رواية دهاء ظبية وجسارة غيال
الكاتبة Jawhara
****************
يُمكن الاعتداء على كرامة المرء وتخريبه والاستهزاء به بقسوة . . .
ولكن لا يُمكن انتزاعه ما لم يستسلم
****************
ظبية ..
راسي عالمخدة وحاظنة جسمي افكر بوضعي شنو نهاية تصرفات غيال ليش هلكثر معاملته وأسلوبه خشن وقاسي غمضت عيني بألم نفسي واني اعصرها اريد تروح من عقلي مشاهد ليلة البارحه ، موجوعه نفسيا منه بعد السواه بية ابيته خلاني مذلولة تحت رحمته وهو يتحرش بية جنني وبقيت اصرخ وملمس جسمه شفايفه وأيديه تستكشف كل تفاصيلي وهو يمزق الثوب بعدها أخذني جوة الدوش واني متقززة منه ومن قذارته الي تركها على جسمي الشي الوحيد الي خلاني ماسكه اخر ذرة عقل ما اغتصبني حتى من رجع الفجر يتحرش بية ويتلاعب باعصابي جنني بتصرفه وياي ،
انتبهت على الباب انفتح سويت روحي نايمة هاي اكيد زوجة صاحبة سمعت زوجها يصيحها ملك أو يمكن أخته ، تعاملها وياي بحذر بس مبينه كيوت حبابة رغم كلامها قليل وياي بس واضح الاهتمام بعيونها
لفيت راسي لجهة الباب من طلعت وسدته وصوت قفل المفتاح واضح لأذني الي تتسمع أدنى حركة
شلون اكدر اطلع منا لازم افكر بطريقة انهزم بيها هسة بابا وصفي كالبين الدنيا علية والحقير غيال ذبني هنا واختفى
،،،،،
صفوان باهتمام واضح سال ملك ..
_ حجيتي وياها !؟
_ نايمة ، اكلك ترى ميصير هذا الأسلوب على اي اساس يجيب بنت لبيتنا افرض وراها مصيبة انت شلون تقبل ؟!!
صفوان وهو يرفع تك حاجب ويمسد لحيتو ..
_ اي ست ملك تعاي علميني شلون اتصرف
فتحت عينها ..
_ صفوان أنا خايفة من ظلتها بنص بيتنا
تقرب ومسح خدها بطرف أصابعه ..
_ ليش خايفة بلة ؟!!!
كورت شفايفها وعاتبته ..
_ خايفة تعجبك و ..
حط ايدو على حلكها وعكد حاجبو ..
_ اششش اياج اثمج ينطك هيج كلام ، مو صفوان الي تزيغ عينو على حلال غيرو انتي تخبلتي تا تحجين هيج
باست أصابعه الي ضاغطة شفايفها خلته يرمش بعينه وهو يبتسم تك خد
_ يلة عندي طلعه ضرورية ما وصيج بعد
،، محتاجة شي اجيبة من ارجع ؟!
اخذت نفس بعدما هدأت حالها وهي تشوف نظراته الها ..
_ سلامتك بس جيب حلويات للجهال
_ أن شاء الله
*****************
سمراء ..
بقيت انتظر على نار شوكت المحامي يتصل ويخبرني عن بابا صار كم يوم ، جنت ورى البيت بالترك اساعد علا دا نخبز لأن خالة اليوم رأسها يوجعها ضغطها مرتفع يمكن
اني مو ذاك الزود بالخبز بس علا ماشاء الله يجنن خبزها ، متعودين بالبيت نخبز من وكت عمو ادهم زوج خالة ماجدة مايحب خبز الافران ، أكثر شي خالة تخبز واحنا نساعدها يعني جوة أيدها وعلا تعلمت منها ماخذة شمرتها بالترتيب وبكولشي
انجويت بذراعي لأن جنت مبرمه ردان بلوزة التراك كمزت وشمرت المخدة بالكاع ..
_ اخ ولج انجويت
علا باهتمام واضح ..
_ حبي ديري بالج ، اكو وحدة تخبز مبرمه الردان شنو خبازة نص ردن
كورت شفايفي واني اباوع على ذراعي الي صارت حمرا ..
_ منو كالج اني خبازة يمعودة شوفي الكرص مالتي شكلهن يقهر
التفتت على ميرة صاحتني اي همزين دا اخلص من الخبز بسرعه دخلت البيت وبوجهي صار عمهن اشجع استحيت منه جان واكف بالصاله من شافني سوى روحه ممنتبه دخل الهول
منيرة اشرتلي ..
_ هي وين صفنتي تعاي عمو اشجع دايسولف وياج
_ شيريد مني ؟!!
_ يخطبج ، هههههههه ولج شبيج فتحتي الحلك والعيون اتشاقى وياج يريد يفهمج على شغلة تخص ابوج
أنت تقرأ
دهاء ظبية وجسارة غيال
Romanceلم يعترف لها بحبه ، فقد علموه أن العواطف تقتل الرجولة وبالتالي تسيء إلى القضية .. الرواية رومانسية عاطفية اجتماعية هادفة ، بقلمي Jawhara
