Uni
အချိန်တွေဟာလူကိုမစောင့်ဆိုတဲ့စကားပုံကသိပ်မှန်တာဘဲ။တစ်နှစ်တစ်နှစ်ကဒီနေ့နဲ့မနက်ဖြန်ရောက်မဲ့အချိန်ထက်မြန်တယ်။အချိန်လေးတစ်ခုအတွင်း ဖြစ်တည် ပျက်စီး တည်ရှိ အရာရာကလွယ်ကူခဲ့ပေမဲ့နှလုံးသားထဲကတည်ရှိရာအရပ်တစ်ခုဟာလုံးဝကွယ်မပျောက်ခဲ့....
~ = ~ = ~
( ၆နှစ်ကြာပြီးနောက်....)
" ကိုယ်မင်းကိုသဘောကျတယ်...."
" ကျွန်တော်သဘောမကျဘူး..."
" တွဲကြည့်မှသိမှာပေါ့ကွာ...ကိုယ့်တို့တွဲကြည့်ရအောင်..."
လမ်းမလေးတစ်လျှောက်စက်ဘီးတွန်းလာတဲ့ဖြူဖြူဖွေးဖွေးသွယ်သွယ်လျလျနဲ့တစ်ချက်ကြည့်လိုက်ရင်မိန်းကလေးနဲ့အနည်းငယ်ဆင်တဲ့ကောင်ငယ်လေးနောက်ကို ပန်းစည်းကြီးကိုင်လို့ချစ်ကြောင်းတွေလိုက်ဖွင့်ဟနေတဲ့ကောင်လေးတစ်ယောက်။
" ကျွန်တော့်နောက်ကိုဆက်မလိုက်နဲ့တော့....အကို့ကတတိယနှစ် ကျွန်တော်ကပထမနှစ်...ကျွန်တော့်မှာစာလုပ်ဖို့အချိန်ရှိသေးတယ်..."
" ကိုယ့်မှာငွေရှိတယ်..."
" အကို့မှာငွေရှိလဲ ကျွန်တော်စိတ်မဝင်စားဘူး...ကျွန်တော်ချစ်တာငွေမဟုတ်ဘူး..."
ကောင်ငယ်လေးဟာအေးအေးလူလူသာပြောလို့စက်ဘီးလေးနင်းထွက်လာပေမဲ့ကျန်ခဲ့တဲ့ကောင်လေးကတော့အငြင်းခံလိုက်ရလို့ဒေါတွေပွကာပန်းစည်းကြီးကိုပစ်ချလို့တက်ပါနင်းနေလေသည်။
ခေတ်ခြံထဲမှာပန်းပင်တွေရေလောင်းနေရင်းခြံထဲကိုစက်ဘီးလေးဝင်လာတာကြောင့်ပန်းပင်တွေရေလောင်းရင်းပြုံးမိသည်။
" သားနွယ်....ပြန်လာပြီလား "
" ပါးပါး..."
ခေတ်ရေလောင်းတာကိုရပ်ပစ်လို့သားနွယ်လေးရဲ့မျက်နှာအားလှည့်ကြည့်လိုက်သည်။ဟုတ်တာပေါ့ခုနကရည်းစားစကားလိုက်ပြောခံရတဲ့အလှလေးဟာနွယ်ဘဲ...တကယ့်ကိုနွယ်က၆နှစ်အကြာမှအများကြီးပြောင်းလဲလာခဲ့တာဘဲ။
" စက်ဘီးပတ်စီးတာမပျော်ဘူးလားနွယ်..."
ခေတ်အမေးကိုခေါင်းခါလာသည့်သားလေးဟာအရင်ကလိုအားနည်းလွယ်တတ်တဲ့ကောင်ငယ်လေးမဟုတ်တော့။ပြောရမယ်ဆို ဖုံးကွယ်လာတတ်တဲ့အရွယ်လေးရောက်လာခဲ့ပြီ...သားလေးက၁၈ပြည့်ပြီးလို့ကျော်တောင်ကျော်နေပြီ။အခုခေတ်ကောင်လေးတွေလိုဆံပင်အုပ်အုပ်လေးဖြင့် ဘာဆေးချယ်သမှု့မှမရှိတဲ့ရုပ်ကလေးဟာကျောင်းမှာနာမည်ကြီးလှတဲ့ကြွေရုပ်လေး။မိန်းကလေးတွေကောယောကျာ်းလေးတွေကပါလိုက်ကြိုက်ကြလို့ကျောင်းပြောင်းချင်ပေမဲ့လဲ ခေတ်အရင်ကတက်ခဲ့တဲ့ကျောင်းမို့လုံခြုံတယ်ဆိုပြီးအဲ့မှာသာဆက်တက်နေခြင်း။
أنت تقرأ
သူငယ်ချင်းသမက် ( Completed )
عاطفية( မုန်းမာန်မင်းမြတ် + ခေတ်ပြိုင်မျဥ်း ) "ဘုရားမှာနေကြာလှူခဲ့တယ်...နေကြာလိုလူကြီးနဲ့ကြာကြာနေနိုင်အောင်..." Start-17.10.2022 End - 8.11.2022
