صباح اليوم التالي..
في الكوافير..
قعدت وهي بتقلع في طرحتها..
خاتة التلفون في اضانها..
ابتسمت لمن سألها:وصلتي الكوافير؟!
إيڤا:اممم..ح اقفل بعد د
ابتسم:ح اشتاق
ابتسمت:وانا كمان
معمر:بحبك طيب
ضحكت:طيب يلا
ضحك:يلا
قفلت وهي بتتنهد بي راحة..
جاتها وعد:هااا ي عروسة..لسه؟!
إيڤا:خلصتا..بس تلفوني ح يطفى اشحني لي
وعد:دايرة بيه شنو..بعد د م ح تكوني فاضية ليه
ضحكت:برضو يخ
وعد شالتو كد..
دقا..
إيڤا:د معمر؟!
وعد عاينت لي التلفون مسافة بعدها عاينت ليها:د عاصم
إيڤا وقفت على حيلها:عاصم؟!
وعد مدت ليها التلفون:إيڤااا
إيڤا:عارفة ي وعد..والله ماف شي
وعد:ان شاء الله
وطلعت..
إيڤا بتعاين لي تلفونها الفصل وبدا يدق تاني..
هاصم مختفى ليهو اكتر من شهر وهسي يجي يدق ليها؟!..
ردت:عاااصممم وين انت يخ؟!
م ردا ليها..
إيڤا:عاصم؟!
عاصم:إيڤا ممكن اطلب منك طلب؟!
إيڤا:اها
عاصم:ممكن تنزلي لي تحت؟!..عايز اشوفك للمرة الاخيرة
إيڤا:انت تحت؟!
عاصم:ايوة..عليك الله ي إيڤا ولآخر مرة
شالت نفسها وختتو:طيب ي عاصم
قفلت الخط..
ختت تلفونها..
عاينت برا مساافة..
وعد لو شافتها طالعة م ح تحلها..
قلعت شبشبها قدام باب الحمام..
ولبست الشبشب الجوة الحمام..
جرت باب الحمام قفلتو ورمت تلفونها والنقاب والجونتات في السرير..
نظام حاجاتها قاعدين وهي دخلت الحمام..
فتحت الباب وطلعت للصالة براااحة..
لقت وعد ماف فيها..
لفت طرحتها حولين وشها وطلعت..
نزلت بي سرعة..
لقتو واقف تحت الكوافير..
اول ما شافها جا عليها وهو مبتسم رغم عيونو المحمرين كأنو باكي..
ابتسمت ولزتو بي هظار:زباديوو بعرس وانت بعيد منو؟!
رجع لورا ونزل راسو مساااافة..
عقدت حواجبها من حركتو دي..
اكتافو بدت تهز كأنو ببكي..
همست ليهو:عاصم؟!
م ردا ليها..
مسح وشو ورفع راسو..
جولت نظرها في وشو وهي بتسألو:بتبكي ليه ي عاصم؟!
عاصم:لأني بحبك ي إيڤا
رمشت مرتين بخلعة..
عاصم:بحبك انتي وبس..كل البنات العرفتهم في حياتي بي جهة وانتي بي جهة
جا عليها خطوة:انتي غير عنهم
رجعت خطوتين منو..
عاصم:إيڤا عليك الله م تعملي كد..إيڤا انا كنت منتظر الوقت المناسب عشان اعترف ليك
قالت ليهو بي صوت مُرتجف:د م الوقت المناسب ي عاصم..م الوقت المناسب
نزل راسو..
رفعت يدينها البرجفو وقالت ليهو:انا خلاص اتحننتا لي راجل تاني..وحجزتا في الكوافير واي شي..عاصم الليلة عرسي انت واعي؟!
جرتو من لياقتو:جاي يوم عرسي تعترف لي بي حبك؟!..وانت عارف انا بريدك قدر شنو؟!..جاي تخرب فرحتي ي بستي؟!
هو م برد وبس منزل راسو وببكي..
دموعها جرو علي حالتو دي..
وشو محمر وشعرو مكنش ونازل في جبينو..
عاصم:إيڤا انا م عايز اخرب فرحتك..انا بس جاي اوعك
جا عليها:جاي احضنك للمرة الاخيرة
رجعت لورا ولزتو:تحضني كيف وانا بقيت مرت راجل تاني
مسك يدينها..
جرتهم منو:تحضني كيف وانت م صحبي؟!..انت واحد بتحبني زيك زي الباقين
عاصم:إيڤا لا..م تبعديني عنك..خليني احضنك..إيڤا انا م ح اعيش بعدك
لزتو لمن اتصلق في العربية..
بقت خاتة يدينها الاتنين في صدرو مُثباتهو مع العربية..
كوركت:عاصم انت م المفروض تحبني..عاصم انت بستي انت زبادي بست
نزلت راسها وهي بتبكي:م تحبني لا
عاصم منزل راسو وببكي:غصبا عني ي إيڤا والله غصبا عني
إيڤا بس بتبكي..
وهو ببكي..
رفعت راسها..
عاينت ليه في عيونو:انا بحب معمر..وح اعرسو..وانت م بتحبني..انت صحبي الوحيد الح يجي يحضر عرسي ويرقص معاي..لأنك اخوي الم جابتو امي
هي بتقول في كلامها د وهو بحرك ليها راسو نظام لا لا..
غمض عيونو وقال ليها:انا الود البحبك والعمرو م ح ينساك
جراها:انا الود الح تسمعي خبر موتو بعد عرسك..و وقتها اعرفي اني لسه بحبك
لزتو:عاصم انت جنيت؟!..تموت كيف يعني؟!
عاصم قعد في الارض:ح اموت ي إيڤا ح اموت
قعدت قدامو ومسكت وشو بي يدينها:عاصم انا م بقدر من غيرك..عاصم انت صحبي البست..عاصم م تعمل في نفسك كد
هو بس ببكي وم برد ليها..
مسحت دموعها بهمجية وقالت ليه:عاصم عليك الله قوم
عاصم:إيڤا بس خليني احضنك..بس احضنك
جرت يدينها منو و وقفت علي حيلها:شكرا ليك ي بستي..لأنك حولتا لي يوم عرسي جحيم وخليتني ابكي فيه
عاصم بس ببكي..
إيڤا مشت خطوتين واتلفتت عاينت ليهو وتاني جرت..
