بدا اسبوع العرس..
وعد خلاص بدت عروكات وحكحيك..
بدت مواضيع العرس السمحة ديك..
الهجيج والربة..
إيڤا بتحاول تكون طبيعية ومع مساعدة معمر شبه قدرت تسيطر علي الموضوع..
ودِكس مختفي وقاطع الحركة..
مساء الاتنين..
حنة خالد الاولى..
حنة سُنة وبدون حفلة..
بس طبعا لازم العروس يمشو..
مشو إيڤا وامها وابوها وسلافة وامها وابوها..
عهد قاعدة مع وعد..
إيڤا لبست ليها هاي وسط ارضيتو سودة مورد بالبنفسج والكبدي ومعاهو بلوزة اسود سادة كمها لحدي الكوع..
وشبط زحاف اسود سيرو بتتربط لحدي بعد عضمة الشيطان..
واصلا الاسكيرتي لي نص الساق..
شعرها رفعو ضنب حصان وطلعت البيبي هير..
مع روج بنفسج و آيشدو بنفس اللون كان شكلها درعة..
وطبعا المنكير الاسود اليدين والكرعين والختم الفضية الكتيرة ديك حاجة ثابتة..
لمن وصلو ودخلو..
معمر اول حاجة عيونو وقعت عليها..
مرر نظرو فيها من راسها لي كرعينها..
سلمو علي ماجدة وابو خالد وباسل جاهم طاير..
سلم عليهم و وقف جنب إيڤا..
سألها:انتي اصلا زابطة كد ولا اتزبطي لي عرس اختك؟!
ضحكت:انت رايك شنو؟!
باسل:حيناا هو انا عندي راي قدامك؟؟
إيڤا ضحكت زيادة:حمدلله علي السلامة..بعد د بقيت زول جامعي
باسل:كل مرة بتذكريني اني ممتحن نظام انا اكبر منك صح؟!
إيڤا:ما شاء الله طلعتا بتفهم والله
باسل:جبهتي طارت السما
ضحكت:العفو ياخ م تفهمني صح
باسل ضحك:فهمتك والله
ضحكت ومشت من جنبو..
لقت امها وديل سلمو علي خالد..
مشت عشان تسلم عليهو..
وكان جنبو معمر..
إيڤا:الف مبروك ي عريس
خالد:ي زولة م مقبولة الا تزغرتي
إيڤا:مبعرف مبعرف
خالد:ي زووولة؟!
إيڤا:وحااتك
خالد ضحك:خلاص عفيتك ي إيڤو
ضحكت:حمدلله طيب..نقول مبروووك؟!
خالد:الله يبارك فيك ي رب وعقبال عندك كد
إيڤا:اميين امين
خالد ضحك..
إيڤا:معمر كيفك؟!
معمر:كويس والله وانتي؟!
إيڤا:حمدلله كويسة
ومشت..
قعدت جنب امها وخالتو ايناس وسلافة..
شوية وبدو يختو لي خالد الحنة..
والمسجل شغال طبعا..
لفت نظرها معمر الجا طالع من جوة وهو بقفل التلفون بختو في جيب العلي الله..
بقت تعاين ليهو..
قعد جنب خالد وهو مبتسم لدرجة صف سنونو الفوق ظاهر..
خالد قال ليهو حاجة في اضانو وضحكو الاتنين..
معمر لمن عيونو غمضو بالضحك..
ي ربي قال ليهو شنو؟!..
طقق عاين ليها..
رمشت بسرعة وزحت عيونها منو..
معمر عاين ليها مساافة وتاني زحا عيونو..
باسل طبعا يهجج م قعد الا للحنة بعد حننو لي معمر يد..
ماجدة بعد حننت الشباب..
وقفت علي حيلها وبدت ترقص..
حريم اهلهم زغرتو وجو رقصو معاها..
ايناس وليالي قامو يجاملوها..
بقو قاعدين إيڤا وسلافة..
حست بي زول بقعد جنبها..
عاينت لقتو باسل..
باسل:منفسك تقومي ترقصي عشان تحرديهم الرقيص؟!
ضحكت:لا لأني مبعرف ارقص
باسل:م ضروري تعرفي..لو قمتي هزيتي كد بس بحردو ليك الرقيص
إيڤا:وليه يحردو؟!
باسل انفعل:عشان بتعقديهم ي بت امي
ضحكت:م بتعقدو..انت قايلهم باسل؟!
ضحك علي خساستها:باسل عقدتيهو والله اكضب عليك؟!
إيڤا:عقدتك ولا عجبتك؟!
باسل:النصيحة لله..عجبتني وعقدتيني وكسرتني وكلو
إيڤا:حقك ي بيبي
باسل:اموووت انا في الثقة..والعجب كلمة بيبي شلت افكاري عديل
ضحكت..
باسل:بس مشكلتي اصغر منك عشان كد فرصتي ضاعت
إيڤا:اكبر ولا اصغر..الفرص دي بتكون ضعيفة شديد
باسل:حقها عاد..دي اصعب من فرص اللوتري
ضحكت بغنج..
باسل:م قايمة ترقصي عليك الله؟!
إيڤا:ي ود والله مبعرف
باسل:سمح النقوم نهجج يختي
ضحكت وهي بتعاين ليهو بقوم يرقص..
فتشت معمر بي عيونها م لقتو..
هسي كان قاعد جنب خالد..
يمكن مشا يطلع الحنة..
حست بي زول بقعد في الكرسي الجنبها..
اتلفتت وهي بتقول:والله م ح اقوم ارقص
لقتو معمر..
اتوترت:احم..سوري كنتا قايلام باسل..هسي كان هناك وووو
معمر:م حنك
ابتسمت واتلفتت قدامها..
م كانت قادرة تخفي فرحتها انو جا قعد جنبها..
معمر:شنو من جبيل م قمتي م كرسيك د..مش اتفقنا نكون طبيعين؟!
إيڤا:انا طبيعية لكين اصلا م لي في الرقيص وكد
معمر:غريبة معنو شخصيتك م بتوحي بي كد
عاينت ليهو:م بتوحي بي شنو؟!
معمر:بي انك م بتحبي الرقيص
إيڤا:م بحبو وم بعرف زاتو..اساسا ليه اتعب نفسي بي حركات مع الموسيقى؟!
ضحك:عشان تعبري عن فرحك حتي مرات بكون مفيد للطاقة السلبية
إيڤا:تؤ تؤ..مبقدر طاقتي دي اخير لي استفيد منها في حاجة تاني
معمر:فهم برضو
إيڤا:مش؟!
رجع ضهرو في الكرسي:اي
عاينت ليهو واتلفتت قدامها..
بترمش وابتسامتها م قادرة تدسها..
متوترة لأنو اول مرة يقعد جنبها وفي نفس الوقت مبسوطة..
وقف علي حيلو..
عاينت ليهو بسرعة..
ماشي وين د؟!
معمر:م تقولي ناسي الموضوع لكين
اشر ليها بي عيونو نظام سلافة..
عاينت لسلافة الشغالة بتلفونها نظرة خاطفة ورجعت تعاين ليهو..
حركت ليهو راسها نظام طيب..
معمر:انتو زاتكم ما تقومو تهججو شوية
إيڤا:زي م وريتك م بحب ارقص
معمر ضحك:تمام
إيڤا:تمام..إنچوي
معمر:اوك
ومشا..
رمشت مرتين وهي بتشيل نفسها وبتختو..
سلافة رفعت راسها:اها شعورك شنو بلاب بعد الغول جا قعد جنبك وقام؟!
إيڤا ضحكت:سلافة م بخاف منو انا والله
سلافة:ي شييييخة عايني وشك جاب مية لون كيف
إيڤا ابتسمت وم ردت ليها..
شوية كد وقامو طالعين..
