جذاذ الارواح (ما بين حب وحب)

بارت10

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

اتمنالكم قراءة ممتعه حبايبي

.....................................

شوكت تحس نفسك ضعيف.. من ما تگدر ادافع عن اقرب الناس الك من تشوف الظلم گدام عينك وتبقى ساكت ما ادري

.. خوف
.. لو رعب
.. لو استسلام لقدرك الي جاي

بس الي متأكده منه كثرة الضغط تخلي الانسان ينفجر والكتوم صعبه فجرته لان راح يتصرف تصرفات صعب على الواحد يتخيلهه

منا بدت معاناتي وياهم شدو وياي فد شده لا طلعه ولا مشيه لا اگدر اشتري البناتي شي ولا بناتي يطلعن بس من البيت للمدرسه ومن المدرسه للبيت لحد اليوم الي خلاني ما اسكت وانفجر بوجهم

بيومهه جانن البنات بعدلهن ساعتين ويوصلن من الدوام وتوني بلشت اطبخ الغده واذا سمعت الباب يندگ بهمجيه

اول ما فتحته جرهن عمهن ودخلهن للبيت وهنه دموعهن تصب اريد بس افكه منهن ماكو مجلب الى ان فات للمطبخ وشمرهن

فرح: شبيك وياهن فهمني ليش هيج سويتلهن

جابر(العم): شوفي ولج وانتن هم تسمعني كلش زين انسن بعد شي اسمه مدرسه والي اشوفهه طالعه لباب البيت اگص رجلهه

فرح: ممكن افهم ليش

جابر: بدون ليش الاگوله تنفذينه ورجلج فوگ راسج

فرح: لهنا وحدك اكثر من مره تتجاوز واصيح عمهن وعيب ومن هل حجي الماصخ هذا بس مال تمنع بناتي من مدارسهن لا والف لا مو اني الامنع بناتي من الدراسه وشتريد اتسوي سوي

جابر: شلون ولج... اخخخ لو ما انتي مرة اخوي جان كتلتج كتله وربيتج من صدگ

فرح: جرب تمد ايدك عليه الا اخيسك بالسجون

جابر: گويانه ولج

فرح: طبعا لان هنت بناتي واني كل شي ولا هنه

جابر: خوش نشوف ياهو الحجيه يمشي

اول ما طلع گعدت بالگاع ابجي احساس الظلم والاذيه يهد الحيل اجني رقيه وملاك حضنني ومسحن دموعي

ملاك: ماما لا تبجين

رقيه: ماما عادي ما نروح للمدرسه بس لا تبجين

فرح: لا حبيباتي لو اعرف اسوي المستحيل بس على مود تصيرن احسن الطالبات وتاخذن شهادتجن الي تتمننهه لا تفكرن بشي اني امجن واني احميجن

يله حبيباتي روحن غسلن لبين ما اسويلجن شي تاكلنه حتى تنامن وتگعدن ادرسن

رقيه: ماما شلون واحنه طلعنه بنص الدروس

فرح: من تگعدون خابرو صديقاتكم وهنه ينطنجن الدروس

بدلن وغسلن وسويتلهن شي على السريع ياكلنه حتى ينامن حاولت ما ابينلهن شي واضل ادعي القوه بس داخلي يرجف عمهن مو هين ومستعد يسوي كل شي بس حتى ينفذ البراسه