جذاذ الارواح (ما بين حب وحب)

بارت9

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده
اتمنالكم قراءه ممتعه

عفتني بوقت حتى اهلي مو وياي
خليتني بعازة بشر يفتهم موضوعي
انا المنطيك عيوني وتگلي شنطيت
انا المتعوب منك حيل شحجيلك

.....................................

عقلي وگف عن التفكير وما جاي افهم شنو الي صار الاوراق بيدي ومن الصدمه رجفه صارت بأيدي حجيت واني ما مصدگه

شمس: شششلون بسس فهمني تضحك عليه انته لو شنو

غالب: كل شي گدامج واضح وما اگدر هسه احجيلج تاني شوي تجي ذهب ونحجيلج كل شي

شمس: شتحجي وشلون تقنعني يعني صديقة طفولتي طلعت اختتتك!!  هاي يا بشر يعقلهه سنين واني وياهه وما ادري بيهه اختك وبعدين اسم ابوهه مو نفس الاسم شلون تقنعني

وصلت ذهب دخلت علينه مو ذهب القديمه عيونهه جواه سواد ووجهه اصفر مبينه تعبانه حيل

شمس: يله فهموني كل شي لو هاي هم حبكه التمثيليتكم حتى تكملون ضحك عليه

غالب: لتجفصين هذا تحليل النسب گدامج شوفيه وهاي المستمسكات جاي احولهه باسم ابوي

شمس: تره مو صعبه بشوية فلوس تگدر تزور كل شي وبعدين انتي يا صديقة عمري يلي اسراري كلهه عندج ماكو يوم فكرتي تسولفيلي

ذهب: بسسسس كااافي شنو التردين اگوله اگلج ابويه ما رادني واتزوج امي بالسر واول ما عرف بيهه حامل طلگهه اگلج حتى ما قبل يجي يسجلني باسمه ولو ما الله بعثلنه رجال شاف حالة امي وساعدهه اگلج هذا الرجال الرباني سنين وسجلني على اسمه مو ابويه زوج امي راحو من كم سنه قبل لا يموتون ياله دريت ويلي موتتهم وويلي معرفتي بالحقيقه

انهارت بالبجي گلبي وجعني عليهه العاشته هذا اول مره ادري بيه تقربت عليهه وحضنتهه

شمس: كافي صدگتج لا تبجين فدوه انا اسفه ظلمتكم

ذهب: لا.. لا... اوگفففي.. خللل. احجيللج كل شي.. تدرين شلون عرفت غالب اخوووويه وشووكت ياله عرفت عندي اخ قبل لا تموت گمر بشهرين

غالب: كافي ذهب انه اكمللهه... ابوي جان طايش بشبابه وهذا كله من وره جدي الوحيد العلمه وانطاه فلوس هوه من دون اخوانهه لان الجبير زوجه بنت اخوه الي هيه امي مره حازمه تحب كل شي بوقته ومشيه البيت مثل الساعه وابوي طير حر ما يحب الگفص جان دوم يسافر البغداد بحجة شغل وحسب ما سولفلي هناك شاف وحده حبهه وتزوجهه ما جان بالسر عن الناس بس بالسر عن اهله ومرته البنيه الاخذهه جانت يتيمه وعايشه عد بيت جدهه من خطبهه ما گالو لا بالعكس رحبو بس ما درو شراح يسوي ابوي بيهم لان همه من اهل الله ناس فقره والفقير ينوكل وابوي استغل هل شي