رواية دهاء ظبية وجسارة غيال
الكاتبة Jawhara
*****************
** في بعض الأحيان نصبر على الصمت لأنه يوجد بعض الأشياء التي لا يعالجها الكلام فهناك أشياء كثيرة أشتاق إليها ولا أعلم هل هذه الأشياء سوف ترجع أم أنها سوف تكون ذكرى
***************
بيت اشجع ..
أم علا وهي تسد خطها وبقت صافنه على حماتها جلنار الي اجت الصبح لبيت اخوها ،
ماجدة متعرف شتسوي لازم تخبر اشجع بالجاي يصير
_ أم علا شبيج وجهج انخطف لونه ؟!!
_ مدري شاحجي بس خل اشوف ابو سما اول شي وبعدين اسولفلج
طلعت ادور على حماها لاكتها داليا وسما بالطرمه ..
_ وين عمج ؟!
_ طلع برا ليش !؟
_ سما بسرعة صبحي بابا يلة حبيبتي
راحت البنت تركض لباب الحوش وام علا سحبت داليا وشاورتها ..
_ اصعدي يم سمراء لاتخليها تنزل جوا
_ ليش شنو صار ؟!!!
_ مو وكتج كولش يلة بسرعة
دخلت داليا للبيت وهي تفكر بسبب عصبية امها
رجع اشجع من برا وبنته محاوطه ذراعه وتمشي وياه
_ خير ام علا ؟!
أشرت ماجدة للبنت تدخل جوة
اشجع افتهم عليها حجى وية بنته ..
_ بابا ادخلي يم البنات أنا اصيحج بعدين
ماجدة حجت بصوت ناصي مليان قلق ..
_ عمها لسمراء اجى لبيتنا ومسوي هوسة عالجيران لأن مقابلين يكلولة احنا وين ، جارتنا ام احمد خابرتني توها تكول اجى يأخذ سمراء
رفع تك حاجب وبصوت غامض ..
_ متأخر ، وين جان الحين تذكر عندو بنت اخو !؟
_ ابو سمراء لو عايش جان ماقبل يأخذ سمراء
فدوة اشجع كولشي الا سمراء هاي بنتي اني ربيتها والله احسبها وحدة من بناتي واختهن شلون يجي يأخذها وين جان من تبرأو من ابوها ومات بحسرته وقهره
_ ادخلي جوة أم علا وتطمني شحده اليتقرب عليها
فاتت جوة يم جلنار حماتها الي سمعت كل الحجي عينها على ماجدة كعدت بصفها عالقنفه بالمطبخ ..
_ صلي عالنبي ام علا شبيج اخترعتي رجال وسأل على بتهم
ردت ام علا بعصبية ..
_ مو بتهم شوكت عرفوها الله ينتقم منهم تبروا من ابوها على شنو جاي يأخذها
_ منو ؟!! تحجون على منو !!!
التفتت ام علا وجلنار على سمراء الي دخلت للمطبخ وعيونها تباوع بقلق عليهن حتى ما انتبهت لأشجع الي جان واكف قريب من باب المطبخ ..
_ ماكو شي يماما د نسولف اني وجلنار
_ خالة انتي قصدتي بابا ليش هيج حجيتي !؟؟
سكتت ام علا متعرف شترد عليها سمعت اشجع صاح بسمراء ..
_ يا بنت لا تسألي چثير
ضيكت عينها ماعجبها تدخله بينهن هو شكو والله يا الله رجعت تلح بسؤالها ..
_ اكيد سالفة تخص بابا لازم اعرفها فدوة خالة
وكفت ام علا وسحبتها لحظنها تهديها من شافت القلق بوجهها ..
_ ما كو شي بس عمج جاي لبيتنا يسأل عليج
أنت تقرأ
دهاء ظبية وجسارة غيال
Roman d'amourلم يعترف لها بحبه ، فقد علموه أن العواطف تقتل الرجولة وبالتالي تسيء إلى القضية .. الرواية رومانسية عاطفية اجتماعية هادفة ، بقلمي Jawhara
