#الكاتبه_روان_الاسدي
#البارت_الرابع
__________________________
سمعت صوت ضحك وسوالف فجأه شفت مريم واكفه يم واحد ويگرص ب خدها ويحضنها من بعيد مايبينون بس بينت لابسه احمر يلمع ويلالي
تفاجئت وكمت افرك ب عيوني ماعرفت شسوي ختلت وره الباب وضليت اباوعلهم وكام يكرص بيها ويحضنها وهيه فرحانه
وتضحك ياستار ياربي
ماحسيت الا ايد لزمت خصري من ورا..
جاسم-شجاي تسوين
جفلت من الخوف ضليت صافنه بوجهه مدري شسوي كمت افلت بالحجي
حوريه- كرصها كرصها
جاسم- شتحجين شنو طبگن الوايرات وضحيلي
حوريه- شفته كرصها
جاسم- منو ياهي منين
استوعبت انو هاي رح تطيح ب ستين داهيه اذا كلت ف سكتت وسألته
حوريه-انته شفت شي برا؟
جاسم-لا فارغه الحديقه
حوريه-ها
جاسم-ووجعه شعدج كاعده
حوريه-مخنوگه وجيت استنشق هوه الله
جاسم-اها جا تعالي نكعد بالحديقه
لزمت ايده اسحبها عكس اتجاه الحديقه وجنت ارجف واكوله
حوريه-لالا تعال نرجع للغرفه الجو مو حلو
باوعلي صفح وهو يصعد
جاسم- مو صوجج
رحت لحگته للغرفه وشفته كاعد ويدخن
حوريه- ليش متعوف الدخان جاي اختنگ
جاسم-وخنگتهم شعليه
ضليت اكح لان من صدك كلساع يدخن خنگني فتحت الگلوب باوعلي مستغرب
جاسم-شبيج ولج
حوريه-حته تدخن براحتك
جاسم-هاي شبيهه ايدج
حوريه- هاي مريم خطيه من الشغل صارت حرگه بيدها
جاسم-شجاي تحجين
حوريه-غير انتو مطلعينها نبي
جاسم- دكلي تبن وكافي لغوه شبيهه ايدج
حوريه-احتركت وانه اطبخ
جاسم-ليش ماكلتيلي اصخمها اعقمهه
حوريه-اهو شبيك مالي خلك تره بس تحاجيني بهيج نبره ابجي امي صارلهه كم يوم من توفت وانته ما تلاطفت وياي
جاسم-وشلون بله اتلاطف وياج ست الحسن
حوريه-يعني تكتبلي رساله حلوه او تعوفلي ورده لو مثلا تشتريلي لبسه.
فجأه تذكرت امي وهيه تگلي رح يتزوجج رجال ابن اجاويد ويدللج دلال ويوميه يجيبلج حاجه وعيوني دمعت وضليت اضم بوجهي
جاسم- شبيج
حوريه- مابيه شي
جاسم- طفي الضوه خليني انطمر ام المراسيل
طفيت الضوا وكعدت بزاويه ظلمه وضليت ابجي واتذكر ب امي واحضن بروحي واتخيلها تجيني وتواسيني وفوگ همي لكيت بقايا ورق محروگ مال كتبي وحطيت ايدي ع حلكي خاف يسمع صوت شوغاتي وضليت ابجي لحد ما سمعت اذان الفجر لان جنت يم الشباك اللي بالزاويه
___________________
هلي أذتني المحنة
هلي بروحي الحزن غنَة
هلي بفراگهم مامرتاح آحس
ميت بس ما أشوف الجنة
__________________
جاسم- حوريه اگعدي بزغت الشمس
كعدت متكسره وماعرف وين الله حاطني
حوريه- ها يمه جايه
حسيت بي شالني وحطني ع جربايه ونزل جوا
ام حمد-صبحك الله بالخير وليدي
جاسم- صباح النور يمه.
ام حمد- وينها مريتك كل مره تكعد من وكت
جاسم-تعبانه خليتهه تنام
اجت مريم تركض لحضن ام حمد وتحاجي جاسم ب نبره حزن
مريم- خويه تره مايصير هيج كاضيتهه نوم والبيت كله عليه تعبت وماكو حد يساعد
ام حمد-سوده عليه يبعد شيلاتي وعيناي وليدي كعدها خل تنظف شويه
جاسم- شنو تنظف
مريم-الهول والصاله والحديق وتدرّس ابني بطريقها
جاسم- جا شبقه
مريم-اوف اوف ياخويه بقه چثير
جاسم- تتدللين
ام حمد- تربايه ايداناتي
جاسم- فدوه لايدج يمه
دخل للغرفه يباوعلي ويتأملني شلون نايمه وعيوني مورمه من البجي واهلوس من التعب
عدل الغطى وسد الباب على كيف رفع دشداشته وبده يغسل بالحديقه وغسل السياره وصاحت مريم
مريم- تعاي خاله المكروده دشوفي ابنج عايف دوامه ويكرب
ام حمد-يبوووو گره عيني شسوت بيه حويره
مريم- خابري عمي ابو حمد كوليله شسوت بي الحيه
ام حمد- يمعزايه شخابر ينتر نتر بوجهي 24 ساعه شغل وكراب
مريم- جا روحيله خاله شتنتظرين
راحت تركضله وتلهث
ام حمد- يمه جا غير مريتك تنظف
جاسم- ماكو فرق بينه يمه لاتكبرينهه
ام حمد- الا اكعدهه واربيهه من جديد ماتعرف الاصول رجال مشورب يغسل وينظف
جاسم- وحگ اللي رفع السمه الفوگاج اللي يكعدهه اطلعله عين ثالثه
ام حمد- ضل براحتك لحد ما تخرب بيدك
جاسم- حاضر انه ضال وانتي؟
ام حمد- رايحه الطم ع تربيتي الراحت
دارت وجهه وهو صاح مبتسم
جاسم- يمه تربيه اديناتج مو تربيتج
وخلص كل التنظيف بقه بقوري ابن حمد الصغير عمره 7 سنوات يسبحه راح صعد لغرفته
جاسم- باقر اكعد لك الوصخ يمته تدرس
باقر- عمو خل انام
جاسم- دكوم عقلك صار بي بنچر
شاله وراح للصاله
باقر-عمووو لااااا لااا ماريد ادرس
جاسم- دتعال خل اعلمك
باقر- اخخخ ولله طگت روحي
وبقه يعذب بي قصدي يدرّس بي وراها..
بعد ماخلص نزل ل ام حمد
جاسم- يمه ريوگ اريد اطلع للشغل
ام حمد- ماعدنه زلم يطلبون ريوگ ونسوانهم نايمه
جاسم- اتفق خل اسوي ريوگ وارجعلكم
مريم- خاله جا انه عبالي بس حمد مخبل
ام حمد- لا بعد رويحتي انه بدال الحبل السري حاطين واير مبرده صارو وايراتهم طابكه
راح طگله بيضه وجاي وخلص وغسل مواعين ريوگه وصعد فتح الباب ع كيف واخذ ملابسه وكتب شي ب ورقه وخلاها عالميز وطلع
بعد ساعتين بالضبط كعدت وشفت الساعه تعجبت الوقت متأخر ومحد مگعدني كالعاده غسلت ورحت امشط شعري عالميز حته اشده والبس حجاب جان تطيح ورقه
فتحتها وشفت المكتوب بخط مجعمر
"تروحلج فدوه كل نسمه هوه داخله ب ريتي"
أنت تقرأ
الهَروت
Romanceروايه حقيقيه تروي واقع مؤلم لفتاه يتيمه تركوني وانا في مُقتــبل العمر... احتضنتي الشوارع ،الغــرباء والهموم... دُميتي بيــدي اتجول بين أُناسٍ لا رحمةَ في قلوبــهم ... كبــرت واشتقتُ لأمـي واذا بقبرهـا مُهدمٌ يُداس عليه امامي، ذهبتُ لأشتكي لفؤادي...
