دهاء ظبية وجسارة غيال

الفصل الرابع والعشرون

رواية دهاء ظبية وجسارة غيال

الفصل الرابع والعشرون
الكاتبة Jawhara
****************
السلام عليكم ورحمه الله 🌹 حبايبي سكان الواتباد أنا أكتب الفصل أو البارت ما لايقل عن 3000 كلمة وقليل تكون أقل من هذا ، الكتابة مجهود وتعب مو شي سهل اتمنى وصلت الفكرة
تحياتي للمتابعين والقراء الراقين 🌹وهذا بارت مني لكم
اختكم Jawhara
______________________________

لماذا طريقنا طويل مليء بالأشواك؟ !!
لماذا بين يدي، ويديك سرب من الأسلاك؟ ! لماذا حين أكون أنا هنا . .
تكون أنت هناك !!

*****************

غيال ..
وصلت لبغداد بالليل محتاج حمام طويل يريح جسمي ظلتنه بالبر ثلاث ايام بعد ماكو غير ابقى ساعة بالحمام موبايلي اول ما طلعنا من البر بدت الرسايل والاتصالات ضجت من شي واحد على كثرة الرسايل والاتصالات هاي ما لكيت اي شي عن ظبية ماخذة راحتها الظاهر وماصدكت ابعد عنها هين يظبية يصير خير
، رديت على اتصال من اشجع وجان محتاجني وياه وماكدر يحصلني كلتله حاضر أنا إذا يحب اجي على باجر كال فضيتها السالفه هو وكرار الحاتمي

ما اتصلت على ظبية كلت أسبح وارتاح واروح لبيت اهلها
دخلت البيت واضح ما مارة بي نهائي علكت الاضوية وصعدت فوك ذبيت جنطتي بالصالة الفوك ورحت شغلت التدفئة و حضرت ملابس وفتت للحمام ، كملت سبح وتوضيت وبينما لبست ورتبت حالي مديت سجادة تا اصلي وانا مقرر اطلع لبيت حسنين تا اجيب ظبية

،،،،

أبيت اهلها اول ما فتحلي ابوها الباب رحب بية متفاجىء ممتوقع اجي الحين دخلنا الهول كعدنا وراح يصيح ظبية
اجت بنته الصغيرة تناظرني وتبتسم بيها شبه واضح من ظبية بس ظبيتي احلى
اشرتلها باصابعي تجي استحت وكعدت على طرف القنفه
دخلت ظبية بوحدها انتظرتها تسلم تا اكوم اردلها السلام ..
سلمت وصارت قريبة علية وكفت مديت ايدي وأخذتها بحظني بوستها بخدها اوف مدري شلون صابر عليها ابتعدت بسرعه وكعدت عالقنفه وعينها على اختها ..

_ البنوته كاعدة

كعدت بسدها وانا اعدل سترتي ..
_ شمسوين هي بوسة وبالخد

حجت وية اختها ..
_ شموسة حبيبتي خل ماما تسوي چاي

_ لا ماريد ، يلة تحضري تا نروح للبيت وقبلها نمر مطعم لأن جوعان كلش

_ خل اكوم اسويلك عشا إذا فعلا جوعان ؟!

_ راجع من السماوة ميت تعب يادوب سبحت واجيت وانتي هينة لاتسالين ولاتتصلين حتى حمدلله عالسلامة ما كلتي !

_ رايح تتونس وتغير جو مو بحالي انت

_ ايباه وشلون مهتمة انتي هسة ، جدتج تسلم عليج وحلفتني اخذج وانزورها وعدتها يلة فكت مني

_ الله يسلمها ، تريدني اروح وتستلمني نصايح

_ عجل هاي المرة الزينة تعرف بالأصول حجية حدهن