رواية دهاء ظبية وجسارة غيال
الكاتبة Jawhara
****************
الخال هادي بعدما سمع حجي غيال وانو تزوج ظبية وبعقد وشهود جر ايد غيال ونتر بصفي ابن حسنين الي بعده موجه سلاحه عليهم ..
_ بالعباس الي يمس شعره من رأسه اطره اثنين انت ماتحشم الكبار يولد
صفي وعيونه تنكط شر ..
_ جدي اعزك واحترمك لا تجبرني ازعلك
_ وين ابوك خل يجي هان اتفاهم وياه
دخل رافل ودفع صفي وهو يسحب مسدسه بقوة وعاط بي ..
_ تخبلت انت تريد تكتل اخوي ؟!!!
غيال عينه على رافل الي وجهه احمر من الغضب ، بعدما أخذ المسدس ودفع صفي تقرب عليه واكف بسد خالهم هادي وكز سنونه بقهر ..
_ سويتهااا وأخذت ظبية مو كلتلك لا تقرب عليها شلون تزوجها غصب ؟!!
رد غيال وبصوت جامد ..
_ اسال عمك الي بدأ يحومي على شغلي ويحفر جواية هو وبنتو
_ والبنت شدخلها بالسالفة ؟!!!
_ اادبهم وعلى طريقتي
صرخ صفي وهجم على غيال من بيناتهم..
_ كلب اليوم ماتطلع منا الا جنازة
ضربه بوكس كدر يتلافاه بسرعه وكضب ذراعو لصفي ولواها
خالة هادي حتى يهدي الموقف ميريد يزيد الوضع سوء ومشاكل أكثر ماهو سيء وخاصة ثاني يوم للعرس مايريد تصير هوسة بمضيفه
_ اكعدو كلمن على جهة خل احجي وياكم وانت صفي صيح ابوك يجي عندي
رد صفي وهو ينكت رأسه ويخزر غيال الي دفعه ..
_ بالبيت عند جدتي
التفت على ابن أخته ..
_ ابو درة يبوي صيح عمك يجي هان
_ خالي ترى عمي حسنين الغضب عامي عيونو وخليت جدتي تحجي وياه
_ ميخالف يبوي روح صيحه
طلع رافل وعينه على اخوه الي كعد بسد خالهم
( الي تسال وتكول دخت بالصلة الي تربط بينهم حبايبي صح غيال ورافل من نفس الام بس الاب يختلف رافل أبوه من السماوة وهذا حجي هادي خالهم لغيال ورافل ،انا غيال فابوه من الرمادي يعني بعد وفاة زوجها ابو رافل تزوجت مرة ثانية وولدت غيال
بمعنى اوضح خوال غيال من السماوة والي همة نفس الوقت عمام حسنين ابو ظبية وراح زيارة لبيت خاله لأن عزمه على عرس ابنه )
أنت تقرأ
دهاء ظبية وجسارة غيال
Romantikلم يعترف لها بحبه ، فقد علموه أن العواطف تقتل الرجولة وبالتالي تسيء إلى القضية .. الرواية رومانسية عاطفية اجتماعية هادفة ، بقلمي Jawhara
