جذاذ الارواح (ما بين حب وحب)

بارت13

جذاذ الارواح(ما بين حب وحب)
لتنسون تسوون ڤوت وتعلقون بين فقره وفقره حتى تصعد الروايه وتابعوني حتى تعرفون اذا نزلت روايه جديده

اتمنى الكم قراءه ممتعه

الدنيا ظلمه
والبرد داس على ضلعي
الدنيا ظلمه
وروحي راحت لان خلوني وحدي

#نواره

.....................

طلعتلهم اقدم رجل وأأخر رجل خايفه ومتوتره اخر شي اخذت نفس وشجعت نفسي وطلعت سلمت عليهم

شمس: السلام عليكم... من بعدهه اتقربت وسلمت على عمي وعمتي وعمتي اسلتمتني بالسلام الحار مثل سلام نسوان قبل الي اذا حبنك او كرهنك سلامهن يصير نفسه بس تبقى اكو بسامير وتسميع حجي

لبين ما غسلو وصلو اني گعدت احضر بالغراض واطلع المواعين وخطيه غالب ويايه

شمس: غالب روح عيب من اهلك هسه شيگولون عايفنه وجاي يساعد مرته

غالب: بويه انتي ليش ما اتفهمين يا عيب هذا غير اخاف عليج وما اريد يصير عليج شي لو مو يحجون لو شيسوون هذا واجبي تره

شمس: اول مره احس باحساس احد يخاف عليه ومستعد يسوي اي شي حتى لا اتأذه يمكن حياتنه عاديه ويمكن ولا مره واحد بينه سمع الثاني كلمه حلوه بس اكتشفت الحب مو شرط بالكلام لا الحب فعل وخوف واهتمام الكلام سهل واي واحد يگدر يسحرنا بكلام معسول بس الافعال هيه الي تبين الشخص الي يحب صدگ

غالب: ها وين صفنتي

شمس: ماكو شي بس تدري اني محظوظه بيك

غالب:شلون

شمس: ما ادري بس حبك النه وطريقة تعبيرك عنه تختلف انته مو من النوع الي تتغزل ولا تگول كلام حب هواي بس طريقتك وتعاملك تبين حبك

غالب: هاي شخصيتي شمس والا اتمنى اسمعج احله كلام الحب والغزل بس من صغري تعلمت بان الرجال الصدگ يبين محبته بافعاله وبمواقفه لان هنا تعرف منو الي يحبك صدگ وما يگدر بفراگك وبين الي يبيعك ويشتري بعدك وباول موقف يبيعك.... وهسه كافي لهيتيني خل افرش السفره واودي الغده تره كتلهم الجوع

كمل نگل واني جنت اناوشه وكأكثر الامهات اذا شافت ابنهه يساعد مرته وجهه ينگلب وتزعل گعدنه على السفره وتغدينه وره ما كملنه راد غالب يگوم ينگل وياي وامه كضته

نعمه(الام): اگعد يمه اگعد خل مرتك هيه تنگل خطيه انته تعيبان مو كافي ساعدتهه ونگلت الغده

رأسن انسحبت واني اسمعه يرد عليهه

غالب: لا يمه هيه هم خطيه تعبت وادور حامل

نعمه: اي يا ريت لو حامل بوليد يفرح گلبي غدي بيهه بنيه

سمعت عمي وغالب يحجون وهمه ما راضين عن حجيهه... توقعت راح تحجي وتعلق وتوقعت راح تنتهز اي فرصه حتى تبسمرني ما ادري ليش تكره البنات حاولت ابتسم وما ابين نفسي ضايجه... دخل وبيده المواعين