جذاذ الارواح (ما بين حب وحب)

بارت15

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

اتمنالكم قراءه ممتعه

بعد مرور عدة اشهر

كومة اشياء تحسسني بالارباك..
صوت الساعه
نقرات القلم على الميز
وبرودة الجو
من بعدهه موسيقى هادئه واضائه خافته انطت الروحي السلام

تنهدت بصوت عالي اتبعتهه عدة دمعات

صوت ضرب  القلم اتكرر مره ثانيه تبعتهه حمحمه وبدت تسترسل بالحديث

-اي شمس سولفيلي

شمس: منين ابدي

-من البدايه كلش اريد ادخل الحياتج واعرف تفاصيلهه حتى اگدر اعرف شنو جاي تحسين واشخص حالتج زين

شمس: احنا عائله من اب وام واثنين اخوان واني واختي ماكو داعي اطرقلج لحياة اهلي بس كل الي اگدر اگوله احنه جنه بالجنوب وفجأه بين يوم وليله شلنه البغداد بعد محاولات واقناع ابويه وافق انو ندرس كبرنه اني واختي وجانت علاقتنه جدا قويه.... وره مده اتزوجت ابن عمي وما انقطعت علاقتي بيهه ابد بالعكس جنه وحده تشوف الثانيه وحتى بتهه مريم تموت عليه

-زين شنو الي صار واختج وين

شمس؛: كل شي بده من بعد تعييني بنفس المدرسه الي بيهه ابن خالتي وبعد فتره اعجب بيه واعجبت بيه واجه خطبني مع انو اكو خلاف بين عائلتي وبينهم بس بعد الحاح واقناع مني ومن اختي وزوجهه وافقو ابويه وامي وهو هم گدر يقنع اهله

كل الي صار بسرعه انخطبنه وعشت احلا ايامي وياه جان ميردلي طلب ابد شنو اريد يوافق حتى بيت وحدي سوالي حتى نتجنب المشاكل جهزنه البيت كله من الالف للياء

-وبعدين شنو صار

شمس: الي صار باخر يوم جهزت فستاني والبيت جان خبصه اخواني ونسوانهم الي هنه صديقاتي واختي وبتهه كلهم موجودين كل عاده قبل لا انام حجيت وياه وجان ما مصدگ ومنتظر شوكت يخلص هذا اليوم

سديت التلفون ورحت نمت گعدت الصبح على صوت الهلاهل كلهه فرحانه حتى امي رغم جانت معارضه بس فرحتلي بسرعه بسرعه بين الصالون والحمام المغربي والمكياج والتسريحه صار العصر وگالو راح تجي الزفه جنت بوكتهه حيل متوتره من حياتي الجديده كضت گمر بايدي وگالت

گمر: شبيج لا تخافين ولا تتوترين اتمنالج السعاده من كل گلبي ديري بالج على زوجج وحاولي تتجنبيه وهو معصب لتنامون وانتو متزاعلين لان الزعل راح يزيد

حضنتني وكأن جاي تودعني وعيونهه دمعت ما جنت منتبهه او حسيتهه عادي كاي وحده تتزوج يودعوهه بالدموع

حست بوجع بضهرهه

شمس: ولج گمر ارتاحي كافي واگفه على رجليج من الصبح تعبتي وانتي بالشهر الثامن ديري بالج على نفسج