مسرة:
مشغولة بسالفة دعاء وعمو ..هي رافضة وابوها موافق اصلا ما اخذ رأيها من اول الكعدة كال لجدو محد يستاهلها كد مجيد واني اذا امن عليها عند احد راح يكون هو ...
طلعو بيت جدو وهاي تخبلت علينا خالو نخاف عليه مريض سحبناها من يمه متخبله ورافضة حتى لخالو صفنته دعاء حبابة وموقف مجيد وياها جان بالنسبةةالها حياة جديدة من رفضت ابوها حيل استغرب علاقتهم امام عائلتنا كلها مثالية لحد موقف قبل بليلة وهي اصلا متوقع يخطبها
امي حتى كتل كتلتها جرتها من ياختها وتكول الها مو ميتة على مجيد ابو النسوان شكو بعد وتكفخها ...امها بينها وبين خالو وحوراء مكيفة راح يصير عدنا عرس كل شويه دعاء تكوم عليها تريد تكتلها وذيج تنهزم وتوكف بالممر تغنيلها
والشارع نكطعه اليوم صوبين
وبعرس اختنا نكحل العين
وراها تدبج دبج عمارة ومن تلحكها دعاء تروح شويه غاد وترجع تهوس وتدبج غيرها خبلتنا وخبلت اختها وتبارك الها وهاي منهارة فرفحت روحها ....
تريد تروح لمجيد وامي كامشتها تكول الها اني احجي وياه اكعدي واسكتي راح تموتن ابوجن ذيج دتشتغل من وراهم وانت الجلبة يوم اريد يوم ما اريد ...
سكتتها وصدك بالليل دزت على عمو مجيد وعمو معد لبيتنا ودزتني اجيب دعاء ...
دخلتها من باب الصاله ما تدري ليش جبتها تدفع بايدي
-عوفيني مسرة شبيج دا اكواج ما الي خلك
-دتعالي يولي جذبت على بيبي ماما تريدج
-شنو ...التفتت للبيت ورجعت باوعت بوجهي سالتني مجيد هنا؟؟
-اي منتظرج
-شيريد
ماما دزت عليهم
مشت كدامي فاتت عليهم اول ما شافها عمو مجيد وكف لحيله اني لهنا وكالعادة انطردت من يمهم ما خلوني اسمع الكلام باعتباري صغيرة ...
خليت اذني عالباب اريد اسمع ما كدرت رحت بالمطبخ اتراسل ويه زياد نسولف هيج لا على التعيين صارت بينا طبع رغم مرات نتقاطع هو يكول غلط هالشي الديصير لان ما بينا ارتباط .. واني ابطل ومدة نلكي روحنا مره ثانية راجعين شكد فتح ويايه موضوع الزواج واني اتحجج خايفة من هالخطوة
...وره شويه طلع عمو معد ساحب امي من ايدها وهي ما تقبل تطلع
فرحه:ابو راشد بنت اخويه ما تضل وحدها وياه شنو تضحكون علينا
-دتعاي انت هسه هو باعتبار خطيبها هسه
-مو خطيبها وانت كلت يحجون وذا ما عاجبها كلمن يروح بدربه بعد شنو يختلي بيها
-قابل وين مختلي بيها شبيج فرح بينهم يحلوها احسن تعاي اني هم عندي حجاية وياج... جان يهمس مبتسم والله عمو وكعت من عيني يا حيف تتوسل بفرحه تالي عمرك وشيباتك
-وين انت الثاني ...دفعت ايده وانتبهوا واخيرا لوجودي مو رجل كرسي يمكم بالله
طبعا اني كاعده ومبتسمة وعمو معد تعدل وابتعد عنها جان شويه ويطببها بحضنه وهي كاشه بصف الحايط ...امي عاطت بيه
-مسرة شعندج هنا مو كلنا روحي يم جدتج
معد:على كيفج ويه البنية مو غلطها
أنت تقرأ
بقايا شغف
Genç Kız Edebiyatıقصة باللهجة العراقية قصتنا عن علاقات انجبتها الصدفة ...وكانت صدفة خير من الف ميعاد
