جذاذ الارواح (ما بين حب وحب)

بارت8

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

هَذاك انه
غصِن مكسور ياطيرّ
اليحط فوگاي يلچمني
هَذاك انه
الرجع من حِزنه يغَني .

گاعده بين هوسة افكاري النوم جافه عيوني شايفين من تكونون ميتين من النعاس بس ما تگدرون اتنامون لان اول ما تحط راسك على المخده الافكار تبدي اداهمك والذكريات تحارب عقلك وتنسيك كل النوم

رجعت ذكرياتي قبل 10سنين

بالي جان مرتاح وحياتي ورديه دوامي وشغلي بين الطلاب احاول انمي طموحاتهم واعلمهم تعلمت من هاي المهنه الصياح والصوت العالي والشده متسوي اي نتيجه الشخص كل ما صبر وحاول المعلومه توصل اسهل واكتشفت الاستاذ الي يحب الماده وعنده شغف بيهه يعرف يوصل الماده بصوره اسرع

گاعده بين طلابي بعد ما كملنه شرح وبقه وقت من الدرس گعدت اسأل كل واحد على حلمه اكثرهم گالو طب او هندسه ما ادري ليش حسيت نص الي يتمنون هذا الاختصاص مو برغبتهم بل برغبة الاهالي بس طالب او طالبين واحد منهم گال اريد اصير محامي والثاني گال اريد اصير معلم ما ادري ليش بوقتهه الطلاب ضحكو مع ان الطالب جان حيل شاطر وگفتهم عن الضحك وجليت صوتي وحجيت وياهم

شمس: شوفو طلاب يمكن اكثركم حابين تصيرون اطباء ومهندسين بس ممكن اعرف السبب

واحد بيهم گال على مود اهلي والثاني لان فلوسهه هواي وووويمكن واحد لو ثنين گال لان احب المهنه

شمس: زين انتو لو جانت فلوسهه قليله واهلكم منطيكم حرية الاختيار شتريدون تصيرون

كل واحد بيهم غير تخصصه بس الي جانو صدگ شغوفين بالطب صاحو نريد طب او هندسه

شمس: شوفو طلاب انتو كلكم هسه صغار لتصيرون نسخ من بقية الناس دورو على حلمكم والشي التردوه يعني مو شرط انته شاطر لازم تصير طبيب ولا لان انته كسلان لازم تصير اي شي دورو على الشي الي تحبوه صدگ والي تردون تصيرونه ساعتهه بس راح تبدعون

لان احلامكم مو شرط تشبه الناس لازم تشبه شخصياتكم

دگ الجرس وصار وقت الاستراحه رحت للأداره حتى احضر للدرس الي وراه سوالف المدرسات والمدرسين فصايره هوسه طلعت لمكاني المفضل جان اكو درجات صغيره بالساحه دائما جنت اجيب مده صغيره واگعد عليهه الهوه يجنن وبدايه شته اخذت نفس قوي وزفرته احب هاي الحركه احس حتى عقلي يخلص من تشتيته بديت اراجع الماده وعرف الاشياء الي لازم اشرحهه للطلاب ونقاط الضعف الي لازم اتجاوزهه

-السلام عليكم

شمس: وعليكم السلام اهلا استاذ ادم

ادم: شنو شلونج ويه الدوام