جذاذ الارواح (ما بين حب وحب)
لتنسوون تسوون متابعه للحساب+تصويت+تعلقون بين فقره وفقره حتى تصعد الروايه
اِبچي
ومحد يوصيك بعيونك
ولا واحد يگلك ليش
وشمبيوگ من لونك
ماكو ابن آدم بلونك
تصفُن مثل مرجوحة
جزاها العيد
تسرح مدري وين بعيّد
حيل بعيّد
وغفلة تفززك دمعة
وتكسر خاطرك دمَعة
هذا أنتَ التطيح ومحد يشيلك
هذا أنتَ العزيز وگاع منديلك
تستهضُم
تلم روحك مثل ورگات محترگه
تضحك للمرايه وتستغرب رسومك
ــــــــــــــــــــــــــــــــــــــــــــــــــــــــــــــ
انسحب التلفون مني وسواه الف وصله اباوعله عيونه حمر ومبين معصب سحبني من ايدي ودخلني للغرفه حتى لا تسمع فاطمه صاح بگلب محروگ
غالب: شجاي تسوين ولج ليش هيج تحجين ما كفاج عافتلج الكون كله وراحت ما ترديني حتى احلم بيهه
شمس: انته منتبه النفسك شجاي تحجي زين حط نفسك بمكاني اذا يوميه اغلط بأسمك واسميك باسم الشخص الاحبه واذا يوميه احلم بيه وانده باسمه تقبل لو كبريائك يقبل لا حسبالك اني احبك او فد شي بس انته جاي تكسرني وتكسر كبريائي شوي شوي
غالب: لا تشوفين روحج تره انتي ما الج قيمه يمي وما اهتم اذا حبيتيني لو لا لان من الاساس انتي مو ببالي
شمس: ولا انت ابالي وتره مو بس انت الخسران تره مثلي مثلك فلا تعيش بدور الضحيه
غالب: لتحجين عن الخساره لان الخساره صارت بسببج وبسبب اختيارج التعبان
حرگني حرگ وطلع احسه يتفنن بأذيتي وعذابي ما خايفه على شي بس على هل طفل الي راح ينولد بهل ظروف التعبانه
بقيت اروح وارجع افتر والقهر كاتلني اتذكر كل الي صار وياي وشوغة گلبي تصعد للسما ماكو واحد بيهم رحم بحالي فكرت ودخت لحد ما مليت
شمس: اهوووو ويطبه طوب ليش حارگه دمي
رحت اعتنيت بنفسي وبشرتي سويت ماسكات وحطيت حنه الشعري فلا اخلي احد يوجعني ويوجع گلبي گعدت فطومه من النوم و اجتني لحت عليه اسويلهه مثلي سويتلهه وراهه سبحنه وسويت عشه تعشينه وگعدنه نسولف سويه
فاطمه: خاله شبيج انتي وبابا صوتكم جان عالي
شمس: لا ماكو شي
فاطمه: خاله تره اني مو صغيره صار عمري 12سنه
شمس: فطوم انتي تحبيني لو لا، اني مقصره وياج بشي
فاطمه: ابد بالعكس صرتيلي ام وعلمتيني، ما انسه اول يوم دوام من بعد وفاة امي شلون داريتيني ودرستيني ما انسه شلون صرتيلي صديقه احجيلهه كل اسراري شنو اريد اتجيبيلي ابد لتفكرين بهذا الشي
مسحت ادموعي الي نزلن غصبا عني
شمس: زين على الاقل طلع بيكم واحد مرتاح من وجودي يمكم
أنت تقرأ
جذاذ الارواح (ما بين حب وحب)
Roman d'amourارواح معلقه في اماكن غير اماكنها تنتظر متى يحين وقت حصادها لان قدرها قد كتب عليها حياة البؤس والظلام فهل ستجد المفر ام ان حياتها ستنقلب رأسا على عقب
