو درة حياك الله تعال تفضل بالمضيف لو تحب ندخل البيت
_ ندخل البيت اريد اسلم على عمتي
دخلنا وكعدت بالاستقبال وبنيتي بحظني كعدت وكل شوية تعاين بوجهي دنجت حبيت خدها ومسحت على شعرها وأيدي نزلت لنهاية ظفيرتها ..
_ منو مشطلج !؟
_ ماما
رفعت راسي من دخلت عمتي ام ساهر وهي تعدل بشيلتها السودة ..
_ هلة ابو درة هلة يعميمه شلونك
نزلت درة من حظني وكفت سلمت عليها وانا احب على رأسها
_ بالمهلي شلونج أن شاء الله طيبة صحتج شلونها !!؟
حبتني بخدي وهي تتمسك بذراعي
_ نحمدلله ييمه ،، عمتي شلونها خلها تعذرني هالايام اسم الله عليك ضغطي يرتفع وهاي اليوم حسيت حالي احسن
_ عندج العافية اجر وعافية يارب ( عمتي ام ساهر من ورى استشهاد ولدها بسبايكر وهي حالها تعب الله يعينها )
_ يعافيك الله
التفتت على ساهر كاعد كبالي..
_ خل رودينة تتحضر اوصلها البيت وعندي شغل ضروري
ساهر وهو يعرف بطبع أخته ..
_ متفضل عليها لو شني معناه كلامك
_ معناه مريتي طولت هان وبيتها أحق بيها ،،