#الكاتبه_روان_الاسدي
#البارت_السادس____________________________
رحت ركضت فوك شفت عندي بس ٥٠ رحت لخزانه جاسم واخذت ١٠٠ ونزلت ضليت الهث اخذت نفس عميق ورحتلهاحوريه- تفضلي
اخذتهن وهيه ما مصدكه وتحسب وتبتسم
حوريه-يله كتبيلي اريد الحك اسويهن
راحت جابت ورقه وضلت تكتب وتكتب طبكت الورقه وغمزتلي
مريم- وصفه خاصه مو تنطيهاوهنا حصلت الخط رحت لغرفتي وجبت الورقه الثانيه وقارنتهم وطلع نفس الخط ب ضبط وبقيت اللليل كله انتظر جاسم حتى اثبتله برائتي
غفيت وصحيت ع صوت الاذان صليت نزلت جوه انظف وسمعت بالحديقه صوت دگ طلعت وشفت جاسم لابس فانيله داخليه ويكسر بالخشب
رحت گباله وشفت عروق ايده كلها بارزه من التعب وكفت كدامه
حوريه- ممكن اخذ من وكتك المهم
شمر الفاس ع صفحه وباوعلي ب حده
جاسم-شتردين
حوريه- عندي اثبات
جاسم-عبالج اصدگج؟حوريه- تعال اصعد بس دقيقتين اراويك واذا طلعت جذابه سوي اي شي
ابتسم ابتسامه خفيفه وباوع عالفاس ورجع باوعلي
جاسم-اي شي؟
حوريه- يي تعالرحنه فوگ ومدري ليش من اجه يمي وانفاسه صارت عليه كمت ارجف وايدي تهتز بقوه الورقه ماثابته باوعلي بملل
جاسم- اي وبعدين؟
حوريه- ش شوف هاي نفس الخط
جاسم- هاي خط منو
حوريه-اخذت منك فلوس ودفعت لمريم حته تكتبلي وصفه وقارنت الخط وطلع نفسهضل يركز بالخط عگد حواجبه وراح لبس قميص ونزل يصيح
جاسم-حمدد وينك حممممد
راح لبابهم وضل يدك بقوه طلعله حمد لابس دشداشه ازاراها مفتوحه
حمد-خيرك جاسم شصاير
جاسم- شوف خويه من هسه اكلك ادب مرتك تره انعل ابو الاخلاق وادوس ع تربيتي وحظهه اطيحهانتبهت الها خاتله ورا حمد واجت عمتي تصيح
ام حمد-يمه ولدي شبيكم يمه شسوت هالحيه بعداشر ب صبعه عالكل بتهديد وكال ب حده
جاسم-اذا واحد يطخ حوريه بكلمه لو ب ايده حته لو شعره منهه مايلوم الا نفسه
حمد-شصار خويه مو خبلتني اريد افتهم شي ماكو
جاسم-امس ماخليتو شي ماحجيتوه عليهه ع رساله الوصلت تدري منو كاتبهه
حمد- منو
جاسم- المسعده مرتكهمست بيني وبين نفسي (ام الرعاويص)بس من الكل جان صافن انسمعت
حمد- وشنو الدليل
جاسم- عندي الدليل بس اريد اواجه مرتك خل نشوف تبريراتها
أنت تقرأ
الهَروت
Romanceروايه حقيقيه تروي واقع مؤلم لفتاه يتيمه تركوني وانا في مُقتــبل العمر... احتضنتي الشوارع ،الغــرباء والهموم... دُميتي بيــدي اتجول بين أُناسٍ لا رحمةَ في قلوبــهم ... كبــرت واشتقتُ لأمـي واذا بقبرهـا مُهدمٌ يُداس عليه امامي، ذهبتُ لأشتكي لفؤادي...