رواية دهاء ظبية وجسارة غيال
الفصل التاسع والثلاثون
الكاتبة Jawhara
******************
نحن لا نحبّ حين نختار . .
ولا نختار حين نحب . . .
إنّنا مع القضاء والقدر حين نولد . .
وحين نحبّ . . وحين نموت . . .
*******************
اشجع ..
اليوم بالبيت قررت ما اروح للمكتب اتصلت عالموظف يهتم بالامور لأن جوة ايدي ويعرف بالشغل ، كعدت متأخر بعدما رجعت نمت ورى صلاة الفجر رحت غسلت وصحصحت ودخلت المطبخ من سمعت صوت سماوي تسولف فرحانه صبحت عليهن وكعدت عالكرسي اجت بنيتي بحظني حظنتها وبوست خدودها وعيني على سمرا الي انطتني ظهرها بقيت صافن على شعرها مكورته فوك رأسها وهالفترة بعدما حجت عليها عمتي ام حسام تركت لبس الحجاب بالبيت يلا نحمدالله اكو تطور بالموضوع بس بعدها اللون الاسود بكل ملابسها ، حزينة على ابوها وهذا حقها نزلت راسي حجيت وية بنيتي ..
_ من الصبح عالايباد هسة عيونج يتأذن
_ ادحك افلام كارتون حلوة
رفعت الجهاز تا شوف ابتسمت وبستها بخدها ..
_ تريكتي يبوي ؟
_ خالة سمرا تسويلي بيض
رفعت راسي لسمراء ..
_ يلة جيبي تا نتريك
سمراء ..
التفتت عليه وسألته إذا يحب اسويله شي ..
_ شنو تحب ؟
_ كلشي احب
بقى صافن علية واني مدري شبية تخربطت أحوالي من شفته مركز وياي انوب منظره يجنن لابس تراك رمادي وشعره ولحيته مطياته عمق رجولي خشن ، هسة اني على شنو دا اسأل خل اكمل البيدي احسن
كملت البيض وحضرت جبن وماعونولي دبس لأن لاحظت يحب ياكل الصبح وية الجبن
كعدنا نتريك وتذكرت خبز ماعدنا يادوب يبقى للغدا عفت الريوك وكمت طلعت للمخزن بصف البيت نخلت الطحين يالمعجانه وورجعت للمطبخ بديت اعجن بعدما ضفت خمرة ومي دافي كملت وغطيته غسلت ونشفت ايدية واني اتنهد
رفعت راسي عليه من سألني ..
_ هاي من شوكت تخبزين ؟!!
_ من فترة ، لعد الخبز الي ناكله منين هذا اني اخبزه
_ صدك تحجين اول مرة ادري والله عبالي عمتي ام حسام ، عاشت ايدج
_ تسلم
ماحجيت بعد كملت ريوك وبعدها لملمت المطبخ والبيت نظفته وعندي ملابس غسلتهم اووف تعب والله الحمدلله الجو اليوم حلو السما صافية ، نشرت الملابس ورى البيت بالترك وياي سما مخليتها على أيدي شو ما اعرف اشتغل الا اصيحها يمكن لأن متعودة أبيت خالتي اني والبنات أيدينا بالشغل سوى وخاصة ميرة
_ سماوي تعالي خل ندخل للبيت ونشوف شنسوي عالغدا
صار بوجهي اشجع شبي اليوم ماطلع للمكتب بس يراقب بية والله يا الله ، صحت سما اجت تركض وراية اسمعه صاحها ، اذني يمهم اسمع شنو يكوللها ، ماسمعت شي ورى شوي اجتي كالت خالة راح نطلع للسوك بابا يجيب سمج تا نشوي بالتنور
_ اها لعد اسوي تمن احمر وياه كولش طيب يصير
سمعني من حجيت رد علية ..
_ محتاجه شي تا اجيبو وياي من السوك
أنت تقرأ
دهاء ظبية وجسارة غيال
عاطفيةلم يعترف لها بحبه ، فقد علموه أن العواطف تقتل الرجولة وبالتالي تسيء إلى القضية .. الرواية رومانسية عاطفية اجتماعية هادفة ، بقلمي Jawhara
