جذاذ الارواح (ما بين حب وحب)

بارت3

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

لتتجاهل بيوم احساس او موقف او شي بحياتك لان راح توصل مرحله الانفجار اقل ضغط او اقل شي راح يهلك روحك لان تجاهل الشي مو معناته نهاية الموضوع...
»»»»»»»»»»»»»»»»»»»»»»

وصلت للبيت وانه هلكان من گد التعب شفتهه كاعده على القنفه منتظرتني حجيت بصوت واهن

غالب: تعالي سنديني راح اوگع

وصدگ راسا اختل توازن جسمي حسيت عليهه وهيه تركض وخلت ايدي على جتفهه ما جنت حاب اذب ثگلي عليهه بس جنت حيل تعبان حطتني على الفراش واني اون كضت گصتي وحجت

شمس: حرارتك مرتفعه بس فهمني شصاير ووين جنت

غالب: جججنت بااالمگبره.. برداااان غطييني فدووه

شمس: غطيته وگعدت اسويله كمادات بده يهذي بكلام ما مفهوم ضليت سهرانه وياه لحد ما نزلت حرارته بعدها ما حسيت بنفسي

امشي واركض بطريق طويل ما ادري شنو نهايته اركض واركض بس يتخللي صوتها غالب.... غالب..... وينك.. غالب.... لحد ما شفتهه گدامي مثل الملاك لابسه ابيض بابيض

غالب: گمر... اي هاي انتي گمر ليش عفتيني هنت عليج تعوفيني هانت عليج فطومه بتنه تربى بدونج

گمر: غالب فدوه انته جاي تعذبني وتعذبها حرام الجاي تسوي

غالب: شنو الحرام واعذبمن

گمر: غالب افهم شمس... شمس ما تستاهل والله تره دموعهه جاي تحرگني كافي فدوه انساني وعيش لتعذبهه تره من تعذبهه تعذبني لتنسه اختي هاي شلون ينطيك گلبك تعذب اختي

غالب: گمر انتي گلتيهه اختج اختج وصارت مرتي ما قابل السالفه والله

گمر: لخاطري ابدي صفحه جديده وياهه انسى هيه اختي وانسى كلشي شوفهه كشمس لا تشوفهه كاخت گمر اوعدني غالب فدوه

غالب: اوعدج

فزيت من النوم مخروع وگلبي يدگ بسرعه

: سنين مرت اول مره طيفهه يزورني وتحجي وياي بالعاده بس ادور عليهه بس جيتها جية عتب وملامه

''وعدتج انه ما اطول ااذي روحج راح انساج وابدي من جديد بس تبقين طيف حلو بالذاكره''

باوعت على شمس نايمه على الكرسي وحطه راسهه على الميز اليم الچربايه ندهتهه

غالب: شمس گومي عدلي نومتج لا تتشنج رگبتج

شمس: ها.. اي گمت.. شنو تروح للدوام لو لا

غالب: اي اروح

شمس: احضرلك ريوگ

غالب: لا ارتاحي ما محتاج شي وفاطمه انه اگعدهه