حبايبي هذا البارت عدت نشره لأن عندي خلل بالواتباد ومجاي يظهر عندي لا تصويت ولا تعليق
كلت اجرب انشرة مرة ثانية
*******************
رواية دهاء ظبية وجسارة غيال
الفصل التاسع عشر
الكاتبة Jawhara
*****************
كُن معي . . .
فأنا أحتاجُ دفئ حديثك وحنان شُعورك . .
ما عادت أصابعُ قلبي تشُدُّ جرحها بدون قُربك . .
*****************
غيال ..
دحكت بساعة موبايلي جانت وحدة ونص شغلت سيارتي ورجعت للبيت بعدما ابتعدت اريد أهدى من ابقى أكثر يمكن ابتلي بيها
دخلت سيارتي ونزلت سديت الباب جريت نفس قوي مشبع برودة وضباب بدأ يتكاثف رغم هذا ماجاي احس باي برد لأن جسمي مشتعل بسبب غليان گلبي
صعدت لغرفتي طبكت الباب وطلع صوت عيني عليها تتحرك جوة الغطا تقربت عاكد حاجبي شنهو صار ساعات وهي تبجي معقولة ! رفعت الغطا عنها جسمها يتراجف وحاضنه بطنها مسحت على رأسها اصحيها
فزت من مديت ايدي وعينها بعيني اجت ، تبجي بصوت مخنوك
_ تبجين مو ، هذا ضميرج يحاسبج
ماردت علية اسمع صوت الم واضح من شهكت ، خليت ايدي جوة رأسها ورفعته أناظر بيها وملامح الالم بقسمات وجهها ..
ماردت علية عرفتها مريضة وتكابر هالظبية تلمست خدها الرطب بسبب الدموع ، خدها حار الظاهر مرتفعه حرارتها
_ كومي اخذج للمستشفى
بصوت ضعيف ردت ويادوب سمعته ..
_ خل اموت
تركتها ورحت للكنتور كلبت بملابسها سحبت كوت ورجعت عليها رفعتها بحظني ولبستها وهي تون من الوجع على بالي أكثر من سؤال ليش هيج موجوعه وشنو سبب الحرارة هاي
سحبتها من السرير وهي تناظر بالكاع ادور شي تلبسه برجلها دفعت برجلي خف ينلبس بالغرفه خلته برجلها و جسمها ارتخى ماكدرت توكف شلتها بحظني وفتحت الباب مقرر اخذها للمستشفى
وصلنا وهي على وضعها لأن مددتها عالمقاعد الورى وصوت ونينها واضح
بداخلي قلق عليها اول مرة اشوف ضعفها وانكسارها
من اجى دكتور يفحصها اسمعها اعترضت متقبل تقربت ونصيت راسي عليها كاعدة عالكرسي وحاضنه جسمها ..
_ لاتعاندين انتي مصخنه
حجت وهي متضايقه ..
_ خل تجي طبيبة نسائية
ضيكت عيني بيها ، نزلت راسها فهمت سبب وجعها اجهاضها يمكن
اخذت الدكتور على جهة شرحتله باختصار انو زوجتي تعبانه بسبب الإجهاض كال ادز طبيبة نسائية عليها موجودة خفر الليلة
طلع من الغرفة ورجعت عليها نزلت راسي بمستوى كعدتها ..
_ لاعبة بروحج لعب و الله يعاقبج
حجيت مقهور بسبب وجعها الواضح عليها بس تكابر ولأجل الجنين الي سقطته ، وربي مقهور لو محتفظة بي باحشائها يخليني مطمن اكو روح بداخلها تعتبر جزء مني اعرف كاعد اقسي بيها لكل فعل ردة فعل ثانية ، تصرفاتها تقهرني وتخليني ااذيها
ظبية ..
من اول ما طلعني من البيت وهو يلوم بية بعدها سكت بس مبين مقهور وهسة كاعد يلومني لأن اجهضته اعترف اني تصرفت بغباء بس جنت مقهورة ومخذولة خفت يغدر بية ويتخلى عن السواه بية ويتنكر لهذا الشي خفت بابا واخوية يلوحهم وزر فعلته وياية
خفت من كولشي لأن بداخل رحمي جنين واني زواجي فاشل ومزيف اعتبره ، قهر وحرگة السواه بية خلت تفكيري مشوش بس اريد اخلص من هذا الجنين الي راح يكسرني
مدريت الله يعاقبني هيج عقوبة من وكت اجهاضي لهذه الليلة واني الالم والنزف ماذيني
أنت تقرأ
دهاء ظبية وجسارة غيال
Roman d'amourلم يعترف لها بحبه ، فقد علموه أن العواطف تقتل الرجولة وبالتالي تسيء إلى القضية .. الرواية رومانسية عاطفية اجتماعية هادفة ، بقلمي Jawhara
