نسيان و لكن

٦

مساء الخميس..
بكرة العرس.. وبيت اهل العريس واهل العروس ملياان..

نمسك بين اهل العريس..
بكرة عزومتهم فطور  واهلهم من الليلة قاعدين..
رشا وماجدة ومجيدة شغالين يشلو د ويختو دا وبتاع..
ومعمر وخالد برضو بيجيبو في الحاجات و واقفين مع الطباخ..

باسل ومجبتى ياهم داخلين ومارقين معندهم موضوع..

بيت اهل العروس..
ناسهم خُفاف شوية لأنو عزومتهم في الصالة بس..
لكين برضو إيڤا وسلافة داخلين ومارقين وبضيفو في الضيوف..
وليالي وايناس نفس الشي..
عهد طبعا مشت مع العروسة..

الثانية فجراً..
راقد في بيت الجيران ورا خالد النايم..
فاتح تلفون وبهبش في الواتس..
إيڤا م داخلة من جبيل..
الليلة من الصباح م اتكلم معاها..
آخر شي امبارح لمن شبه اتشاكلو..
اتنهد..
وختا استوري الفيد الرسلو ليها اليوم داك بتاع غنية بيلي..
وتحت كتب..
...
بس..

وقفل التلفون ونام..

في بيت العرس..
باسل ومجبتى قاعدين في الجنينة في كراسي حديد كد عشان ماف حتة يرقدو فيها..
رفا جاتهم:ح تنومو هنا انتو؟!
باسل سكت منتظر مجتبى يرد ليها لقاهو نام..
ردا ليها:اي..اساسا كلها كم ساعة بس
رفا:يدك بقت كيف؟!
باسل:هي كانت مالا؟!
رفا:بطل استهبالك د
ضحك:م استهبال والله لكين م حسست بيها تاني اصلا
حركت راسها:طيب
باسل:اتعشيتي انتي ولا اقوم ازبط ليك بيض؟!
ضحكت:لا شكرا اتعشيت
باسل:طب كويس
رفا:يلا تصبح علي خير
باسل:وانتي من اهل الخير
وعاين ليها لحدي ما مشت..

بي جهة اهل العروس..
بيت ناس سلافة..
راقدة ورا سلافة..
فتحت الواتس لقتو آخر ظهور ليهو قبل دقايق..
وخاتي الفيد داك..
اتنهدت وهي بتحضر فيهو..
معمر د ح يجننها..
يوم تحس بيهو  دايراها واي شي ويوم تحس بيهو بكرها وشايفها رخيصة وقليلة ادب..
ختتو هي زاتا وتحت كتبت..

Hello welcome home💔

قفلت التلفون ورقدت..
حرفيا هو بمزقها من الجلد حتي العظم..
رغم دِكس ومشكلتها معاهو..
ورغم عاصم وتعودها عليهو داك..
جا معمر جاط الحكاية وخلاها مركزة معاهو..
يفرحها يوم يهتما ويقول ليها كلمة حلوة ويزعلها اليوم البعدو لمن يعاملها زي الغريبة..

صباح اليوم التالي..
الليلة العرس..

اتكل في المصطبة بتاعة المطبخ مسافة خالد يكب ليهو الشاي..
وفتح تلفونو..
خشا الواتس..
شاف اخر ظهور ليها كان الفجر..
شاف الاستوري بتاعها..
رمش مرتين وهو بحضر فيهو..
تاني ابتسم..
عمل ريبلي ع الاستوري وكتب ليها..
"welcome too😁❤‍🩹"
"اهلا بيك كمان"
رسلها وقفل  التلفون وعاين لي خالد البمد ليهو الكباية وبقول:احلا كباية شايبلبن لاحلا عريس
رفع ليهو حاجبو:عريس؟!
خالد:ما شايفاك ابيت تكب لي الشاي قلتا المان بكون عريس ولا حاجة
ضحك:بطل مطاعناتك دي..انا من امبارم لافي معاك فلو كبيت لي الشاي ما فوكا حاجة
خالد ضحك:سمح