جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديدهاتمنالكم قراءه ممتعه
الخذلان هو من تعتمد على اشخاص بحياتك وما تصدگ بيوم من الايام يعوفوك او يخذلوك بس الواقع يختلف الواقع يگول ان ماكو شي يبقى على حاله الي يكبك اليوم يكرهك وينساك باجر والي يريدلك الخير فجأه يضل يتمنالك الشر او ميهتم الامرك يخلوك تسأل نفسك يا ترى شنو الي تغير وشنو الي صار
شمس: دكتوره احنا خذلناهه احنا الي عفناهه بنص الطريق والله يعلم هسه هيه وين عايشه لو ميته واذا عايشه يا ترى منو الي ساعدهه
الدكتوره: زين شنو السبب الي خلاج ما تسألين عنهه
شمس: دكتوره الحجي مو وياي غالب هو الي رفض ان اتواصل وياهه وگلي انتي هسه بمرحلة علاج وصدمه لازم اطلعين من الي انتي بيه الاول وبعدين تردين عليهه... دكتوره معقوله اني السبب... معقوله لان عفتهه ومجاوبتهه هيج صار وياهه
الدكتوره: شمس انتي هسه صرتي كلش زينه وما بيج اي شي وحتى هذا الموضوع ما الج اي ذنب بيه
شمس: اذن غالب هو السبب
الدكتوره: لا يمكن عنده سبب قوي منعج ان تحجين وياهه او صدگ يخاف عليج ويردج تتعالجين
شمس: يمكن.. لان هو حتى اهلي مخلاني اشوفهم
الدكتوره: اذن فهو يخاف عليج مثل ما گلت... وهسه صيحيلي اياه انتي بعد علاجج خلص هسه نبلش ويه استاذ غالب
شمس: تمام
طلعت من عدهه وكل عاده اول ما اطلع يجيني قلقان ويسأل سؤاله المعتاد
غالب: ها بشري شگلتلج الدكتوره
شمس: ابسمتله وگلت.. گالت خلص اني بعد ما بيه شي وما احتاج اي علاج بس طلبت تبدي وياك جلسات علاج ويا ريت لو تدخللهه هسه
غالب: لا مو هسه بعد وكت
شمس: غالب شنو اتفقنه مو گلنه نبدي صفحه جديده حتى نربي اطفالنه تربيه صحيحه
غالب: لخاطرج والله والا ولا ادخللهه
شمس: عفيه... يله ادخل اني منتضرتك هنا
دخل وهو يقدم خطوه وياخر الثانيه اكتشفت بهاي اللحظه ان مو بس النسوان يخافن لا الرياجيل هم يخافون... يخافون خسارة الي يحبوهم ويخافون على مركزهم وعلى سمعتهم احنا البشر هيج نخاف من بعضنه ومنريد احد احسن من عدنه
غالب:
كل الي جاي يصير هسه على مودهه اضغط على روحي في سبيل تعرف معزتهه
دخلت للدكتوره وانه متردد واحاول ابين ان ما بيه شي تعابير وجهي جامده ماكو اي ردود افعال عندي سلمت عليهه ودخلت
![](https://img.wattpad.com/cover/318816251-288-k289805.jpg)
أنت تقرأ
جذاذ الارواح (ما بين حب وحب)
Romansaارواح معلقه في اماكن غير اماكنها تنتظر متى يحين وقت حصادها لان قدرها قد كتب عليها حياة البؤس والظلام فهل ستجد المفر ام ان حياتها ستنقلب رأسا على عقب