جذاذ الارواح (ما بين حب وحب)

بارت7

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

اتمنالكم قراءه ممتعه

بوسط الصدمات الروح تصير محتاره شلون تطلع من الجسد حتى ترتاح بوكتهه
-العقل يوگف
-يصير شلل بالجسم
-ولسانك ينعقد
لا تگدر تحجي شي ولا تگول شي الصدمات توالت عليه بحياتي لدرجة اني وياهه صرنه صحبان صح اوگع بس ارجع اقوى

كل شي تغير من هاي اللحظه

حاولت انام بكل صوره بس الالم جان محاوطني من كل جانب خاصتا بعد التعب النفسي وتعب الشغل الصار بفاتحة محمد محد جان وياي بس ثنين من الجوارين شافن وضعي وانكسر خاطرهن عليه حتى امي اشوفهه تباوع عليه من بعيد وتدخل مثل الغريبه تأدي الواجب وتطلع اما الگرايب ف.. هه اي گرايب هاي مرة ابوه لو مرة اخوه الي يشوفن العمى وما يشوفنه

  گمت حتى اشوف غالب وين حتى يوديني للدكتوره لان خفت على بنتي لا يصير عليهه شي وقفني صوت بجي ذهب وحجيهه هيه وغالب انصدمت بالبدايه وزادت شكوكي ردت اقطع الشك باليقين فگعدت اسمعهم

سمعت كل شي وشفت كل شي... شفته وهو لازم ايدهه ويمسح بدموعهه المنظر جان بمثابة شلل بالنسبه اليه ردت اوگف هاي المهزله واعرف شجاي يصير حجيت واني اعصابي فايره

شمس: هاي شجاي يصير هنا

شفتهم تبلعمو وخاصه ذهب صارت صفره وهذا الشي اكد شكوكي

ذهب: اوگفففي شمسسس مممو مثل مما انتي فاااهمه

شمس: اششش ولا كلمه سمعت كل شي وشفت كل شي حسيت بألم قوي رأسن صرخت

اتقربو ثنينهم مني رأسن اشرت بأيدي اوگفهم

شمس: اني رايحه ابدل وديني للدكتوره

غالب: خوش خليني اساعدج او ذهب تساعدج

شمس: صرخت.. ماااا اريييد

ما ردت انزل دمعتي وعلى شنو ما يستاهلون اهم شي هسه عندي بنتي ما اريد اخسرهه لبست صايتي وحجابي

اخذوني للدكتوره سوتلي فحوصات

الدكتوره: واضح ما التزمتي بالي گتلج عليه وعلى هل اساس لازم تنامين مستشفى هل كم يوم لبين ما وضعج يستقر او اديرين بالج على نفسج وهل مره ما تتحركين ابد ابد

غالب: زين دكتوره اكو خطر على صحتهه او صحة الجنين اذا رجعت للبيت

الدكتوره: اذا استمرت على الجهد الجاي تسويه اكيد اكو خطر  فلازم ما تسوي اي شي

همه يحجون واني بالي بغير عالم ويلي بنتي وويلي الي صار هسه ما محيرني غير شي واحد هسه وين اروح معقوله ابقى بعد الي صار... لا.. لا مستحيل بس وين اروح واني حتى اهلي ما يستقبلوني