جذاذ الارواح (ما بين حب وحب)

بارت4

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

يگلها: محتاج فرصه وحده منج خل نفتح صفحه جديده
تگله:الدفتر خلص وانترست اوراقه واذا ردت نبدي من جديد لازم تحفر بالصخر وتسوي الصعب

....................
غالب: انتي شجاي تلوصين يا علاج يا دكتور نفسي شني شايفتني مسودن

شمس: ممكن تسمعني قبل لا تصيح وتصير عركه

غالب: احجي بله اطربيني

شمس: شوف حياتي اني وياك ابتدت على غلط بغلط وزواجنه من الاساس جنه مجبرين عليه وانته عندك ماضي متعبك وجاي يلاحگك واني هم نفس الشي اذا تعالجنه راح نگدر نبدي من جديد لتفكر بيه وبيك فكر بفاطمه وفكر بالطفل الي جاي للدنيا

غالب: زين ومركزي وشغلي وسمعتي بين الناس وگرايبي

شمس: شوف غالب صدگني تره الناس ومركزك وكل الي جاي تفكر بيه ما راح يفيدك اذا تعقدو جهالنه وراحو همه يتعالجون بسببنه

غالب: اجلي هذا الموضوع بعدين نتناقش بيه انه طالع هسه

شمس: وين رايح

غالب: ولو كل مره احذرج من هذا السؤال بس خل اروي فضولج رايح اشوف مالك، محتاجه شي

شمس: لا شكرا

اول ما طلع تنهدت براحه... هه يريد نبدي من جديد وهو اي شي عليه بالحسره لا اسئل ولا اتدخل ولا انطي رايي عيشتيش هاي

دگ عليه رقم غريب ما جاوبت بالبدايه لحد ما اندزتلي رساله مكتوب بيها

... ولج انا ذهب وهذا رقمي الجديد

شمس: ولج ها شلونج يالگاطعه لا تتصلين لا تگولين صاحبتي اسئل عليهه

ذهب: بس كافي عتب لا تستلميني اساسا اني خابرتج حتى اعرف اذا وحدج اجي اشوفج

شمس: كل الهلا بس ودوامج

ذهب: لا اليوم اجازه اني

شمس: تمام تعالي متانيتج

حضرت عصير وكيك وانطيت خبر الغالب حتى لا يجي لان هو ميحب يرجع ويلگه نسوان ما يعرفهن

شمس: الو ها غالب اگلك لا ترجع هسه لان راح تجيني صديقتي

غالب: ومني هاي صديقتج

شمس: شبيك تعرفهه ذهب هو اني عندي غيرهه

غالب: خوش اخذن راحتجن

دگت الباب بدگتهه المعتاده وكأن اكو احد يركض وراهه لا اتوب ولا اتجوز من يوم العرفتهه وهيه مصروعه فتحتلهه الباب وتلگتني بالاحضان التبويس

شمس: ولج على كيفج بس خل نفتهم

ذهب: دروحي مو صوجج صوج الي يسلم عليج