#الكاتبه_روان_الاسدي
#البارت_الخامس
__________________________
بعد ساعتين بالضبط كعدت وشفت الساعه تعجبت الوقت متأخر ومحد مگعدني كالعاده غسلت ورحت امشط شعري عالميز حته اشده والبس حجاب جان تطيح ورقه
فتحتها وشفت المكتوب بخط مجعمر
"تروحلج فدوه كل نسمه هوه داخله ب ريتي"
فتحت عيوني حيل هاي شنو معقوله جاسم كتبها زين هو يمته حبني جان معصب ومغنتب عليه وهسه يحجي غير شكل رغم ذلك
حطيت الورقه ع كلبي فرحت بيها جبت خيط وسويتها گلاده وكلت لازم اكسبه اكثر بس خل اروح لهاي ام الرعاويص اشوفها شمسويه البارحه
ام حمد-اشرقت وانورت عيني شدعوه كاعده من وكت لو نايمه بعد
مريم- خل تنام عليمن بعد اذا زوجها نظف حته نيتي
حوريه-عمه انه جنت تعبانه ولله وميته ماكدرت بس مريم معقوله نظفت نيتج ؟
باوعتلي ب توتر وخوف وتطكطك بأصابعها وعيونها تتهرب مني
ام حمد-عوفج من مريمه خايبه تعرفين جاسم وليدي نظف زلمه مشورب يلزم المكناسه ؟
هنا عيوني لمعت حطيت ايدي ع كلادتي ام الخيط وچن ماي بارد نزل ع كلبي جنت اخاف يضربني لو ميحبني ابد بس خلاني نايمه وراح هو اشتغل
ام حمد- ها شني صفنتي مامصدكه اي حقج
حوريه-عمه حقج عليه اعتذر
وحمد جان واكف بالمطبخ واحنه بالهول حمحم ودخل
حمد-يمه شبيج ماطلع تنظيف خبصتينه كل يوم دهره خلونه نعيش مثل الاوادم
ام حمد- لا يمه اليوم احاجي ابو حمد
مافهمت شتحاجيه كلمن راح لمكانه وانه رحت بالحديقه يم مريمه وردت اسالها كامت رفعت صبعها عليه كأنما تحذرني
مريم- شوفي لج البارحه ادري بيج ختلتي وشفتيني والوياي هوه حمد مامن زلمه غيره لاتلعبينهه عليه وتسويلي مشاكل تره اراويج وجهي الثاني
حوريه-اها خوش شرأيج اسأل حمد
لزمتني من ايدي بقوه وكالت بتحدي
مريم-روحي كولي كلمه وشوفي شسوي بيج اراويج الشمس بالليل
سكتت بس بعدني اباوعلها بعصبيه وهي تخزر بيه اجت الحجيه بنصنا
جريه- ولجن بعدجن فرخات وتتناطحن هيج،مو كبرتن كل وحده بكد الصخله روحن يله سون غده
ردت ادور وجهي ولطشتني ع ظهري ب سبحه
حوريه-اخخخ جده ليش
جريه- علمود ماتسوين المركه ماصخه اليه بعدني شباب
ضحكت ورحت اسوي الغده وبعدني شاكه ب مريم عدها بربوره كمت اسوي والغده وفكرت ب اختي شلون هيج ضاله وحدها وابوي واخوي مايهتمون بيهه ومحد يدرسها بعد ضال كلبي يمها انعصر كلبي عليها بلكي اقنع جاسم يخابر ابوي ويساله
دخلت مريم واخذت السجينه وتأشر عليه
مريم-حيذبحج بيده بس صبريلي كم يوم
حوريه- رح يحبني اكثر واكثر ومارح يكدر يعيش بدوني وانتي ضلي يوميه بحضن واحد
أنت تقرأ
الهَروت
Romanceروايه حقيقيه تروي واقع مؤلم لفتاه يتيمه تركوني وانا في مُقتــبل العمر... احتضنتي الشوارع ،الغــرباء والهموم... دُميتي بيــدي اتجول بين أُناسٍ لا رحمةَ في قلوبــهم ... كبــرت واشتقتُ لأمـي واذا بقبرهـا مُهدمٌ يُداس عليه امامي، ذهبتُ لأشتكي لفؤادي...
