الفصل الأخير
" الجزء الأول"
¤¤¤¤¤¤¤
جلس على المقعد مقابل مقعد جده ريان الذي كان يقرأ بعض الاخبار الرياضية، وضع الجريدة و قال بهدوء
- عرفت إن شاهي طلبت من أبوها ترجع اليونان ؟
كاد أن يبصق القهوة من فمه لكنه اعتدل و هو يحاول السيطرة على الأمر، طالعه جده بنظرة يحفظها عن ظهر قلب، تنحنح و قال بنبرة تغلفها الحزن
- في إيه يا جدو مالك بتبص لي كدا ليه ؟
رد ريان و قال
- مافيش أصل كنت فاهم إن أنت ها تتحرك لما تعرف إن العرسان بيتقدموا لها و لا حتى لما قررت تسافر و تسيب لك البلد !!
- و حضرتك ماخدتش بالك العرسان اللي بتتقدم لك دول عندهم كام سنة و أنا عندي كام سنة !!
- أنت عندك تلاتين سنة و هي اتنين و عشرين فين المشكلة ؟!
- أنت مش شايفة إن دي مشكلة ؟
- هو أنت عارف الفرق بيني و بين جدتك قد إيه ؟
- عارف بس في فرق بين تيتا و بين شاهي
- و إيه هو الفرق بقى يا فليسوف عصرك و أوانك ؟!
- مش فلسفة يا جدو بس تيتا كانت بتحبك و قابلة إنما شاهي لسه صغيرة و متنساش إنها شافت برا بنات في سنها عايشين مع اللي بيحبوهم من نفس عمرهم يا جدو دا أنا أكبر واحد في كل اللي تعرفهم
رد ريان ساخرًا و قال
- لا في أكبر أنا كمان من ضمن اللي تعرفهم
تنهد سليم و قال بيضق
- يا جدو أنا مش بهزر أنا بتكلم جد
رد ريان و قال بنبرة صادقة
- و الله يا ابني أنا كمان بتكلم جد الجد كمان، احنا ملناش دعوة بصحابها احنا لينا دعوة بيها هي، و هي موافقة تتجوزك امبارح و سيبك بقى من شغل انا كبير عليها و ببقى وسط اصحابها زي اخوها الكبير و لا أبوها
ختم ريان حديثه قائلا بنبرة جادة
- لآخر مرة هسألك و على أساسها هاتصرف معاها أنت بتحب شاهي و عاوز تتجوزها و لالأ ؟!
صمت سليم قليلًا ثم قال بهدوء
- ايوة يا جدو بحبها و عاوز اتجوزها
رد الجد بسعادة غامرة
- يبقى على بركة الله النهاردا نتكلم مع أبوها و نظبط كل حاجة و بالمرة نحدد معاد الخطوبة
- و خطوبة ليه ما تخليها جواز على طول أنا جاهز و عندي شقتي مش ناقصها حاجة
رد الجد بجدية مصطنعة و قال
- عاوز تبعد نفسك عن مشاكل العيلة و بتمنع الاختلاط يعني ؟ ماشي دي نقطة تخصك أنت و هي حددوها مع بعض
ولجت الجدة حاملة القهوة و على ثغرها إبتسامة واسعة و قالت:
- ها نقول مبروك ؟
رد ريان و قال بجدية مصطنعة
- آل يعني مش عارفة إنه عاوزها
- ملكش دعوة بيا وبعلاقتي مع الغيال المهم ترحم الواد من طلباتك اللي ملهاش لازمة أنا شايفة إن الخطوبة ملهاش لازمة هو جواز بعد شهرين مثلا يكون جهزنا نفسنا إيه رأيك يا سليم
رد سليم و قال
- المهم العروسة
ردت الجدة بثقة قائلة
- اعتبر الموافقة حصلت خلاص ظبط مع عمك ادهم و شوفوا المعاد اللي يعجبكم
أنت تقرأ
عقوق العشاق للكاتبة هدى زايد
Romantizmأنا المتمرد الذي سقط في جوف الظلام، ظن أن عشقك هو ومضة الأمل، لكن وجدته بداية الآم #عقوق_العشاق💖 هدى زايد 🙂💖
