جذاذ الارواح (ما بين حب وحب)

بارت14

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

اتمنالكم قراءه ممتعه

وصف حال شمس من شافت اهلهه
صرت مثل السعفه انتفض اطرافي ثلجت وگلبي يدگ حيل حيل سريع اهلي ذول الي ربيت وكبرت عدهم وهسه اشوفهم ومتوتره يا ترى راح يسلمون عليه لو يعوفوني ويدورون وجهم.. زين شنو موقفي بساعتهه

بوسط افكاري شفت ابويه قريب مني جليت صوتي وحجيت

شمس: الله يساعدك بابا

سلم عليه عادي ولا كانو صاير شي فرحت لا طرت من الفرحه تبعته امي واخواني كلش كلش عادي سلامهم ولا كأن صاير شي ما صدگت يجي هذا اليوم وينسون كل شي

رحت للمطبخ اجيب الظيافه قدمت للكل اني وفرح الغده وصل واجت امي ويانه ونسوان اخواني حتى يساعدونه بالصب بتول وغاده جانن صديقاتي من قبل وعلاقتنه كلش قويه بس بسبب الخلاف الي صار خفت علاقتنه بس هم نحجي بالختلات فهسه من وحده شافت الثانيه ما صدگنه وگعدنه نسولف ونضحك بس حسيت بيهن شي مو طبيعي اول ما دخلنه للمطبخ اقتربت عليه امي ردت احضنهه بس بعدت اديه حيل خجلتني وحجت

زينب: لا حسبالج نسينه السويتيه بس ابوج گال عيب گدام الموجودين وما راد يعرفون احنه ما نحجي وياج ويشمت بينه الرايح والجاي... ولج والله ما تستاهلين تعيشين بكل هل عز وبتي جوه التراب

شمس: بتج!! ادري واني شنو جبتيني من الشارع بس لو اعرف ليش هيج تحجين وياي وحته بعز فرحتي تكسريني ما شفت يوم حلو وياكم كله اهانات واعصاب وحته ضرب اخواني ما جنتو تحاجوهم لان ولد واختي تموتون عليهه ليش بس اني

زينب: ادري بيج دومج تغارين منهه وما تحبيهه وحتى الي صار بيهه من وراج لان من گد الحقد والحسد الي بگلبج ضدهه

بتول: عمه شهل حجي

زينب: اسكتي ما الج علاقه لا والله اگلب حسين (الاخ الجبير وزوجهه) ضدج

شمس: هايهيه يمه سدي النقاش على الاقل حتى خطتكم تنجح وما يعصب ابوي

زينب: لا تگليلي يمه مره ثانيه انه ما عدي غير بت وحده وماتت

غاده: عمهه!!

زينب: مثل الاوله مالج علاقه... هه خل اروح احسلي واخلص من هل چهر هاي خفت مو وجوه تطرد النعمه

انهارت ساعتهه كل القوه الي عنده گعدت على حيلي بالگاع ودموعي تنزل بحرگة گلب اجن البنات يواسني

غاده: لا تبجين حبيبتي ادري بيج تعبتي والله يساعدج بس لازم تثبتين للكل واولهم امج بان انتي قويه وما تنهزين بسهوله

شمس: شلون بس فهميني ولكم هاي مو صديقه لو بت عم او گرايب هاي امي المفروض هيه الي تحن عليه مو تسمعني كلام مثل السم