جذاذ الارواح (ما بين حب وحب)

بارت12

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

ذهب: أقضي أيامي وأنا أحارب‏ حُزني وخيبتي، أحارب انكساري ‏وأجمع الشظايا التي تركتني أنزِف، أحارب لأجل البقاء بكل هذا الثبات.

ماكو احد عاش بغربه مثلي من اشوفهم شلون ملتمين رغم المشاكل والاذيه بس اني دوم منبوذه.... ساعات اگول يا ريتني ما عرفت يا ريتني ما دريت بالحجي كله لو باقيه عميه عن هل سوالف مو احسنلي.... صفنه تاخذني وصفنه اتجيبني اخر شي حسمت قراري وگلتلهم

ذهب: اني لازم ارجع البيتنه

غالب: ليش خويه مسويلج شي احنه اذيناج بحجايه ليش تروحين يبعد اخوج

ذهب: شبيك غالب شنو نسيت اهلك راح يجون باجر وامك كلشي ما تعرف عني

غالب: حتى لو تبقين يمنه ونگلهم صاحبتهه واداريهه

ذهب: انسى غالب ما اگدر اني لحد الان ما متقبله ابوك تريدني اگعد واحط عيني بعينه... باوع ما اگدر والله خليني ارجع لبيتنه ومن يرحون اهلك اني ارجع قابل وين اروح احجيلج شي شمس

شمس: اباوع على غالب حيل مقهور والصراحه حقه اتعود على وجودهه واني هم تعودت ذهب مثل النسمه وسوالفهه تجنن وكافي عليه بأن هيه صديقة عمري.... غالب اتركهه على راحتهه صديقتي واعرفهه ادري بيهه ما راح ترتاح والا ما تسمع حجايه منهم تغثها

غالب: شحده الي يحاجيها غير اطيح حظه

شمس: زين الي يشوفك ادافع ما راح يگول اكيد عنده وياهه شي ادري هيه ناقصه فوگ ضيمهه يطلع عليهه هيج حجي ما كافي الي تحملته مني واني صديقتهه واعرف اخلاقهه فلا عتب على الي ما يعرفهه اكيد راح يحجي

غالب: هايهيه خويه براحتج بس انه ردتج يمنه وويانه

ذهب: ادري خويه بس ما اگدر لان ما اتحمل اشوفهم وادري بنفسي اني مو من ضمن المرغوبين لان بالنسبه الهم مجرد شخص غريب يقلق راحتهم..... يا ريت غالب باجر ترجعني البيتي

غالب: تره بعد وكت

ذهب: لا هيج احسن.... يله اني رايحه انام تصبحون على خير

... وانتي بخير

دخلنه الغرفتنه بعد ما طفيت البيت وتأكدت من كل شي مقفول

شمس: شفتهه شلون مقهوره بس جاي تكابر

غالب: ادري بيهه وحقهه بس ما ادري شسوي امي مريضه وابوي سوه غلطه شكبرهه وما گايل الاحد والسالفه كلهه اتكربست براسي حسبالج فرحان من اعزم عمامي واهلي واختي عزيزة گلبي ما موجوده ويانه

شمس: راح تعزمهم كلهم.. حتى اهلي

غالب: اي حتى اهلج كلهم اعزمهم حتى مرة محمد