دهاء ظبية وجسارة غيال

مقتطف

رواية #دهاء_ظبية_وجسارة_غيال
بقلمي: Jawhara

*******************

ظبية بمحاولة منها للهرب تسحبت بهدوء من الغرفه بعدما تأكدت انو غيال نام وصلت الباب فتحته وطلعت بسرعه نزلت الدرج وهي تتذكر ملابسها الي باقية بالغرفه شلون تطلع بالشارع ولابسة ثوب نوم تلفتت بالصالة وركضت لوحدة من الغرف وعيونها تركز رغم الضوة الخفيف لأن أغلب الاضوية مطفية فقط ضوة الصاله سحبت بسرعه وقوة طرف البردة وكعتها وانضربت بالطبله طلعت صوت ونزعتها بسرعه شمرتها على جسمها بحيث شبه الملفوف صارت وطلعت تركض تريد تنهزم من البيت تخاف لا يحس عليها غيال الي أمن بيها بعدما كالتله مريضة كولش مابيها توكف حتى ،، فعافها على أساس غفت
وهو يصفط ملابسها جوة المخدة الي خلة راسه عليها
فتحت الباب وطلعت بالكراج وهي تحاول تستر جسمها وتلملم أطراف البردة وكفت مرعوبة يم باب الحوش وهية تسمع صيحة وخطوات غيال التفتت برعب واضح بعيونها العسلية الوسيعة وضربات گلبها خلت صدرها يصعد وينزل من اقترب رااكض لجهة باب الحوش وهو حافي ويادوب لابس شورت
كضها من جتفها بقوة وايدو الثانية خنكتها عيونها طلعت من الالم سحبها بقوة انضربت بصدرو وبغضب مكتوم مايريد صوتو يعلى
وهو يسحبها لداخل البيت ويلطخ الباب بقوة
_ هروبج هذا القشة الي قسمت ظهر الجمل
هزت راسها بخوف وهو يتقرب عليها وتلها من شعرها وبغضب اهوج نزع البردة وهو مصدوم من حيلتها ومكرها بي
_ ورب العزة الليلة هاي راح اخليج تذكريها وانتي بكبرج
صرخت من سحبها ودفعها لوحدة من الغرف
وهي تضرب بي برجليها وايدها تريد تفلت منه

***********
ابو ظبية وهو كاعد ينتظر سكرتير الوزير اخيرا اجى
_ يمعود وين غطيت ترى كاعد واعصابي على شعرة
_ ابو ظبية جنت ارتبلك مقابلة ورغم جدول أعماله المزدحم كدرت احجزلك على ساعه ٣ العصر
_ تمام باقي نص ساعة راح انتظر
_ خل اضيفك جاي نسكافيه
_ كلشي ماريد بس خل أقابله
يفكر بحال بنته ولزوم يلكاها والله عالم بحالها بعد الي سواه غيال الخبيث
اخيرا حان موعد مقابلته الي كدر عن طريق يرتبها بعدما جان الوزير مايقبل يلتقي بي بسبب مشكله
يم الوزير
_ بنتي خط أحمر ،،ترى السالفة كبرت وراح اجر الكل واوكعهم
الوزير بعصبية مابريد اسمه ينذكر
_ أحذرك تتصرف بتهور ساعتها انت تندم
_ يرجع بنتي وبعدين نتفاهم
_ ما اكدر بنتك شرعا زوجته
ابو ظبية بغضب وغيض واضح
_ ياكل وحل زواجهم باطل