رواية دهاء ظبية وجسارة غيال
الفصل الخامس والثلاثون
الكاتبة Jawhara
******************
* أخفيكِ خلف جدااار صمتي . . .
وأنتِ في قلبي كل الكلام . . .
* وأين أجد بائعاً للمواعيد
كي أشتري منه لقاءً مع عينيك . .
******************
ظبية ..
ايدية تمسح على رأسه وتنزل على خده صحت بي والخوف بدأ يزحف لگلبي ، احجي وياه وما الكى رد ..
_ غيااال .. غيااال فدوة اروحلك صحصح وياي ، اوف يربي شسوي اني هسة ، اخابر على بابا يرجعلي دورت موبايل لمحت موبايله بي رمز ما انفتح اصلا طافي بدون شحن شمرته ورجعت ادور على موبايلي وين خلاه اكيد هنا بالغرفة ، ماله اثر !!!
خليت موبايله عالشحن ورجعت عليه حظنته لصدري ومسدت راسه حسيت عليه صحى من أيده ضغطت ذراعي باوعت بعيونه واني ابتعد عنه اريد اتاكد انو صحى ، فتح عيونه بس يمكن ممركز وياي سألته بسرعه وأيدي تمسح كصته ..
_ اخذك للمستشفى ؟ حالتك كولش تعبانه
نظراته الية اخترقتني من خزرني بقوة وبصوت واضح بي التعب ..
_ شنهو هالحنية ما عرفتج ؟!!!!
_ مراح ارد عليك لأن حالتك واضح صعبة يلة خل اساعدك تاكل وبعدها تأخذ علاج
قربت الصينية وخليتها عالفراش وبديت اطعمه بيدي ، اكل الحمدلله مديت ايدي اخذت كلينكس مرطب ومسحت حلكه وديت الصينية بالمطبخ واخذتله علاج وكلاص مي
رن جرس الباب ماحبيت اطلع مدري منو اجى وشاشة الكاميرا بمكتب غيال واكيد مقفول
انطيت العلاج لغيال بلع الحبوب والكبسولة بصعوبة اكيد عنده احتقان بالحنجرة
_ غيال جرس الباب مابطل بس يرن
_ لا تفتحينو للباب دحكي بشاشة المكتب
_ مكتبك مقفول !؟
_ لا مفتوح
دخلت المكتب جانت الشاشة شغالة بسرعة
طلعت عالباب جان رافل ابن عمي ضيك عيونه بية وسلم ، سألني على غيال وكلتله يتفضل لأن اخوه مريض ، دخل البيت وسألته على جدتي وعمتي شلونهن وليش ما اجن وياه
_ شلونها جدتي وعمتي ليش ما اجوي وياك
_ زينات يسلمن عليج ، أنا اجيت اتطمن على اخيي اتصلت عليه وما عجبني صوتو حتى مايكدر يحجي وياي
دخل الغرفه سلم على غيال دنج باس راسه وكعد يمه على طرف السرير ..
_ شلونك يخوي أن شاء الله اجر وعافية ، ماعجبني صوتك امس ، كلت اجي اتطمن عليك وعالصار وياك بسالفة الصفقة الي تصادرت !!
غيال عينو على ظبية راحت وشافها توترت وهي تسمع رافل يحجي
رد بصوت تعبان ..
_ العوض ع الله يخوي
_ اي والنعم بالله ، كون يصير درس وما يتكرر
ردت ظبية ..
_ ابو درة انت اجيت تطمن على صحته لو تكلب عليه المواجع
خزرها رافل لأن عنده علم بالمصيبة السوتها
أنت تقرأ
دهاء ظبية وجسارة غيال
Romanceلم يعترف لها بحبه ، فقد علموه أن العواطف تقتل الرجولة وبالتالي تسيء إلى القضية .. الرواية رومانسية عاطفية اجتماعية هادفة ، بقلمي Jawhara
