الهَروت

الهَروت_28

#الكاتبه_روان_الاسدي
#البارت_الثامن_وعشرون

يآ ريت وجهك مآ ضحك لمن صرت گدآمي ..
يآ حلم رآح ، تندمت خليتك ويه أحلآمي .

حنين...

رغم ما ارتاحيت للزلم اللي شفتهم ،بس النسوان اللي گاعدات ويانه بيهم قبول مو طبيعي ،فرشت بساط وجابت خضروات وهي تثرم وتسوي وتسولف ويانه ووجهه بشوش دائما .

بسمه-ولله خاله رغم هاي اول مره نجي بس كأنما انتو اهلي قبل سنين

-من فدوه رحت لخديداتج بعد روحي نحطج بعيوننا

حنين-بيبي انتو ليش كاعدين ببستان يعني هنا شوي اصوات الحيوانات والمزرعه مالتكم هم مفتوحه

باوعتلي دنگت وابتسمت

-هذا الخير كله من ذو الفقار،ابوكم هو اللي گعدنه هنا هو وصاحبه ولو ماهمه جا بقينه نبيع خضره ومالنه احد

بسمه-هو مو ابونا خاله ،هم شخص ساعدنا يعني احنه حالنا حالكم

ضحكت بصوت عالي وباوعت بنظره جانبيه

-يبووو، دهر صابني وانا عبالي رجلج ،هالحسن والطول كله وما حاط عينه عليج

بسمه-لا خاله انا قسمتي مو وياه

-الله يقسملج الخير يبنيتي ،وانا هم بنتي جانت ميته عليه يجيبها ويوديها للمدرسه لحد ماصارلها حادث وتعوّقت وهالگاعده بالبيت تشوفه وتتحسر وتبجي حتى تشبهج حيل ونفس الحلاوه بس هذا نصيبها

حنين-جا عادي واذا صار بيها هيج ،اذا هو يحبها فـ رح يبقى يحبها لو شماصار بيها

-مانگدر نحجي يبيبي الولد مامقصر ومايوم نمنا وبطوننا فارغه كله بعون رب العالمين ثم بعونه

بسمه-زين وينها بنيتج غير تجيبوها ويانه ونشوفها

حسيتها توترت وضاجت بس خاله بسمه جانت مصرّه تشوفها ماعرف ليش گامت المره وراحت فتحت باب غرفه گدامنا

-تعالو دخلو بعد گلبي شوفو بنيتي اسمها نمارق

البنيه گاعده گوه وايديها ورجليها متعوقات جنت حيل متعجبه من الصاير بيها درت وجهي على خاله بسمه واشوفها مصدومه

بسمه-نمارق هاي انتي

باوعتلها البنيه وهي تبتسم عالخفيف وعيونها مدمعه صار عندي فضول اعرف منين تعرفها خاله وشلون التقو

نمارق-اهلا وسهلاً ،نعم انا نمارق بس منو حضرتج

بسمه-حَسنه

باوعتلها بأستغراب منين جابت هالاسم جانت خاله متفاجئه وهم مثل الفرحانه

-طلعن الحلوات يعرفن بعضهن وانا عبالي ماكو وصل بيننا