بقايا شغف

وعود

دعاء :
زعل وكام راح غاد عني واتصل براشد كال اله هسه تجيني معصب ..سد موبايله ويباوع بوجهي بغضب وطلعت الحلوة مره ثانية التفتت ناحيتها اباوعلها دا اشوفها زين وهو عاط بيها
-شطلعج مو كلت ولي جوه
جاوبته بمياعة
-يوووه يعني واحد ما يحتاج حمام منين الحمام
باوعت اله بقرف يعني دليها افندي هو متلعثم دلاها البيت وباوع الي ورجع التفت بعيد
وكفت اريد اروح شبعت من قرفه مشيت تجاه الباب لحكني كمش ايدي
-ما ترحين هسه

-حلني لعبت نفسي منك عوفني دفعت ايده بايدي الثانية بقرف ...روح الها كمل اللي بادي بي انت واحد وصخ فاقد حتى معنى الادمية كل همك هالسوالف وانت تعرف شنو معنى كلامي ليش تخليني اتجاوز عليك اكثر عوف ايدي لا توسخني انت واحد.....ما كدرت اكولها مهما يكون اخلاقي ما تنزل لمستوى يليق بوضعه هذا

-ادري بنفسي مو خوش بنظرج وكلتها الج انت الجبتيها لنفسج دعاء ما تخلصين مني لو تطيرين بسابع سما بعد كلت الج كفي عن دربي قبلها وانت ما سمعتي وانت تعرفيني زين شنو!!

بكلامنا دك الباب راشد اضطر يترك ايدي بس اصبعه رافعه بتهديد ما يقبل اتحرك واطلع فتح الباب وكمش راشد من ياخته جره للداخل
-تعال ك......
-شكو عمو خير ...جايبني هالليل بيك شي لو البنية الوياك شسويت بيها؟؟

انصدمت ابن اخوه يدري جايب زحدة ويتشاقون بالسالفة ما كان منتبه الي
التفت شافني سكت مستغرب يكوله شعدها دعاء هنا؟؟واني رجعت ابجي وادعي عليهم اثنينهم
مجيد:ولك شمسوي بحوراء طايح الحظ

تردد بالاجابة بس جاوبه بثقة
-شمسويلها؟؟ كلت الك قبل رايدها وهسه وبعدني اريدها
-اي تره بالقران كتلتك بايدي اذا الحجي صحيح
-عمي شبيك عوف ملابسي ..جر نفسه وعدل هدومه واندار الي بعصبية حاجاني
-ليش شكالت الج ؟؟
دعاء:الله لا يوفقك لا انت ولا هي
-شكو تدعين !!شكالت الكم الخبلة
مجيد:نايم وياها انت؟؟يباوع الي ويهمس لراشد مستحين شلة الصيع

راشد:طاح حظها اني اعلمها خل تصبر ...عمي انطيني وقت اقنع جدي حجيت وياها هالعرمه...تخبلت توصل بيها الجرأة لسمعتها ما تهتم!!
دعاء:يعني شنو هسه وانت خاطب... اختي تكول ....
راشد:سكتيها لاختج لا اطيح حظها وداعة الله خل تسد حلكها لما اشوف دربي
دعاء:يعني تجذب قصدك؟؟

باوع الي بطرف عينه ما جاوبني ومجيد سحبني
-تعالي خلص بينه وبينها بعد هو يكول اتزوجها شكو تلحين وخلي السالفة عليه اني احلها
دفعته وحجيت
دعاء:شنو على كد ايديكم الله لا يوقفك لا انت ولا هو شنو تسكتني .... وانت لك والله اذا كلامها صح وردت تاذيها لو تستغلها ما عدي مانع اكتلك واكتلها الها هم اللي تريد تنزل سمعتنا وتوطي راس بابا

مجيد:ابوجن منو واحنا منو دعاء شبيج انتن عرضنا
-صلوات على محمد زين وتدرون شنو عرض
صاح بيه سكتت خوفتني نبرة صوته