#الكاتبه_روان_الاسدي
#البارت_التاسع
________________________
حمد- شنو هالكعده الحلوه يابه صباح الخير
جاسم رأسا دنگ ولا رد عليه
جريه- صباح النور يمه تعال اكعد
حوريه- ءءانه رح اروح اصب جاي الك
حمد- ماتقصرين خيتي
جريه-ها حميدان ماناوي تكول شي لاخوك الصغير
حمد- يمه شگول
جاسم- ماحاجه يكول شي
جريه- اعتذرله وبعدين تعرف منو اللي على حق وليدي
حمد- مافهمتج يمه شبيكم هيه عركه من مالات امس اليوم جديد يعني نسينه كلشي
ضرب كتف جاسم وابتسم له
حمد- حزام ظهري شلون بيننه زعل
جاسم- ماعليك زود خويه مابيننه شي غير الخوه
جريه- اي عفيه ابقو هيج من جنتو فروخ هم تزعلون وتتصاحبون بسرعه
جاسم- يمه انه رايح اشوف حوريه نسوي ريوگ
هنا واضح انو يتهرب من الموضوع وحمد مالاحظ لان مريمه تكعد متاخر ببعض الاحيان ف لحد هسه هو هادئ
حوريه- ها شنو
جاسم- شنو شنو
حوريه- كلتو اله لو لا
فجأه دنگ سند راسه ع كتفي حسيت بثگل وكأنما يريد يطيح عليه
حوريه- بيك شي
جاسم- يمته تصيرين الي بالصدك وافرغ حرگتي مال مرت حمد بيج
حوريه- شعلييييه
جاسم- بعد تحملي
حوريه- شسمه نسيت اسألك
جاسم- غيرتي الموضوع بسرعه خوب، ديله سألي
حوريه- عمي صارله كم يوم مختفي
جاسم- يوميه رايح لديوان لو لكعده مايهتملنه يكول تصيرالمشاكل بكل بيت
حوريه- ها عرفت انت عليمن طالع
جاسم- ولج كضيت عمري مگابلج
حوريه- يله فار الچاي رح احط ريوگ اسبقني انته
جاسم- ها يعني فاير
أنت تقرأ
الهَروت
Romanceروايه حقيقيه تروي واقع مؤلم لفتاه يتيمه تركوني وانا في مُقتــبل العمر... احتضنتي الشوارع ،الغــرباء والهموم... دُميتي بيــدي اتجول بين أُناسٍ لا رحمةَ في قلوبــهم ... كبــرت واشتقتُ لأمـي واذا بقبرهـا مُهدمٌ يُداس عليه امامي، ذهبتُ لأشتكي لفؤادي...
