جذاذ الارواح (ما بين حب وحب)

بارت11

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

اتمنالكم قراءه ممتعه

اني وياك لا غالب ولا مغلوب
انجرحنا اثنينا وانتهت سد بسد
- رائد ابو فتيان

..................................

ضلينا نروح ونجي ميتات من الخوف اكيد راح تصير مشكله وغالب ما راح يسكت ابد

اتصلت علينه فرح

ذهب: جاوبيهه بسرعه الله اليستر اكيد صاير شي

جاوبت عليهه رأسن حجت وهيه مفزوعه

فرح: خاب اتعاركو بيناتهم جابر وزوجج وصار الصياح بيناتهم وصل للجيران

شمس: وهسه شصار گولي

فرح: اجه ابوج واخوانج وفضو العركه

شمس: اذا صار شي خابريني

فرح: اي اكيد

من سمعت بطاريهم احس روحي فرفحت عليهم اهلي يا ناس محرومه منهم وما شايفتهم ابد

ذهب: شبيج شمس غالب بيه شي

شمس: لا لا لتخافين ماكو شي.... بس اني الى متى اضل محرومه من اهلي ليش هيج قاسين وياي شسويتلهم لو اني ميته بدالهه مو احسن

ذهب: شذكرج بيهم بس فهميني

شمس: ابوي واخواني بس بالمشاكل يفزعون واني بتهم ما سألو عليه بيوم ولج اخواني الجنت خادمتهم برموش عيوني شنو يطلبون اسويلهم تالي سؤال ما يجي يسأل ويگلي خويه شلونج.... تعبت اني ووصل حدي مرات افكر اروحلهم واصرخ بكل صوتي واگلهم اذا تردون اذبحوني وموتوني وراهه وارتاحو وريحوني

ذهب: كافي يعمري لا تاذين روحج الله يسامحهم ويريح بالج

شمس: ما يرتاح طول ما اشوف نظرات الملامه بعيون اهلي وطول ما اني بعيده عنهم

ذهب: صدگيني تنحل ويجي يوم وترجع علاقتج بيهم المهم همه عايشين المهم ما عافوج ولا ما سألو عنج وتركوج تعيشين اسوء واحلى ايامج بدونهم لا شافو فرحتج ولا مسحو دمعتج

شمس: بعدج ضايجه منه

ذهب: تدرين مرات اكابر بس اگول اتمنى يحبني اتمنى يجي ويشوفني ويسأل عليه تدرين سأل مره... مره وحده وبعد ما عادهه بس اطمأن بانو غالب موجود وشال ايده يعني ما يحس بعطف بحنيه ما يوجعه گلبه عليه والله احس روحي حالي حال اليتيم والله

شمس: كافي وشبيج بجيتي هايهيه المايريدنه ما نريده

ذهب: مسحت دموعي واني اضحك.... خوب گولي الروحج هذا الحجي

شمس: احنه ضالين وحده تنصح الثانيه وثنينه ما انفذ

واحنا جاي نحجي انتبهنا على صوت المفتاح مال الباب انفتح ودخل غالب  روحه طالعه وعيونه بگصته مبين متعارك