صباح اليوم التالي..
أمدرمان..
ختت تلفونها في الشاحن وفتحتو..
غمضتت عيونها وفتحتهم بتعب وهي منتظراهو يفتح..
اخد ثواني طويلة حتى فتح وبدت تنزل رسايل الواتس لأنها م كانت قافلة الشبكة..
نزلت الستارة وركزت عيونها على إشعار محدد..
والي هو مُكالمات عاصم..
والsms بتاعتو الكاتب فيها..
"كنتا مُفتكر اننا اصحاب وم ح يجي يوم وتخليني بالطريقة دي😴💔"
اتنهدت بألم..
حقيقي هي مقصرة معاهو..
من بداية موضوعها مع دِكس بقت م بترد ليهو وحرفيا بعدت عنو..
مررت نظرها في باقي الإشعارات بتفتش في اسم معمر م لقتو..
قفلت التلفون وختتو واتجهت لي الحمام وهي مقررة ترجع لي عاصم اول ما تمسك التلفون..
في جانب آخر..
واقفة قدام مرايتها وبتمشط في شعرها..
ابتمست لمن اتذكرت الحصل امبارح بليل..
لمن رجعو من الصالة..
بعد غيرت وكد نزلت المطبخ..
طلعت ليها موزتين وكبت كباية عصير..
قعدت بدت تاكل وهي بتفكر فيهو..
كان حلو شديد بي بدلتو الليلة..
ومنظرو لمن كان ببارك لي اخوهو شايل قلبها بي كلو..
وكمان بعد ودعو اخوهو لمن مسك امو..
شالت نفسها وختتو..
حست بي حركة في الصالة برا..
بعد شوية سمعت صوتو بدندن بي غنية هدى عربي:السيرة والعديل..انا جيد ليا..لي ولدي الكبير
ابتسمت ونزلت راسها..
جا داخل المطبخ وهو بقول:يا راااحة الضمير..انا جيد ليا والعقبة لي الصغير يا يمة جيد لي
رفع حواجبو لمن شافها قاعدة ورافعة كرعينها..
ابتسمت ليهو:صوتك كنز
ضحك:الغنية دي معلقة معاي من جبيل
قعد في الكرسي القدامها وجرا منها الموزة:المصحيك لي هسي شنو؟!
رفعت اكتافها:يعني..حسيت نفسي دار اكل شوية
ضحك:المشكلة اكل السوسة والعافية المدسوسة
ضحكت
سألها:اعمل ليك بيض؟!
ضحكت:لا لا عليك الله كفاية المرة الفاتت حرقتا يدك
ضحك:كله يهون في سبيل الوطن
ابتسمت ليهو:وطن عديل؟!
جرا ليها يدها الماسكة بيها الكباية وبقا يعد في اصابعها:وطن وملجأ و وجهة واتجاه
رمشت مرتين وهي بتعاين في عيونو:د كلو؟!
ابتسم ليها:واكتر
سألتو:لي متين؟!
باسل:لحدي ما اموت
همست ليهو:بعيد الشر
ابتسم ليها:رفا
قلبها دقا:قلبها
قرب وشو حتة:love you اتنهدت مبتسمة وم ردت ليهو..
جرا يدها حتة:قوليها
رمشت مرتين وهي بتحرك عيونها بين عيونو..
جرت يدها منو براحة و وقفت علي حيلها..
فكاها براحة وهو مثبت عيونو فيها..
مشت خلتو..
اول ما طلعت من المطبخ ختت يدها في قلبها وغمضتت عيونها مُبتسمة..
رجعت لواقعها بي صوت الخدامة بتناديها عشان تنزل تفطر..
تمت تسريحها سرعة سرعة ونزلت..
بعد مرور عدة ساعات..
فتحت عيونها ورمشت مسافة حتى استوعبت هي وين..
عاينت للسرير جنبها لقتو ماف..
قعدت علي حيلها وهي بتصلح كم بجامتها..
عاينت للحمام ونادتو:خالد؟!
م ردا..
بعد مسافة جا داخل وهو شايل صينية بيضاوية صغيرة فيها صحن وكبايتين عصير برتقال وكباية موية..
عاينت ليهو وهو بختها في السرير قدامها:كان نفسي اجيبها ليك بي التربيزة البتقعد فوق السرير ديك بس م لميت فيها
ضحكت..
عاين ليها:حتي الاكل مقدرتا ازبطو زي ناس التلفزيون
ضحكت وهي بتعاين للسندوتشات الجاهزة القاعدة ف الصحن..
خالد:بيبي
عاينت ليهو..
مدا يدو مسك راسها من ورا باسو مسااافة وقال:صباح الخير ي عروسة
ابتسمت ونزلت راسها..
خالد:لسه مركبة لي مكنة امبارح دي؟!
ضحكت:خالد ياخ
خالد:طيب طيب..قومي اتسوكي عشان تجي تاكلي وبعداك نشوف الحاصل شنو
وغمز ليها
جرت يدها منو:اختاني بس
ضحك:ياخ اختاك؟؟..قومي قومي
وعد:طب ممكن تشيل الاكل وتطلع الصالة وانا بعد شوية بلحقك
خالد: نطلع الصالة ليه؟!..ما ناكل هنا
وعد:يعني احسن ناكل هناك بس
خالد:لا لا اصلا سندوتشات هي ماف داعي نطلع برا
وعد بخجل:طيب ممكن تطلع برا شوية وتجي؟!
عاين ليها مسافة حتي فهمها..
ضيق عيونو:ليه اطلع؟!
بعلت ريقها:يعني ممكن..تجيب موية؟!
خالد:هدي ليها الموية
عاينت لكباية الموية الفي الصينية وعاينت ليهو..
خالد رفع ليها حواجبو الاتنين سوا..
ضحكت وغطتت وشها بي يدينها..
خالد وهو بقوم يقيف:اختصر ليك تعبك د كلو انا
وهبب شالا..
صرخت براحة وهي بتضحك..
سمعو صوت الكبابي بتقع..
عاينو الاتنين لي الصينية الاتقلبت لأنو ضربتها بي طرف رجلها..
وعد عاينت ليهو وهي متشعلقة ف كتفو:اوووبس
خالد:رجلك جاتها حاجة؟!
حركت ليهو راسها نظام لا..
خالد:الباقي هيين طيب
ومشا بيها علي الحمام..
ختاها ف نص الحمام:اتسوكي مسافة اجيب عصير تاني
ضحكت:طيب
طلع وهي اتسوكت ولحقتوو..
