الهَروت

الهَروت_1

#الكاتبه_روان_الاسدي
#البارت_الاول

اراوغ حزنـي
ولوعــة بقائي بقربكــم
أما من احدٍ يحتويني بينكم
امي ...تؤرقنــي افكار الابتعاد
وأن اخرج من جحــري
وتجمعنـي احضانـه المُتّقده
اريد البقاء قربك
لترويــني من فيض دفئک
وتخرجيني من ظلمة ظنوني

_____________________________

الاطفال همّها الوحيد شنو تصير من تكبر، شلون تنجح وتبلغ وتتصرف وحدها دون مراقبه، اما انا ...
الطفله الوحيده اللي تحلم تعيش يم اهلها طول عمرها ، تحلم تكون معلمه مُحبه لتلاميذها ،بس تبقى احلام ، ينضاف لعمري رقم جديد يتزايد خوفي اضعاف عمري ،بعدني طفله بس تجمع الشيب بكذلتي من التفكير ...

خلصت مرحلة السادس الابتدائي واجت العطله وهنا لازم اجيب كتب حتى ادرس للمتوسطه ،بين ما احاول اتدارك الوضع اللي انا بي سمعت صوت صياح قوي

-حووووووريه ولج تعاي

-ها يمه شصار

-يالمصگوعه صارلي ساعه اصيح ، اليوم يزورنا صاحب ابوج مهندس خطار من غير محافظه

-اي هسه انظف واسوي اللي تردينه

-لا بنتي ،حضري روحج جاسم ابنهم جاي خطابه

ضليت ادگ على راسي صرت مثل المخبله نفشت شعري وكمت ابجي واناشغ رحت يم رجليها

-يمه اتوسل بيج خليني يمكم،يمه اخاف عفيه خليني بس هالسنه

-احنه كبرنه،ابوج كل يوم بي علّه وانا حيل تعبانه وفوگاها اخوج وراه زواج ومصاريف

-ماريد عفيه لاتجبروني

خزرتني وگامت تصيح بعلو صوتها

-كلمتي ماتصير اثنين حضري روحج لا ابوج يكسر ضلوعج

ركضت لغرفتي دفنت راسي بالمخده ابجي وافكر بمستقبلي وي هالناس لحد ماصدعت وغفيت

بعد ساعه...

عصام-كعدي يلا امي تريدج

حوريه-عوفني اريد انام

درت وجهي ردت انام سحبني من شعري وسحلني حيل للمطبخ

حوريه-لاا عوفنييي انا اگوووم

عصام-هاي كعدتها الج

ام عصام -حلّ بيج تستاهلين ،كومي بسرعه رتبي روحج ولبسي البدله

عصام-وين الله وياخذونج ونرتاح

اختنگت حيل وبقيت احاول وياها وبصوتي غصه ودموعي تجري كعدت يم رجليها وكمت اتوسل

حوريه-يمه

ام عصام-ولا كلمه

حوريه-اتوسل بيج بس هالسنه ابوس ايدج

وانا احجي وياها اجاني راجدي دفعني حيل وسحبني من شعري

شاكر-كوميي منااا لا اكفر بيج ادفنج بيدي الله شاهد