دهاء ظبية وجسارة غيال

الفصل الخامس والعشرون

رواية دهاء ظبية وجسارة غيال

الفصل الخامس والعشرون
الكاتبة Jawhara

****************
كانت القسوة خطیئتك . .
وكان الكبریاء خطیئتي . . .
وحین التحمت الخطیئتان كان الفراق مولودھما الجھنمي . . .

*****************

ديم ..
احس بأيدين تتلمس براسي وبقية جسمي وصوت بعيد  يصيح بأسمي  .. ااخ راسي كولش وجعني ، جسمي يتحرك ولحظات وملمس الفراش جواية وأصابع على وجهي  فتحت عيوني
_ دييييم  اصحي يرويحتي ديوومه تسمعيني !!!؟
صفي بارتباك واضح يحاول بيها حتى تصحى

أن ديم بخوف على بنتها ..

_ صفي خل نأخذها للمستشفى

_ عمة اكيد اخذها بس اريدها تصحصح شوية

_ لك عيني مداشوفها صايرة خركة

،،،
صفي ..

خفت يصير بيها شي تحركت بسرعه يادوب جريت قمصلة من الكنتور لبستها ورجعت على ديم اخذتها بحظني وانا انطي ارشادات لعمتي تطلع جدامي تفتح السيارة وباب الحوش
بالطريق بعدما طلعنا كل شوية التفت عليها بحظن امها كاعدة بالخانة الورى وديم بحظنها

ام ديم بقلق ..
_ يماما ركز بالطريق فدوة لا تسوي حادث

_ عمة  شوي اضربيها على خدها ليش هيج مجاي تصحى ؟!!!

_ مدري يمكن هبوط بالضغط اوف يربي والله احتاريت

بالمستشفى بعدما أخذوها مني ماقبلت الطبيبة ادخل بس سمحت لامها وانا بقيت بالممر عيني على الباب ، جريت حسرة وذبيتها وسحبت موبايلي اريد احجي وية ظبية
فتحت خط وبصوت يادوب ينسمع يمكنها نايمة ..
_ هلا ظبية صباح الخير
_ هلو يروحي صباحك نور وسرور يارب

_  ديم وكعت ومغمى عليها مدري شبيها وانا بالمستشفى اريدج وياي
_ يگلبي سلامتها  هسة مسافة الطريق بس كولي يا مستشفى
_ مستشفى ال..
سديته منها ورجعت التفتت عالباب تقربت دكيت عليه طلعت عمتي ام ديم ..

_ الحمدلله صحت طلع عدها هبوط بالضغط والطبيبة دا تكمل الفحص

_ الف الحمدلله ، ورأسها خليها تتأكد تاخذلها  اشعه اي شي
_  مابيها الا العافية بس تكول دخت بعدما تقيأت ومتدري بروحها من وكعت

_ خل ادخل احجي وية الطبيبة
دخلت عليهن جانت تفحص رأسها ، سلمت عليها وسألتها إذا يحتاج ابقيها بالمستشفى اليوم كالت خليها تحت المراقبة كم ساعه بعدها أخذها للبيت
نقلوها لردهة نسائية وامها وياها وانا رحت أخذ العلاج من الصيدلية ورجعت عالطبية مجانت موجودة كلت تشوف العلاج وتاشر عليه الأوقات
بقيت انتظرها قريب من غرفتها  ، رن موبايلي ظبية تتصل تكول وصلنا المستشفى كلتلها تدخل عالطابق الثاني اول ممر