الهَروت

الهَروت_21

#الكاتبه_روان_الاسدي
#البارت_الواحد_وعشرون

انه العايشلك وميت عله اعيونك
سواد الليل ماينعاش من دونك.

_________________________________

مرّت الايام دراسه وامتحانات وابد ماشفنا الرجال المتحرش رغم المحل مالته بطريقنا للمدرسه وبعد كل هالمده اتوقع باقر ناسيه، اما الحارس ف ناسيني الظاهر انا مو اول وحده ،وباقر يجي قبل نصف ساعه من الحلّه حتى بسرعه اروح ،واجت امتحانات نصف السنه

نهله-اليوم اول امتحان كون نطلع وجوهنه بيضه

باقر-من الشغل مالحگت اقرا بس فصلين

نهله-ولك انا گاعده بالبيت وقريت فصل ونص

بسمه-يله باقر انت هم وراك امتحان لاتتأخر خلينا نتمشى بهذا الفرع وانت روح

باقر-ميخالف بعد ربع ساعه خلي اوصلكم للباب

بسمه-لا خلي نستعجل اليوم اول يوم لازم يصيحون بالاسامي وترتيب القاعات تعرفه و وين مكانك هم

نهله-اي صح

باقر-يله هاي وصلنا ماعوفكم

وبس دخلنا للفرع اللي بي مدرستنا شفنا بباب المدرسه سياره تكسي ومنتچي عليها الشخص المتحرش نفسه(ابو علي) فجأه كمت ارجف ،ماكدر اتحرك بعد، اباوعله واغطي وجهي اجت نغزات قويه بگلبي لحد ما لاحظو

نهله-بسمه شبيج

باقر-شنو هاي ليش ترجفين

بسمه-ماكو شي خل ندخل بسرعه فدوه

باقر-احجيييي شبيجج

بسمه-باقر فدوه لاتصرخ خل ندخل منا الحارس

باقر- ولجج صرتي قطعه زرگه كوليلييي شصاير

نهله- نصي صوتك جاي يباوعون النا

بسمه-رح اكلك بس وراها ترجع لمدرستك وتعوف كلشي بدون مشاكل الله يخليك

باقر-احجي شنوو

بسمه-هذاك اللي يم التكسي هو اللي حاول يتحرش بيه

نهله- اهووو سالفه صارت وانتهت يله خل ندخل الامتحان رح يبدي كافي عاد

ابو علي حيل ضخم وباقر هم عنده ضخامه بس اكيد مو بگد هذا المتحرش ، سحبتني بسمه علمود ندخل شفت باقر عيونه حمر ويخوزر بي ضليت اغم روحي ومتندمه لان گلتله

باقر-دخلن كدامي

بسمه- ما ادخل

باقر-جاي اگلج دخلي يلا لااا هسهه اطيحح حظجج

بسمه- ما ادخل باقر

نار جانت تطلع من عيونه انفاسه الحاره كل مالها تتسارع لزم ايدي بكل قوته حسيتها رح تنگطم همس الي وهو صاك سنونه