الايام مرت وبدت تجهيزات العرس..
اساسا كانو راجين الممتحنين يمتحنو..
بدو في اشترى الشيلة والحاجات للعروسة..
وليالي وايناس بدو في دق الريحة والهبيز وهكذا..
يوم دق الريحة ماجدة كانت معاهم..
بعد رقصو وغنو وهججو..
المسا بعد الناس مشو ماجدة مشت سلمت علي العروسة لأنها كانت بيت ناس ايناس..
ماجدة:يلا ي بتي..الله يدي العافية ويتمم علي خير
وعد:يديك العافية ي خالتو..اقعدي ونسي
ماجدة:ويين..من الصباح قاعدة علي حيلي دار الحق السرير بس..معمر زاتو راجيني من جبيل في العربية
وعد:يديك العافية ي خالتو تعبناك الليلة
ماجدة:ماف اي تعب..اصلك زي بتي واحد
وعد ابتسمت ليها:يديك العافية ي خالتو..إيڤا تعالي وصلي خالتو
ماجدة:ليه ي بتي خليها مرتاحة..بمش براي
وعد:م مشكلة توصلك ي خالتو..إيڤا
إيڤا جوا لزت سلافة:سلافة امشي قدميها انتي عك الله
سلافة:مام عندي مسلسل انا
عهد:انتو بتتعازمو والمرة راجاكم؟!
وجرت توبها وطلعت..
وعد جاتهم:إيڤا بتبالغي احرجتيني مع خالتو ماجدة
إيڤا:عايني هوي انا قلتا ل سلافة تقوم ابت
وعد:وليه سلافة تقوم انتي محننة؟!
إيڤا:م محننة لكين..
وعد:لكين شنو؟!
سلافة:لكين م عايزة تلاقي معمر المرة الفاتت لمن جو قعدت في المطبخ وابت تطلع تديهم موية
إيڤا بلعت ريقها:م عشان كد ي غبية
سلافة:عشان كد والله..خايفة منو قايلاهو ح ياكلك يعني؟!
إيڤا:سلافة م تتكلمي معاي
وشالت تلفونها وطلعت..
وعد:غريبة البت دي
سلافة وهي بتعاين في المسلسل:بتخاف من معمر د والله
وعد ضحكت وم ركزت معاها..
تحت في الشارع..
عاين للبت الجاية مع خالتو..
لقاها عهد..
سلم عليها وساق خالتو ومشا..
الواحدة صباحاً..
عاينت للتلفون بزهج..
دي المرة المية دِكس يخش ليها مكالمة..
عاصم بتلفون:في شنو تاني دخل؟!
إيڤا:يب
عاصم:ردي طيب
إيڤا:معايزة ي عاصم..متأكدة ح يقعد يجوط ويكورك
عاصم:يجوط ليه؟!
إيڤا:عشان بقيت معاهو م زي زمان..بقيت بعيدة منو
عاصم:اي وريتيني
إيڤا:فبس دايرة افصلا منو شوية شوية
عاصم:بقيتي م بتحبيهو؟!
إيڤا:بحبو لكين..مقادرة اكمل والله ي عاصم
سكت مساافة..
إيڤا:الووو
عاصم:اي معاك..خايف ي إيڤا يجي يوم وتفصليني زي دِكس كد
إيڤا:عاصم انت صحبي..بعدين انت فاهمني وم قاعد تتحكم فيني زي ما بعمل دِكس
عاصم:هو بتحكم فيك عشان بحبك
إيڤا:دِكس عمرو م حباني
عاصم:طيب ي إيڤا هسي قلبك كيف؟!
إيڤا:قلبي كد كد تعبان..معاهو تعبان وبلاهو تعبان
عاصم اتنهد..
إيڤا:بس انت ح تكون جنبي لمن اتجاوزو صح؟!
عاصم سكت..
إيڤا:عاصم نحنا بستات صح؟!
عاصم:يعني..ازيد من البستات شوية
ضحكت:طيب
تمت مكالمتها معاهو...
رقدت تفكر كد...
فتحت التلفون وكتبت استوري..
"كُن لي صديقاً فليس للعاشقين بقاء♥️✨"
اتعمدت تخت القلب الكبدي د واللمعة عشان عاصم دايما بستعملهم..
انتظرتو يشوف الاستوري..
شافو..
م ردا ليها..
اتنهدت..
احتمال يكون زعل..
احتمال يكون بحبها..
غمضت عيونها:ي رب م يكون بحبني ي رب
فتحتهم..
لاحظت لي الدايرة جنب كلمة استيتز..
فتحت..
لقتو خاتي صورة ليهم سوا..
صورتهم بتاعة اول يوم اتلاقو ومركبين الايربوذز سوا..
وكاتب نفس كلامها..
ابتسمت ورسلت ليهو
"♥️♥️♥️♥️♥️♥️♥️♥️♥️♥️♥️♥️♥️♥️"
وعادت الرسالة قريب اربعة مرات..
رسل ليها
"ي بت براحة تلفوني ح ينفجر😂♥️"
رسلت ليهو
"soory my best😁♥️"
اخد دقيقة ورسل ليها اسكرين لدردشتهم..
وهو مؤشر ليها علي الاسم..
لقتو مسجلها
" زبادي بست🌚♥️"
رسلت ليهو
"لاڤيوووو😪♥️"
ضحك وردا ليها..
م دردشتو كتير ومشو نامو..
