بعد مرور اسبوع..
قاعدة في جامعتها وبتشرب في عصير..
بتفكر فيهو..
وقدر شنو بقو قريبين لى بعض..
كيف بهتما بي تفاصليها رغم انو زهجان من الامتحانات..
رفعت تلفونها عشان تشوف الساعة كم وتعرف طلع من امتحانو ولا لأ..
اتنهدت وختت تلفونها..
الليلة آخر امتحان ليهو..
وبي زهجو الشايفاهو د اكيد ح يسافر..
تلفونها دقا..
رفعتو بسرعة وابتسمت لمن شافت انو د هو..
ردت وهي بتقول:نقول حمدلله ع السلامة؟!
ضحك:قوليها بعد تطلعى لي برة لأني واقف قدام جامعتك
وقفت علي حيلها بخلعة:معمر واااي
ضحك:مالك ي بت؟!
إيڤا:جادي انت؟!
ضحك:ايوة
إيڤا:واي بتشلا والله
ضحك زيادة..
إيڤا سكتت وهي حاسة قلبها وقف من الخلعة..
معمر:هوي اتشليتي ولا شنو؟!
إيڤا:لا ح اتشلا لكين
معمر:م تتشلي هسي طيب..بعد اصل اتشلي
ضحكت بتوتر:انت لسه م وصلتا؟!
معمر:لسه..ربع ساعة بالضبط بكون عندك وبدق ليك عشان تطلعي لي اوكيه؟!
إيڤا:اوكييه
معمر ابتسم:طيب يلا
إيڤا:يلا
قفلت الخط ومسحت جبينها بتوتر..
معمر جاي..
يعني ح تقعد معاهو براهم..
بلعت ريقها واتجهت علي الحمام..
برا جنب بوابة الجامعة..
قفل التلفون وهو مبتسم..
بعد طلع من امتحانو لقى نفسو بس عايز يشوفها..
لا عايز يطلع مع اصحابو ولا اي شي..
بس عايز يشوفها..
وطوالي اتجه علي جامعتها..
وصل ودقا ليها..
لكين لمن شافها اتخلعت قال يديها فرصة ربع ساعة..
جوة..
وقفت قدام المراية وهي بتعاين لي روحها..
لوت خشمها بتذمر..
الليلة من دون الايام لبستها اقلا من عادية..
بنطلون جينز باهت واسع حبة هاي وست..
مع بلوزة ليموني فاااتح..
شاكاها بي حزام جلد بني..
وشبشب قطع بني و وشو بالليموني..
شنطة ضهر بنية..
وشعرها عاملاهو ضفيرتين..
عاينت لي نفسها مسااافة..
غسلت وشها بي الموية بس..
وصلحت البيبي هير بتاعها..
جرت الايلاينر وعملت روج بني خفيف كد..
وقفت تعاين لي نفسها..
م لابسة طرحة..
والبلوزة كمها نُص..
والبنطلون م طويل شديد..
الليلة معمر بدقها..
تلفونها دقا..
طلعتو من جيب البنطلون بتوتر وردت:الوو
معمر:اها انا برا
بلعت ريقها:طيب جاية
معمر:راجيك
إيڤا:ااا..معمر انا لبستي مااا
معمر:مالا؟!
إيڤا:احتمال تقول انها قصيرة ولا كد
ابتسم:م مشكلة..راجيك يلا
ابتسمت وقفلت الخط..
دخلت تلفونها في جيب بنطلونها طلعت علي برا وهي بتصلح في شعراتها..
بعد وصلت البوابة..
بدت تفرك يدينها بتوتر..
هو كان فاتح باب السواق و واقف جنبو..
من شافها ابتسم..
مرر عيونو فيها من راسها لي رجلينها..
بالجد لبستها شاذة..
لكين م ح يسألها..
لأنها خايفة منو..
وقفت قدامو وهي مدققة عيونها من الشمس..
مدا ليها يدو:وين يااا
صافحتو وهي بتضحك..
معمر:الحاصل شنو؟!
إيڤا:حمدلله..وانت؟!
معمر:مبسوووط
جراها من يدها:اركبي
لفت ركبت وهو ركب وراها..
عاين ليها:ماف حمدلله على السلامة؟!
ابتسمت:حمدلله ع السلامة
ابتسم:تسلمي لي
اتنحنحت بتوتر واتلفتت علي الشباك..
ابتسم وهو بسوق..
إيڤا حست بيهو بعاين ليها..
جرت كم البلوزة عشان تنزلو..
معمر عضا شفتو التحت وهو مبتسم..
