جذاذ الارواح (ما بين حب وحب)

بارت6

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

اتمنالكم قراءه ممتعه

...................................

هَالمرة
چبيرة هَواي
تعال أبچي عليك وياي
ولك عَزوني بيك الناس
چيَ يدرونك مِن أهلي
تعال انطيني واحد
خاسرَك مِثلي
..........................

نقلناهه للمستشفى باسرع وقت حالتهه تصعب على الكافر صح وصتني الدكتوره ما اتحرك او انفعل بس ما گدرت اعوف فرح وحدهه بهيج يوم ويلي هيه وويلي غالب المصدوم صدمة عمره رحت عليه اصبره ولو ما اعرف شنو احجي بهيج مواقف بس شسوي

شمس: غالب شد حيلك احنه ناخذ قوتنه منك

غالب: اخ يا قوه هاي المات صاحبي وابن عمي واخوي

شمس: الله يرحمه راح شهيد وبطل

غالب: بس ارد اعرف ليش الاحبهم يرحون مني مو والله تعبت

شمس: هذا اختبار من ربك ولا اعتراض على حكمه...ما عرفت شوكت يجيبون الجثه

غالب: يا جثه هاي صايرين طحين ما ينعرف واحد من الثاني

قاطع حديثنه طلعة الدكتور

غالب: ها دكتور بشر

الدكتور: حضرتك تقربلهه شي

غالب: اي اقاربي

الدكتور: زين تفضل ويايه حتى نحجي بحالتهه الصحيه

الدكتور: المريضه ضربتهه جلطه والحمدلله عدت سلامات بس ديرو بالكم على صحتها الانفعال والضوجه ممنوعه جدا عليهه

غالب: دكتور هيه زوجهه استشهد اليوم شلون نگدر نقنعهه بان ما تاذي نفسهه او تنقهر

الدكتور: الى رحمة الله... زين اني راح ابقيهه بالمستشفى خلال ايام الفاتحه وهيه اساسا لازمتهه راحه واوصفلهه كم مهدئ عسى ولعل نگدر انسيطر على حالتهه

غالب: اشكرك دكتور..... طلعت محتار منو يبقى عدهه وهيه لا ام لا اهل وجماله عليه شمس مريضه ومو مال تبقى بالمستشفى صارت بوجهي ذهب

ذهب: ها بشر شلونهه

غالب: ضاربتهه جلطه ولازم تبقى بالمستشفى وما عدهه احد يداريهه

ذهب: زين شنو رايك اني ابقى يمهه

غالب: والله ياريت

ذهب: هايهيه تدلل بس خليني اگل الشمس بالأول

غالب: خوش

شمس: اباوع عليهم يتبسبسون ما ادري ليش ما حبيت هذا الشي بس الي بخر هذا الموضوع من اجتني ذهب وكالتلي بان راح تبقى يم فرح

ذهب: ها هسه شتگولين

شمس: اي ابقي يمهه وديري بالج عليهه خطيه ما تستاهل