رواية دهاء ظبية وجسارة غيال
الفصل عشرون
الكاتبة Jawhara
****************
حينما أنحني لأقبل يديكِ . .
وأسكب دموع ضعفي فوق صدرك . . واستجدي نظرات الرضا من عينيكِ حينها فقط أشعر باكتمال رجولتي
*****************
غيال ..
بقيت جوة ما صعدت سويت ريوك جهزته عالميز انتظرت تنزل ظبية الظاهر رجعت نامت ، صعدت تا شوفها لأن حالتها تعبانه
وإذا بقت هيج ادخلها مستشفى تتحسن أكثر
شسويتي بحالج جنتي وردة عطره دخلت وانا مصمم تصحى بعدت الغطا عنها ولمست كصتها دافية ، فتحت عيونها علية بدون متحجي شي ، طلبت منها تنزل تتريك ماقبلت شنهو العناد هذا ..
_ ناوية تموتين لو شنهو سالفتج ، يلة أنزلي
بصوت تعبان ردت ..
_ ياريت اموت
ضجت كلش من سمعتها تتمنى الموت تنرفزت عليها ..
_ اصحي تا ننزل جوة وكلام بالسوالف هاي ماريدو
بقيت واكف انتظرها من شافتني ماتحركت دفعت الغطا وكعدت لمت شعرها الأسود وبرمتو كباية ، يا الهي البنت ذبلانه چثير وينها ظبية المليانه شموخ وطاقه انطفائها واضح و هذا يضوجني
حظنتها تا اساعدها دفعتني بصدري وناظرتني بعيون ذبلانه ..
_ مو وكت عاطفتك هاي ، لاعبة نفسي وكارهة روحي وتخيل الوضع وانت تتقربلي
خزرتها وانا اكض فكها بيدي ضاغط عليه
_ اسلوبج هذا يدمرج وباجر تندمين
عفتها وانا أأكد عليها تنزل جوة ، اثنينا على طبع العناد والمكابرة رغم ما اكدر على بعدها من اشوفها قريبة علية اريدها كبال عيني لو حتى نتناكر وتضوجني بكلامها
نزلت للمطبخ وسحبت الصوبة الكهربائية قريب علية وكعدت بيدي موبايلي اكلب بي
مرت عشر دقايق نزلت واجت تمشي بخطوات ثكيلة ، سويت روحي ممنتبه عليها
سحبت كرسي وكعدت مدت أيدها تسوي لفه
_ اشربي حليب يرفع مناعتج ويقويج
خزرتني ورجعت تتريك
سحبت الكرسي قريب عليها صرت ذبيت موبايلي عالميز وأخذت كوب الحليب قريته عليها وبقيت ايدي انتظرها تأخذه
سحبته وشربت شوية وحطته
خطت كوب الجاي وبديت اتريك بس عيني عليها دفعت ماعون البيض وأخذت لفه صغيرة من الجبن ، يلة اهم شي تاكل لكمة تا تاخذ علاجها
كملنا ريوك وانطيتها العلاج ، دك موبايلي فتحت اتصال هاي العاملة ام فريد تكول محتاجني تا تجي تنظف وترتب البيت رديت عليها وعيني على ظبية الي منتبهة على كلامي رغم نظراتها جانت مركزتها على جهة ثانية
كلتلها لا تجي اليوم على باجر سديته و سالت ظبية ..
_ تحتاجينها تساعدج تا اوصي عليها ؟!
بصوت نبرته حادة ردت ..
_ انت تريد تنتقم مني تريد حتى تفضحني تجي على شنو تساعدني واني واضح علية المرض والتعب ، الخدامات يدخلن نفسهن بكولشي يشمشمن اخبار واكيد راح تعرف حالتي !!!!
_ اششش هي كلمتين حجيتها ، لسانج سيف هاي انتي مريضة على أساس
أنت تقرأ
دهاء ظبية وجسارة غيال
Romanceلم يعترف لها بحبه ، فقد علموه أن العواطف تقتل الرجولة وبالتالي تسيء إلى القضية .. الرواية رومانسية عاطفية اجتماعية هادفة ، بقلمي Jawhara
