يمر طيفك يناغيني
ويردني ردوّد وادري الطيف
ما ينجاس ،
اگود السُهر بـ عيوني
وترد الـ ليش بيه تعيل
واتمناني دون احـساس ..
گاعده بغرفتي والفرحه مرسومه على وجهي واخيرا راح اتزوج الي يحبني واحبه باوعت على نفسي بالمرايه شفت البدله الي راح البسهه بعرسي معلگه كلشي حلو ومرتب ماكو اي نقص دگ التلفون وقطع حبل افكاري بس رديت اجاني صوته الحلو
: اوف واخيرا بعد يومين زواجنه
شمس: اي ما بقه شي ونزوج
: والله طلع روحي ابوج ياله وافق
شمس: يگولون الرجال يحب يتعب بالشي حتى يحس بالفرحه لمن ينوله
: اي والله اجيتيني بتعب مو هينه، صح مهرج كسر ضهري بس تمونين
شمس: يله لازم اسد التلفون وانام لان باجر وراي كومة شغل
: شبيج ابقي وياي خل نحجي
شمس: گدامنه العر كله نحجي ما بقه شي
: ميخالف يله هل مره سماح
شمس: تصبح على خير حبيبي
: وانتي بخير يا نور عيون حبيبج
رحت نمت واني باحلامي الورديه گعدت واني ما اريد افتح عيوني على اصوات وطگطگه جاوبت بتعب
شمس: يووو ماما هسه اگوم بس عوفيني شوي
غالب: هه يا مامه هاي يله گومي سويلي ريوگ
صدمه رجعتني الواقعي الاني بيه اي هذاك جان حلم.. حلم يراودني كل فتره وفتره اما الواقع فچان شي ثاني
غالب: يله شبيچ صافنه بوجهي اتحررركي وراي شغل
شمس: اي اي هسه گايمه
رحت غسلت وجهي وما اميز بين دموعي والمي نثينهم يسيلون على وجهي ركضت سويت الريوگ وگعدت فاطمه لان وراهه مدرسه
شمس: فاطمه فاطمه يله گومي وراج دوام
فاطمه: صباح الخير خاله
شمس: صباح النور يا روح خاله يله گومي بدلي لان ابوچ منتضرج
فاطمه: اي حاضر گمت
نزلت حطيت الاكل على الميز وحطيت الچاي نزل هوه بكامل اناقته اوف بس.. صح شكلك حلو بس اسلوبك اعوج شيعدله... فززني صوته وهوه يصيح
غالب: شبيج ويامن جاي احچي صبي چاي يله
شمس: حاضر حاضر
نزلت فطومه بلبس المدرسه فدوه شلون اتجنن بوست ابوهه وگعدت تاكل
غالب: هاج بويه هذا مصرفج
فاطمه: شكرا بابه
غالب: تدلل عزيزة ابوهه
تريگو وكملو ورادو يطلعون لدوامهم
غالب: بويه فطومه هاج المفاتيح اگعدي بالسياره انتضريني هسه اجي
أنت تقرأ
جذاذ الارواح (ما بين حب وحب)
Romanceارواح معلقه في اماكن غير اماكنها تنتظر متى يحين وقت حصادها لان قدرها قد كتب عليها حياة البؤس والظلام فهل ستجد المفر ام ان حياتها ستنقلب رأسا على عقب
