بعد مرور عدة شهور..
بحري..
السادسة مساءً..
قفل ابواب الدكان واتلفت علي الواقفة وراهو..
مدت ليهو الكيس الكان ممسكها ليهو..
مشا معاها:معليش اخرتك
عاينت ليهو:لا لا ماف تأخير..احسن ارجاك من امشي براي
ابتسم:طيب
سكتوو..
خطرت علي بالو البت الهي حكت ليهو عنها قبل كم شهر..
وقتها حسا بي حاجة تجاه البت ديك ولي هسي من فترة لي فترة بتجي في بالو..
سألها:اا..ملاذ؟!
ردت بسرعة:قلبها
عاين ليها بخلعة..
عاينت ليهو بتوتر..
بلع ريقو ونزل راسو..
بعد قالت ليهو قلبها م ظريفة يسألها عن بت تانية..
قال:الجامعة كيف بالله؟!
ملاذ بتعب:حمدلله..مدروشين بس عشان نهاية سمستر
يوسف:فضل ليك كم سنة؟!
ملاذ:سنتين بعد اخلص السمستر د
يوسف:قربتي..استمتعي بي ايام الجامعة دي احلا فترة
عاينت ليهو:اعتبرها نصيحة من متخرج؟!
ضحك:بالضبط كد
سكتو مساااقة..
وصلت بيتهم..
قالت ليهو:طيب يلا لي بكرة يا جينا علي خالتو يا جات علينا
ابتسم ليها:تمام يلا
عاين ليها وهي بتمشي علي الباب..
وصلت بابهم واتلفتت لوحت ليهو نظام بباي..
ابتسم وتابع خطواتو دخل البيت البعدو..
امدرمان..
وقف العربية قدام بابهم وهو بقول:م نفسك تجي معاي تشوفي حبيبتي الجديدة؟!
ضحكت:حبيبتك الغيرتها في الكم شهر الفاتو مليون مرة
ضحك:مقادر استقر مع وحدة ياخ اعمل شنو
ضحكت:ولا شي..نفسي لكين م بنفع براك عارف يداي الحق اتجهز للطلعة
عاصم:للطلعة ولا لي شوفة معمر؟!
إيڤا:الاتنين سوا
ضحك:ارقدي
ضحكت وهي بتفتح في الباب وبتنزل:يلا سي يووو
عاصم:يلا
راقبها لمن وصلت البوابة وفتحتها ودخلت..
اتنهد..حتي م اتلفتت سلمت عليهو..
دخلت بسرعة وبدت تجهز نفسها لي طلعة العشا العاملينها في مطعم سمك عشان وعد..
بي جهة تانية..
جرا البوابة قفلها بعد خالتو طلعت ومشا وراها ركب العربية وقفل الباب..
سألها:باسل قال شنو؟!
ماجدة وهي بتصلح في توبها:قال شوية وح يصل..و خالد ومرتو وصلو
معمر:احم..واهل وعد؟!
عاينت ليهو:معارفاهم لكين بكونو متحركين خلاص
وبس مسافة الطريق وصل..
وقف عربيتو ونزل وهو وخالتو..
شافو وعد وخالد مجهزين خيمة وااسعة كد وفيها قعدة خليجية..
مشو عليهم وسلمو وكد..
شوية وباسل وصلهم..
طبعا جووط الدنيا وبقو مركزين معاهو..
عدا معمر..
البالو وقلبو مع الجاية ديك..
ليهو فترة م شافها..
تقريبا من يوم سفر امو واخوانو..
تاني يا هم جو لي ناس وعد وهو بقا مافيش..
يا بقا قاعد لكين هي م جات عشان جامعتها..
لكين قاعد يدق ليها كتييير..
م بعدي يوم من غير ما يسمع صوتها ويدردش معاها ويعرف تفاصليها..
جامعتها الكانت خايفة منها في البداية..
وصحبتها نور الاتغيرت عليها بعد نزلو الجامعة..
سمسترها الاول كلو كانت حاسة بالغرابة والوحدة..
عااصمم..
بستها المن تجيب سيرتو الجن بتنطط قدامو..
لكين برضو م بنكر انو وقف معاها وخفف ليها وحدتها..
خصوصا انو هو م قادر يمشي ليها جامعتها نظراً لأنو د اخر سمستر ليهو ومضغوط فيهو الفف..
حياتو وقلبو وبالو وتفكيرو بقو إيڤا..
بس إيڤا..
قلبو رفّ لمن شافها بتدخل مع عهد وسلافة..
وابوها وامها قدامها..
ابوها سلم علي ماجدة و وعد سريع سريع وجا عليهم..
سلم علي خالد..
معمر سلم عليهو وعينو في باسل المشا يكابس إيڤا والمعاها..
