الهَروت

الهَروت_12

#الكاتبه_روان_الاسدي
#البارت_الثاني_عشر

_________________
مرّت الايام منها الحلوه وطبعاً اللي يحليها كلام جاسم وتصرفاته اللي ترسم البسمه بوجهي لا ارادياً ومنها الموزينه بسبب الغثه مريم وعمتي . وبالآونه الاخيره نضرات حمد الي مستمره بحيث ماكدر انزل هواي ، حتى صار كاعد بالبيت اكثر من جاسم ، وصارت علاقته وي مريم رسميه بين السلام والشلونچ بس بعده ينام برا وياخذ اكله ع صفحه وجاسم يروح شهر شهرين واضل كاعده وحدي واهتم ب بسمه وبشغل البيت ،وبعد ٤اشهر تقريبا قررت العائله شي مفاجئ ومن نگول مفاجئ لازم نعرف انّه من جده جريه

جريه- ولج يبنيه دعوفي الفرخه بسيمه وتعاي گابليني

حوريه- ها بيبي آمري

جريه- ولله مشتهيه نطلع لمچان نغير جو بس كون يجي جويسم ونجيب ابو حمد ويانه

حوريه- فكره حلوه بس خاف مايقبلون

جريه- لا يمي هالشغله بس خاف مريمه تسويلهه سالفه وتعم علينه

حوريه-بيبي بعد عمي ابو حمد ويانه

جريه- لا مايروح هذه مكانه الفصليات والهوسات خليهه فد ثلث ايام من يجي جاسم

حوريه- اي بيبي صار

جريه- يله حبيبه تعالي نكمل خياطة البيازه مثل ماعلمتج

حوريه- اي بيبي عرفتلها

جنت حاطه الشال ع ظهري واخيط ووجاي ادخل الخيط بالابره وبزيت ايدي صحت بس جانت صيحه خفيفه رأسا ركض عليه

حمد-شبيج شصار وين تأذيتي

انصدمت بس مادري منين ابدي، من حجابي اللي ملابسته لو من اهتمامه لو من نظرات بيبي فاتحه عيونها وحلكها وايدها ع خدها من الصدمه ، رفعت حجابي بسرعه

حوريه- م م ماكو شي

حمد- لا اكو صبعج جاي ينزف

جريه- ولك حميدان روح يمه شعليك بيهه

حمد- يمه ماقصدي بس من شفتها ...(قاطعته)

جريه- گوم يمه انه الف صبعها بقماش

راح وهو يدور وجهه ويباوعلي ضليت خايفه مدري شسوي

حوريه- بيبي فدوه لاتكولين لجاسم الله يخليج

جريه- هسه عرفت ليش ماتنزلين هواي وهاي ام حمد الدوده عبالهه تشردين من التنظيف وانه مصدگتهه

حوريه- وعديني ماتكوليله

جريه- بنيتي ماگوله لايضل بالج

مريم-ها خيركم شبيكم تتهامسون

جريه- كش لاهله ولا مرحبا روحي لجحرج عساج لاطلعتي

حوريه- ماكو شي